AYUB 23:13 - WUKE SUSI WATTI'U AL᷊AL᷊USASSA

¹³ Ruata udde tawe mawal᷊u, taweddu maal᷊awangnga si Tou. I Tou ma'ola'a sarangkanambone apan ipaapulu-Ne.

AYUB 23:13 Iomraidhean Croise

AYUB 10:13

Arawe orassa indi i ya'u masingkatta manungku su al᷊annune udde, mal᷊anna-l᷊annabba I'o buatte nakkiinnu silaka'u.

AYUB 10:7

Ṛinone I'o masingkatta wuṛṛu maatutukka, manungku i ya'u tawe sal᷊ane, arawe naṛṛino. I'o masingkatta manungku saran sangkatou tawe maatottolla manal᷊amatta si ya'u wuassu lima-Nu.

AYUB 11:10

Amungkangngu i Tou manametta wuṛṛu i'o iapidda su mallaṛṛuung-Nge, ne isai waṛṛani manal᷊are inolaan-Ne?

AYUB 12:14

Sarangkanambone apan nihohakku Mawu tate iawangunna apia isai apan niatawan-Ne tate mapallossa apia.

AYUB 23:12

Manga parentan Duata sidutu tattuṛṛutangku, apulu-Ne daringiṛṛangku, wuṛṛu wal᷊ine apulu'u sassane.

AYUB 23:14

I tou sarun mapaamattu ṛiin-Ne si ya'u, wuṛṛu ta'e manambo lai ṛiin-Ne waine.

AYUB 34:29

Napawe Ruata makkawessa mangke mal᷊annabba, taweddu saran sangkatou apan waṛṛani mapasal᷊a-Ne. Amungkangngu i Tou namunin hati-Ne, tawe saran sangkatou apan maasangkalla si Tou.

DARALO 115:3

Ruatan kite su surga, i Tou mammanara apa apan ipaapulu-Ne.

DARALO 135:6

I Tou mammanara apa apan ipaapulu-Ne, su langitta wuṛṛu su runia, su tahal᷊oangnga wuṛṛu su laudda apan mal᷊al᷊umma.

AMSAL 19:21

Taumata pia manambo ṛiinna, arawe tumba'u laṛṛawessu Mawu apan maola'a.

MANNANASE 1:15

Iapa wengkolla tawe iatul᷊idda, wuṛṛu apan tawe baddi'a tawe iareengnga.

MANNANASE 3:14

I ya'u masingkatta manungku al᷊awo'u manaran Duata siditu sarun mal᷊annu-l᷊annu. Taumata tawe maatamba ara'e maahaingnga. Wuṛṛu mammanara aroddi tadea'u i ite mata'utti Tou.

YESAYA 46:10

Wuassu panattaṛṛanne i Ya'u namasingkattu manga apa apan sarun mariaddi sal᷊immurine, ro'en dorone i Ya'u mabbatti'a apa apan sarun mariaddi. Manga wisara-U: Putusang-Ku sarun maola'a, apulu-U sarun Ta'u olaanna!

YESAYA 46:11

I Ya'u namaggo sangkatou tembonanne wuassu ra'i i tou nirumanta ere sambau manu'u winalanganna apan mal᷊aṛṛaga su mapaamattu putusang-Ku. Apa apan Ta'u niwisara udde sarun Ta'u manaranna, wuṛṛu apa apan Ta'u ilakkiinna sarun Ta'u olaanna.

DANIEL 4:35

Manga walahanna su runia tawe gunane. Ruata uataṛṛino mala'ekatta su surga wuṛṛu tumana'u runia. Tawe saran sangkatou apan maal᷊awangnga apulu-Ne, taweddu waṛṛani mamasingkattu apa apan niolang-Nge.”

ROMA 9:19

Ne, tuṛṛangnga sarun mabbisara si ya'u, “Amungkangngu aroddi anio Ruata ta'e mapaasal᷊an taumata? Wal᷊ine tawe saran sangkatou wotongnge maapaningadu apulun Duata?”

YAKOBUS 1:17

Suapan aonggola apan mapia wuṛṛu lal᷊antake apan nasuungnga darantane wuassu surga, nisossoku Ruata, Mandariaddi al᷊awo'u asasemakka su langitta. I Tou Ruata apan tawe mawal᷊u, wuṛṛu tawe lai mapaarantan ararandumma.