AYUB 24:12 - WUKE SUSI WATTI'U AL᷊AL᷊USASSA

¹² Su manga soa aaringiṛṛanna aintul᷊in taumata maraniten mate, manga taumata nal᷊essa u'ui maddorongnga maiundamma, arawe Ruata tawe maddaringikka aal᷊iomanni mangitou; I tou maddiri mappandumma.

AYUB 24:12 Iomraidhean Croise

PANDARIADDI 4:10

Ana see Mawu nabbisara, “Anio i'o ma'ola'a inolaanna apan maata'utta udde? Daṛṛan tuarinu uui si ya'u wuassu leta'a, naal᷊ihidda tingikka sussal᷊ande madorongnga wawal᷊inne.

AYUB 24:11

Wuassu zaitun i tou nanaṛṛitta lana wuṛṛu wuassu wuan anggore, na'ola'a inumanna, arawe i tou sassane mangke tumaniten marou.

AYUB 24:13

Pia manga taumata apan mannol᷊a'u asasemakka wuṛṛu ma'isaseenne, i mangitou ma'ielembaga wuṛṛu tawe tumuṛṛutta dal᷊anne.

AYUB 9:23

Amungkangngu taumata tawe sal᷊ane inaṛṛombanganne mate, Ruata tumba'u lullage.

AYUB 9:24

Runia tinantillu Ruata su taumata mapontol᷊osanna, wuṛṛu manga mallaṛṛuungnga niolang-Nge wuta abbi. Ruata na'ola'a sarangkanambone indi, amungkangngu wal᷊ine i Tou, isai lai wotongnge?

DARALO 10:13

Anio taumata lal᷊eo sidutu mangngadio'a Ruata wuṛṛu maṛṛingidda Ruata tate makkuumanni tou?

DARALO 109:22

Ana waugu i ya'u asiangnga wuṛṛu susa, wuṛṛu naungku nal᷊essa na'oman lal᷊umme.

DARALO 12:5

apan mabbisara, “I yamiu uataṛino ringannu lilan kami! Walate i yami mabbisara, wuṛṛu tawedu wotongnge manal᷊are!”

DARALO 50:21

Eteudde apan niolangngu, arawe i Ya'u tumba'u mal᷊annaba, nariaddi su ṛingirannu i Ya'u ere lai i'o. Arawe orassa indi i Ya'u mapasal᷊anu, wuṛṛu sarangkanambone udde Ta'u iapal᷊iatta'a si'o.

DARALO 69:26

Wala'e paddasananni mangitou mal᷊annaba, wuṛṛu manga rasanni mangitou taweddu matana'a.

SASABANGNGA 22:27

ana waugu ete mal᷊aṛṛenessa sambau udde apan ipanal᷊ihangnga watanganne. Amungkangngu tawe iapawelengnga si tou, i tou malluṛṛeten nasa suapa ipaatta matiilla? Amungkangngu i tou umui maiontolla si Ya'u, ne i Ya'u sarun maddaringikka ana waugu i Ya'u maakkanna.

MANNANASE 4:1

Wua'udde nanutukka lai al᷊awo'u awawengkolla apan nariaddi su runia indi. Manga taumata apan niallangnga lulluai wuṛṛu taweddu apan apan mappulu mangontolla si mangitou. Tawe saran sangkatou apan mappulu massumbala, ana waugu manga mangangallangnga udde uatahuanna taṛṛino apan wahewalla.

YESAYA 52:5

Orassa indi apate manara-U isindi? Taumatan Babel nanawanna si yamiu ringannu walate apulune. I mangitou apan mangngallangnga si yamiu mammunga wuṛṛu sidutu mallobbossa si Ya'u.

YEREMIA 12:1

“Amungkangngu i ya'u mangapiddu hatto'u su saruan-Nu, oh Mawu, isudde mangke asingkatanna manungku ete I'o apan atonna. Arawe i ya'u mappulu lai ma'iwal᷊o Si'o su ola'u atatul᷊idda; Anio taumata lal᷊eo mabbal᷊i su lal᷊umanna'a? Anio ewe'e taumata taṛṛa linga mabbal᷊i ala?

YEREMIA 12:2

I'o nassuanni mangitou ere sinuananna, ana see i mangitou nakkamutta, tinumuwo, wuṛṛu nabbua. I mangitou sidutu mabbisara wisara mangkapia su ola'u watangan-Nu, arawe sulal᷊ummu naungnga, i mangitou tawe mappandumma Si'o.

MALEAKHI 2:17

I yamiu na'ola'a Ruata nawusa ringannu tal᷊umamanu. Arawe i yamiu ma'iwal᷊o, “Ereapa i yamiu maawusa Mawu?” Ringannu mabbisara, “Anambon taumata apan ma'ola'a al᷊al᷊eo sassunnannu Mawu mapia, wuṛṛu i Tou mappulun mangitou.” Ara'e ringannu ma'iwal᷊o, “Suapa Ruata apan naudde matul᷊idda udde?”

MALEAKHI 3:15

I ite maasilo sassane manungku manga taumata mawunga su lal᷊umanna'a. Taumata lal᷊eo tawe tumba'u mabbiakka su al᷊al᷊uassa, arawe amungkangngu i mangitou manal᷊u'atta asasabaren Duata ringannu ma'ola'a al᷊al᷊eo, i mangitou nal᷊iu lai.’ ”

2 PETRUS 3:15

Pendamete manungku asasabbare Mawun kite maola'a sambau tempo apan nionggoli Tou si yamiu tadea'u wotongnge masal᷊amatta. Paulus, tuṛṛangi ite apan arangnguanna, suete namoṛṛeta aroddi lai si yamiu. I Tou namoṛṛetu udde ringannu apande apan nionggolu Ruata si tou.

MAL᷊AṚṚUUNGNGA 10:16

Wua'udde anambon paal᷊uanna sassubbanna nirammete si mangitou, ana see nassubbate Ruata. Ne Ruata nompo'a naung-Nge naasilo si mangitou sulal᷊ummu asasusa.