AYUB 26:8 - WUKE SUSI WATTI'U AL᷊AL᷊USASSA

⁸ I Tou nalloṛṛon ua'e apan manambo-nambo su winabbawa, arawe winabbawa udde tawe nahesa'a ana waugu awakkanne.

AYUB 26:8 Iomraidhean Croise

AYUB 36:29

Tawe saran sangkatou apan maasunna amamattu manga winabbawa see lai tingikku rallu'a su langitta su tampa Ruata utana'a.

AYUB 38:37

Isaite asingkanne natimu ipandeengngu winabbawa wuṛṛu mamilingnge ma'oman sara manguranna,

AYUB 38:9

Ete i ya'u apan namalungnga tahal᷊oangnga ringannu winabbawa wuṛṛu mami'unnu ararandumma.

DARALO 135:7

Wuassu pentakku runia i Tou nandantan winabbawa, i Tou na'ola'a sawallo hunan kuranna. Ana see i Tou namarenta anginna tadea'u sumabbangnga wuassu tampa pangaddoanne.

DARALO 147:8

Ete i Tou apan namataddu winabbawa su langitta; i Tou nanaddia uranna iemaa'a su runia, wuṛṛu na'ola'a nannal᷊o niapatuwo su wuidda.

AMSAL 30:4

Taumata suapane apan buatte napapal᷊ele su surga? Buattewe i tou nakkangkumma anginna sulal᷊ummu limane, wuṛṛu nami'unna ua'e sulal᷊ummu laungnge, ara'e nanantunnu manga passarannu runia? Isai i tou, wuṛṛu isai anangnge? I'o sarun masingkatta!

AMSAL 8:28

sutempo Mawu nangaddon binabbawa su winalanganna, wuṛṛu manga matan ua'e su tahal᷊oangnga,

YESAYA 5:6

I Ya'u sarun mamalane tuwoannu ahuranganna waine. Punnu anggorene tawe Ta'u tontoanna, wuṛṛu tawe Ta'u wabbasanna. Ewe'e Ta'u iwala tataapannu ahuranganna ṛoaanna wuṛṛu nannal᷊o, ewe'e lai manga winabbawa Ta'u isingadda mangema'u uranna su wailla udde.”

YEREMIA 10:13

Tumba'u ringannu mangonggollu parenta, mannuntingikke ua'e su langitta. Wuassu manga pentakku runia niaparanta-Ne winabbawa, wuṛṛu niolang-Nge sawallu ma'ilatta sulal᷊ummu uranna, see lai niapasabbang-Nge anginna wuassu pananahipunan-Ne.