AYUB 20:27 - WUKE SUSI WATTI'U AL᷊AL᷊USASSA

²⁷ Langitta namasingkattu al᷊al᷊eone; runia naddisikka mando'appa si tou.

AYUB 20:27 Iomraidhean Croise

AYUB 16:18

Ei runia, al᷊al᷊eo maṛṛia'a si ya'u arie pabbunia'a; arie pallannawa'a aintul᷊i'u maddorongnga atatul᷊idda.

AYUB 18:18

Wuassu asasemakka i tou nilimbuaṛṛanna sulal᷊ummu ararandumma; wuassu runian taumata wiakka i tou niapasal᷊iu.

YESAYA 26:21

Mawu sarun sumossokka wuassu atatanaan-Ne su surga makkuumannu tumana'u runia ana waugu rosan mangitou. Pamamate apan a'olaanni mangitou apan iwabbuni sarun matualaga. Leta'a tate lai manaappa manga taumata apan nate nipate.

YEREMIA 29:23

Etearoddi ola'u wiakki mangitou ana waugu buatte na'ola'a manga rosa wahewalla su Israel: i mangitou sussandaga, wuṛṛu nappaattu arannu Mawu ipabbatti'u manga inolaanna awusu. Udde napapaṛṛalan apulu Mawu. I tou masingkattu apa apan a'olaanni mangitou, wuṛṛu i tou sassane nabal᷊i tialane lumawangnga si mangitou. Mawu buatte nabbisara.”

MALEAKHI 3:5

Unnu Mawu Apan Lembontaṛṛino, “I Ya'u sarun dumanta ringannu tadea'u makkuungnga. I Ya'u sarun masasaṛṛawutta maola'a matatiala su manga taṛṛa wal᷊i'in mata, manga taumata apan masandaga, apan mattiala awusu, wuṛṛu inolaanne mallinga sulal᷊ummu mangonggollu bawaekke su taumata mammanara, apan mangngallangnga manga wawine wal᷊u, asisi timpal᷊uassa, wuṛṛu manga taumata raho, su saruannu anambon taumata apan tawe mangaddatta si Ya'u.”

ROMA 2:16

Ete aroddi sarun mariaddi su allo apan suete tinantunna udde. Su allo udde – tumuṛṛuttu Watti'u Al᷊al᷊uassa apan ta'u niwatti'a – Ruata sulal᷊ummi Yesus Kristus, sarun mamarikissa al᷊awo'u addapingngu naungnga wuṛṛu ṛingiddu anambon taumata.

1 KORINTUS 4:5

Ana waugu udde, amungkangu taambe tempone, arie i yamiu mal᷊iha-l᷊ihakka manantunna manungku sangkatou nassal᷊a ara'e tawe. Paṛṛadote Ruata rumanta. Ete i Tou sarun mamu'a al᷊awo'u addapingnga apan uawuni sulal᷊ummu ararandumma. Ete i Tou apan mamongkakku anambon pandumanna apan uawuni sulal᷊ummu naungngu taumata. Su tempo udde suapan taumata wakkute udde maasengkamma daralo wuassu Ruata apan wotongnge sengkamanni tou.

TAHIUL᷊E 31:28

Orassa indi doloṛṛa'e anambon piaṛṛa'u walahannu wuṛṛu manga tembonannu tantara ma'ammula su saruangku, tadea'u i ya'u wotongnge mamasingkattu manga hatto indi si mangitou. Langitta wuṛṛu runia ta'u wagoanna maola'a sambau tatiala su saruanni mangitou.