AYUB 21:33 - WUKE SUSI WATTI'U AL᷊AL᷊USASSA

³³ Su ṛiwune taumata u'amatta uatantalongnga winal᷊unanne; ringannu leta'a lai masabbupinangombo si tou.

AYUB 21:33 Iomraidhean Croise

PANDARIADDI 3:19

I'o sarun mammanara ringannu masaha-sahadda wuṛṛu ringannu liaha i'o mammanara leta'a indi tadea'u pia gessine, maddatingngu i'o mabbelengnga su leta'a, ana waugu ete wuassu leta'a i'o niola'a. I'o niola'a wuassu leta'a, wuṛṛu sarun mabelengnga apia su leta'a.”

AYUB 17:16

Napawe i ya'u sumossokke su runian taumata nate, i ya'u lai tate antimma.”

AYUB 21:32

I tou niapidda su lal᷊abbinganna, wuṛṛu nitaṛṛo su loṛṛangnga; labbingnge rariagganna wuṛṛu babbaresianna.

AYUB 24:24

Tumba'u tal᷊ang kadio'a i tou mabbiakka su lal᷊umanna'a, arawe wua'udde nanantangken saran mal᷊annu-l᷊annu. I tou tinumolangnga naal᷊ihidda nannal᷊o apan tawe gunane; naal᷊ihidda raeng kamme apan niitingnga wuassu alune.

AYUB 3:22

Lal᷊umanna'a wakkute apendamanna inapawe i mangitou mate wuṛṛu ilabbingnga.

AYUB 30:23

I ya'u masingkatta, I'o nangapi'u su runian papate, tampan al᷊awo'u apan biakka niammulla.

MANNANASE 1:4

Papapulunna apan sambau lumapputta wuṛṛu papapulunna waine mawuli, arawe runia sidutu ta'e aroddi.

MANNANASE 12:7

Waddangngi ite sarun mawelengnga apia, mabbal᷊i awu su runia. Sasangngon pabbiaṛṛanni ite sarun mabbelengnga ringannu Ruata. Ete i Tou apan nangonggolla naola'a al᷊amatta.

MANNANASE 8:8

Tawe saran sangkatou apan wotongnge manaṛṛangnga ara'e manoṛṛottu papatene. Udde manara apan tawe iaal᷊inda'i tou, i tou tawe maal᷊iu wuassi tou, salaiwe ringannu aalla wuṛṛu wawahia.

IBRANI 9:27

Ruata suete nanantuna manungku taumata mate tumba'u paassa wuṛṛu wua'udde parikisannu Ruata.