AYUB 27:23 - WUKE SUSI WATTI'U AL᷊AL᷊USASSA

²³ Ananawone nisal᷊ohoannu taumata ringannu tatal᷊o'appa; suapan tampa i tou naasomba aal᷊uandaga.”

AYUB 27:23 Iomraidhean Croise

1 MARARATU 9:8

Wal᷊en patataṛṛamawuanna indi sarun maola'a ere winal᷊al᷊anna niomboanna na'aman sara suapan taumata apan sumabbi isudde sarun ṛumindu'a wuṛṛu mata'utta. I mangitou sarun mabbisara, ‘Anio Mawu na'ola'a aroddi su wanua wuṛṛu su wal᷊en indi?’

AYUB 18:18

Wuassu asasemakka i tou nilimbuaṛṛanna sulal᷊ummu ararandumma; wuassu runian taumata wiakka i tou niapasal᷊iu.

AYUB 20:8

I tou sarun mawul᷊i ere lintaun bal᷊iawa, mahangginna ere aellega sutempo ṛabbi.

AYUB 28:1

Pia paal᷊ianna isudde sal᷊a'a niasombanganna; pia tampa isudde wul᷊awanna wabbaresianna.

AYUB 34:37

Pasasal᷊ane lai tambannu sambau rosa; wuṛṛu mangngaddio'a Ruata su saruanni ite.

AMSAL 11:10

Soa maṛṛamaga amungkangngu taumata matul᷊idda maasomba wiakke; tumana'u soa lullala'a napawe taumata lal᷊eo nate.

YEREMIA 19:8

I Ya'u sarun maṛṛia'u asasilaka apan wahewalla su soa indi, ma'oman sara suapan taumata apan sumabbi isudde sarun ṛumindu'a wuṛṛu mata'utta.

LAL᷊ALLU 2:15

Anambon taumata apan sinumabbi, mangngal᷊uandaga si'o, ana waugu i'o naṛṛimunsa'e abbi. I mangitou uapapa'ilingnga wuṛṛu nabbisara, “Eteudde apan aṛṛansanganne, soa apan raddaloannu runia?”

YEHEZKIEL 25:6

Mawu Apan Atanggaṛṛanne nabbisara, “i yamiu mattal᷊o'appa lapiddu massal᷊aingnga lulluassa. I yamiu mangngadio'a leta'u Israel.

MIKHA 6:16

Sarangkanambone udde mariaddi ana waugu i yamiu tuttantalongnga manga inolaanni Ratu Omri wuṛṛu anangnge apan dal᷊eo, eteudde Ratu Ahab. I yamiu mattanno manga pallal᷊aghun mangitou. Ana waugu udde i Ya'u sarun makkimunsa'a si yamiu, wuṛṛu i yamiu sarun al᷊uandahanna wuṛṛu lobbosannu al᷊awo'u walahanna.”

NAHUM 3:19

Hal᷊isanu sarun tawe aundamanna, wuṛṛu manga lessanu tawe mapia. Anambon taumata apan naaringikka watti'u araṛṛimunsangu sarun mattal᷊o'appa lulluassa. Ana waugu anambon taumata buatte natataṛṛangnga susa ana waugu al᷊al᷊eonu apan tawe panguddusanne udde.

ZEFANYA 2:15

Ete udde apan sarun mariaddi su soa apan lullala'a udde wuṛṛu massunna watanganne mal᷊angnganne su runia. Al᷊annabbawe eteapa wageangngu leta'a udde, taweddu uatana'a tumba'u manga winatangngu ahuranganna apan massal᷊akka isudde! Suapan taumata apan sumabbi su soa udde sarun ṛuminddu'a wuṛṛu maapendamma atata'utta.

SONDAPPA 18:20

Ei surga, lala'e ana waugu aṛṛaṛṛimunsa'u soa udde! Ei, al᷊aṛṛana'u Ruata, manga rasul, manga nabi, lala'e! Ana waugu Ruata suete naṛṛuumanni tou maola'a sambau bawal᷊issu sarangkanambone apan niola'i mangitou si yamiu!