AYUB 24:1 - WUKE SUSI WATTI'U AL᷊AL᷊USASSA

¹ Anio Ruata tawe nanantunnu allo pakkuunganna, tadea'u manga taumata apan masingkan-Ne maasomba atatul᷊idda?

AYUB 24:1 Iomraidhean Croise

PANDARIADDI 18:17

Mawu nabbisara sulal᷊ummu naungnga, “I Ya'u tawe mangadapingnga si Abraham apa apan sarun Ta'u olaanna.

PANDARIADDI 7:4

Ete pitu allo lai I ya'u sarun manossokku uranna apan tawe mangallo al᷊annune appatu pul᷊o su allone appatu pul᷊o su ṛabbine, tadea'u riadianna apan buatte Ta'u niola'a udde tawe mate.”

AYUB 15:20

Taumata lal᷊eo apan mannannsara sansul᷊ungnge, sarun mamendamma atata'utta su al᷊o'engngu pabbiaṛṛanne.

DARALO 31:15

Arawe i ya'u uaantimma Si'o, oh Mawu, ana waugu ete I'o Ruata'u.

DARALO 36:10

Ete I'o punnu pabbawiakku anambon riadianna, sulal᷊ummu semakku Mawu i yami naasilo semakka.

DARALO 9:10

Mawu udde tampa pattillummannu taumata apan aumpisananna, tampa passirunganna sutempon asasusa.

MANNANASE 3:17

I ya'u naṛṛingidda, Ruata sarun makkungngu taumata apan mapia ara'e lai taumata lal᷊eo, ana waugu suapan inolaanna wuṛṛu suapan manara sarun mariaddi sutempo apan buatte nitantunna Ruata.

YESAYA 2:12

Su allo udde Mawu Apan Lembontaṛṛino sarun mapawawon sarangkanambone apan mannanggakku watanganne wuṛṛu makkuumannu sarangkanambone apan mawunga wuṛṛu matanggakka.

YESAYA 60:22

Ewe'e lai amonanna apan addio'a wuṛṛu masa'ina sarun mabbal᷊i walahanna apan bahewalla wuṛṛu matohassa. I Ya'u Mawu sarun mal᷊ihakke mammanara sutempo apan na'etta'a ara'e natantunna.”

YEREMIA 46:10

Arawe i ya'u, Yeremia mabbiisara manungku eteindi allo Mawu Ruata Apan Atanggaṛṛane wuṛṛu Lembontaṛṛino; su allo udde i Tou ma'ola'a pabbawal᷊issa su anambon seen-Ne. Hal᷊ele-Ne sarun uminassa si mangitou ma'oman sara mal᷊aidda, wuṛṛu ma'inumma daṛṛa mangitou ma'oman sara mawusa. Allo indi Mawu Apan Lembontaṛṛino, naṛṛata manga sasamba-Ne su sawannakka, su winggin Sal᷊ukku Efrat udde.

DANIEL 2:21

Ete i Tou apan mannantunnu watianna wuṛṛu tempo, i Tou mannal᷊inggi wuṛṛu mannenegu tembonanne. Ete i Tou lai apan mangngonggollu asingkatta, see mangngonggollu pasasunna.

OBAJA 1:15

“Atonna, maranite allone, i Ya'u, Mawu, makkuungngu manga walahanna. Apa apan niola'i Edom sarun ipabbal᷊issa si tou. I tou sarun maapendamma lai apa apan buatte niolangnge.

ZEFANYA 1:7

Allon Mawu maranite, su allo udde Ruata sarun mamanara; ana waugu udde, paatammudde watangannu su sarua-Ne. Mawu uariahite mamate uman-Ne ere sasamba aonggolla wuṛṛu i Tou buatte namanggo manga seettu Yehuda.

MATIUS 24:38

Su miallo-miallo taambe nammanawangnga wahewa udde, manga taumata u'anna wuṛṛu ma'inumma wuṛṛu ma'awingnga. Aroddiwe naola'a na'oman sara su allo i Nuh sinumutta su apalla.

YOHANES 17:3

Ete indi wiakka tutune wuṛṛu mal᷊annu-l᷊annu; tadea'u taumata maaillal᷊a Iamangnga, eteudde Ruata tinggassa apan atonna, wuṛṛu maaillal᷊a si Yesus Kristus apan nirolokku Iamangnga.

WATTI'U MANGA RASUL 1:7

Mawu Yesus sinumimbakka, “Iamangku sassane manantunnu allone wuṛṛu tempone. Udde tawe wotongnge asingkatanni yamiu, ana waugu udde apulun Iamangnga.

WATTI'U MANGA RASUL 17:26

Wuassu sangkatou taumata i Tou nandiaddi anambon walahanna wuṛṛu nandolokki mangitou matana'a su ahewallu runia. Ete i Tou lai apan nanantunna ro'en paarorone, tingngera wuṛṛu suapa i mangitou wotongnge mabbiakka.

ROMA 2:5

Arawe puan kamiu maattika wuṛṛu maddiri mawal᷊u. Ana waugu udde ete i yamiu sassane apan ma'ola'a ṛuumannu aatambanna awakkane su Allon Kiamatta, napawe Ruata mapaal᷊iatta'u asasa'u-Ne ringannu ṛuumanna apan su ṛinone.

1 TESALONIKA 5:1

Manga tuṛṛangnga, i yami salaiwe lasa'e mamoṛṛettu suratta si yamiu angngerate tempone apan na'etta'a, manga olangnge udde sarun mariaddi.

1 TIMOTIUS 4:1

Ghaṛṛahon Duata ringannu masemakka nabbisara manungku su tempo apan sarun rumanta, sangkawageanganna taumata sarun massinaaddi Kristus. I mangitou sarun tumuṛṛutta manga ghaṛṛaho apan mangngal᷊iwu wuṛṛu tumantalonga manga al᷊aṛṛa'u ghaṛṛaho lal᷊eo,

1 TIMOTIUS 6:15

Daranta-Ne sarun itantunnu Ruata sassane su tempone apan naṛṛino. Tumba'u i Tou sassane uatahuanna; i Tou mawantuga, Ratu wuassu al᷊awo'u ratu, wuṛṛu Mawu wuassu al᷊awo'u mawu.

2 PETRUS 2:3

Ana waugu i mangitou masaṛṛia'u, ne manga huru awusu udde sarun mabatti'a si yamiu manga watti'a iaaṛṛangnge sassane ana see maasomba auntunganna wuassi yamiu. Arawe pamamarikisanna apan maṛṛuumanni mangitou mal᷊annute nissaddia, wuṛṛu papate apan suete nitantuna si mangitou tantal᷊anna uaraṛṛaddo si mangitou.