AYUB 22:27 - WUKE SUSI WATTI'U AL᷊AL᷊USASSA

²⁷ Amungkangngu i'o umal᷊iomanna, i Tou sarun sumimbakka si'o, wuṛṛu i'o wotongnge manipussa anambon paairenu.

AYUB 22:27 Iomraidhean Croise

2 MARARATU 13:4

Ana see i Yoahas niumal᷊iomanna su Mawu, ne Mawu naddaringikka aal᷊iomanne udde, ana waugu Mawu na'ellega aroddi al᷊aṛṛage ratun Siria mammarenta taumatan Israel.

1 TAWARIKH 4:10

Arawe i Yabes niumal᷊iomanna su Ruata apan sassubbannu taumatan Israel, wisarane, “Oh Ruata, al᷊amatewe i ya'u, wuṛṛu antimanna hewal᷊anna wageangngu leta'a paparentangku. Tannoiwe i ya'u wuṛṛu paaraua'a asasilaka tadea'u i ya'u tawe matataṛangnga.” Ne Ruata naddaringikka darorongnge.

2 TAWARIKH 33:13

Ruata naddaringikka aal᷊iomanni Manasye wuṛṛu namelengngi i tou watukku Yerusalem iapaparenta apia. Ana waugu arariadianna udde Manasye nangimanna manungku Mawu eteudde Ruata.

AYUB 11:13

Ayub, waresite naungngu, wuṛṛu sassille! Aal᷊iomante su Ruata!

AYUB 27:10

Ṛinone i tou ṛumintulun lal᷊umanna'a wuassu Ruata, wuṛṛu umal᷊iomanna si Tou ringannu tawe illol᷊one.

AYUB 33:26

Napawe i tou umal᷊iomanna, Ruata sarun umakkanne, ne i tou sarun maddalo Ruata ringannu lullala'a wuṛṛu Ruata sarun mamelengngu lal᷊umannangnge.

AYUB 34:28

Waugu i mangitou taumata asiangnga sussal᷊iomanna lal᷊uain mangitou niaringiṛṛannu Ruata.

AYUB 8:6

amungkangngu naungngu matul᷊idda, tawe sangkulle, Ruata sarun mantul᷊ungngu ringannu mal᷊ihakka; wuṛṛu maola'a lal᷊antakke, lal᷊oṛṛon bal᷊enu masul᷊e apia.

DARALO 116:1

I ya'u mandangngu Mawu, ana waugu i Tou naddaringikka si ya'u wuṛṛu nangutungu darorongku.

DARALO 116:14

I ya'u sarun manipussu paaire'u si Tou su saruannu anambon al᷊aṛṛanang-Nge.

DARALO 56:12

I ya'u mangngimanna si Tou, ne i ya'u tawe mata'utta, taumata tawe maal᷊ore su saruangku.

DARALO 61:5

Wala'ewe i ya'u su al᷊o'engngu pabbiaṛṛangku uaintal᷊a su rasan-Nu, tadea'u mal᷊angnganna sulal᷊ummu al᷊ungngu papaiddu Mawu.

DARALO 91:15

Amungkangu i tou sumal᷊ande si Ya'u, i Ya'u sarun sumimbakka si tou. Sutempon asasusa, i Ya'u sarun umontolla si tou; i tou sarun Ta'u iliu wuṛṛu Ta'u onggol᷊anna aaddata.

MANNANASE 5:4

Mappianne tawe maddiandi wuassu maddiandi see mangawusu.

YESAYA 58:9

Amungkangngu i yamiu umal᷊iomanna, i Ya'u sarun maddaringikka. Amungkangngu i yamiu ma'ilal᷊are si Ya'u, i Ya'u sarun sumimbakka. Ariete pangallangnga sansul᷊ungngu, addoa'e pasaseetta wuṛṛu aal᷊uandaga.

YEREMIA 29:12

Ne i yamiu sarun maiontolla si Ya'u. I yamiu sarun dumanta umal᷊iomanna si Ya'u, wuṛṛu i Ya'u sarun sumimbakka aal᷊iomannu.

YUNUS 2:9

Arawe i ya'u sarun mangantarin manga daralo Si'o wuṛṛu i ya'u mangonggollu sasamba Si'o. Anambon paaire'u sarun ta'u olanna. Ete I'o Mawu apan mannal᷊amatta.”

TAHIUL᷊E 23:21

Amungkangngu i yamiu maddiandin sambau saranapa su Mawu Ruatanu, imbaṛṛangnga isoṛṛotta manipussa riandi udde, ana waugu Mawu Ruatanu sidutu mannusi, wuṛṛu i yamiu narosate amungkangu tawe manipussa.