AYUB 21:14 - WUKE SUSI WATTI'U AL᷊AL᷊USASSA

¹⁴ Sumbal᷊i i mangitou buatte nabbisara Ruata, “Pangindaute si yami wuṛṛu roote! I yami tawe maddaringikka wuṛṛu maddiri massunna pandumanna wuṛṛu apulu-Nu su pabbiaṛṛanni yami.”

AYUB 21:14 Iomraidhean Croise

AYUB 22:17

Ete i mangitou udde apan waṛṛani nanol᷊a'u Apan Lembontaṛṛino, wuṛṛu massunna i Tou tawe maola'a mangapa si mangitou.

AYUB 34:27

Ana waugu i mangitou tawe tumuṛṛutta apulu-Ne, wuṛṛu tawe maddaringikka anambon parenta-Ne.

AYUB 35:10

Arawe wal᷊ine su Ruata, Mandariaddine apan mangngonggollu antimma sutempo i ite massusa,

DARALO 10:11

Su ṛingidde, “Ruata naabul᷊ite wuṛṛu tate mappandumma; sarangkal᷊oengnge i Tou tawe ma'ellega si ya'u!”

DARALO 10:4

Taumata marosa tawe maddaringikka Mawu, ana waugu awungane i tou maṛingidda manungku tawe Duata.

DARALO 95:10

Appatu pul᷊o su tonnane al᷊annune i Ya'u nuallen mangitou; wisara-U: Atonna, walahanna udde mal᷊awangnga! I mangitou tawe maddaringikka manga parenta-U.

AMSAL 1:22

“Ei manga taumata longonna! Maddatingngu tingngera apulun kamiu sidutu aroddi? Tingngerate a'omanna tempone i yamiu umaddo mangngaddio'a wuṛṛu manol᷊a'u al᷊aṛṛa'a?

AMSAL 1:29

I yamiu naal᷊ihidda taumata apan maddiri maasomba asingkatta, wuṛṛu maddiri tumuṛṛutta Mawu.

AMSAL 1:7

Tadea'u maasomba asingkatta tutune, paarorone ṛinone taumata uatahuanna aaddatta wuṛṛu matta'uttu Mawu. Taumata longonna tawe mangaregan apande wuṛṛu maddiri aṛṛaanna.

YESAYA 30:11

Passal᷊iute, wuṛṛu paddea'e lal᷊anna waine. Arie mallimbatta si yami ringannu Ruata na'ukkassa su Israel.”

YEREMIA 2:31

Ei umattu Israel, paddaringikke manga wisara-U indi. Apa i Ya'u buatte na'ola'a Israel ere wadda'u anne su saruanni yamiu ara'e leta'a apan wasa tuudda? Arawe anio i yamiu mabbisara manungku i yamiu mappulu mapallossa, wuṛṛu maddirite mabelengnga ringang-Ku?

HABAKUK 1:15

Walahannu Babel mannametta manga taumata ringannu pe'ana, ere ola'u i mangitou udde inassa. Manga taumata udde niwol᷊engnga sulal᷊ummu manga soma wuṛṛu walahannu Babel lulluassa ringannu inasaharanni mangitou.

LUKAS 8:28

Napawe naasilo Mawu Yesus, i tou nangintul᷊i see inumal᷊intuda su saruannu Mawu Yesus wuṛṛu nabbisara, “Mawu Yesus, Ana'u Ruata Apan Atanggaṛṛanne! Sarun olaannu ereapa i ya'u indi? I ya'u sumal᷊ande ariewe manansara si ya'u!”

LUKAS 8:37

See anambon tumana'u leta'u Gerasa udde sinumal᷊ande Mawu Yesus tadea'u i Tou manantangngu tampa udde, ana waugu i mangitou nambo matta'utta. Nariaddi Mawu Yesus sinuma'ete saalanna inaite mapul᷊e.

ROMA 1:28

Ana waugu taumata maddirite lai ma'illal᷊a Ruata, ne Ruata namalaten ṛingiddi mangitou malal᷊eo, na'oman sara i mangitou ma'ola'a manga inolaanna apan ṛinone tawe wotongnge olaanna.

ROMA 8:7

Taumata apan ṛingiṛṛanne paparentannu pallal᷊agun taumata, taumata udde uasaseettu Ruata, ana waugu taumata udde maddiri tumuṛṛutta titan Duata; wuṛṛu atonna i tou tawe maatuṛṛutta apulun Duata.