AYUB 2:3 - WUKE SUSI WATTI'U AL᷊AL᷊USASSA

³ Mawu naiwal᷊o, “Apa i'o buatte nanutukka allang-Ku i Ayub? Su ahewallu runia tawe taumata aroddi atuṛṛunne wuṛṛu naungnge mapia ere i tou. I tou massubba si Ya'u wuṛṛu tawe saran paassa na'ola'a al᷊al᷊eo. I tou ta'e uatatana'a satia si Ya'u, salaiwe i'o buatte nassal᷊o-U manilaka si tou ringannu tawe pinangiananne.”

AYUB 2:3 Iomraidhean Croise

PANDARIADDI 6:9

Ete indi watti'u pinabbiaṛṛanni Nuh. I tou pia ana'a esakka siri tallu, eteudde i Sem, i Yafet wuṛṛu i Ham. I Nuh tawe na'ola'a pasasal᷊a, wuṛṛu ete i tou sangkatou su wallatu taumata apan ma'ola'a apapia su tempo udde. I tou mabbiakka uaaukka ringannu Ruata.

2 SAMUEL 20:20

“Tawe!” sasimbakki Yoab, “i ya'u saran addio'a tawe pandumma manggohakka ara'e makkimunsa'a soanu!

AYUB 1:1

Su leta'u Us uatana'e sangkatou esakka aranne i Ayub. I tou massubba Ruata wuṛṛu satia si Tou. I tou taumata apan pallal᷊aghune mapia wuṛṛu tawe ma'ola'a al᷊al᷊eo sarangkadio'a.

AYUB 1:11

Arawe unnu wisara anambon paa'alane udde ul᷊ean-Nu apia, i tou sarun masal᷊a mamontoga Si'o!”

AYUB 1:6

Su allo sambau manga riadianna sussangngo su surga sinumaruanna Mawu, wuṛṛu i Mamamono'a isudde lai suwallatti mangitou lai.

AYUB 1:8

Ana see Mawu naiwal᷊o, “Apa i'o buatte nanutukka allang-Ku i Ayub? Su ahewallu runia tawe taumata aroddi atuṛṛunne wuṛṛu apiane ere i tou. I tou massubba si Ya'u wuṛṛu tawe saran paassa ma'ola'a al᷊al᷊eo.”

AYUB 13:15

I ya'u nauutulle ana waugu niasueanten ṛingidda! Amungkangngu Ruata mappulute mamate si ya'u, i ya'u manantilla, arawe i ya'u sarun manahekku pallal᷊agu'u su saruan-Ne.

AYUB 2:2

Ne Mawu naiwal᷊o si tou, “Wuassuapa i'o?” I Mamamono'a sinumimbakka, “Wuassu amatanna mammal᷊intaddu runia.”

AYUB 2:4

Arawe i Mamamono'a sinumimbakka, “Niawa wuṛṛu apapian baddangnge maareganna wuassu darotongnga. Taumata wotongnge manantillu anambon tatahuananne sawal᷊iate i tou sidutu wiakka.

AYUB 9:17

I Tou nakkimunsa'a si ya'u sulal᷊ummu anginna ma'ikkatta, wuṛṛu nanamba asasusa'u ringannu tawe pinangiananne.

AYUB 9:20

I ya'u satia wuṛṛu tawe ma'ola'a rosa, arawe moṛṛongku ereola'u mabbisara al᷊aṛṛaene; suapan bisara apan iaatokku wiwi'u, ereola'u mapaasal᷊an baddangku.

DARALO 26:1

Daralon Daud. Onggol᷊eten atatul᷊idda si ya'u, oh Mawu, ana waugu i ya'u mabbiakka ringannu naungnga matul᷊idda. I ya'u uaantimma Mawu, wuṛṛu tawe mapapadua sarangkadio'a.

DARALO 37:37

Pa'ellege taumata apan mapia wuṛṛu naungnge waresi; taumata apan mapulun paddarame uatahuanna allo addantane.

DARALO 41:12

Amungkangu i ya'u tawe iawaddon see'u, i ya'u masingkate manungku I'o mal᷊uassa si ya'u.

AMSAL 11:8

Taumata na'ukassa marau wuassu asasusa; taumata lal᷊eo maasomba hal᷊ahe.

AMSAL 13:6

Atatul᷊idda uasirungnga taumata apan mabbiakka ṛinone; al᷊al᷊eo maaṛṛimunsa'a taumata marosa.

AMSAL 14:2

Taumata apan matul᷊idda matta'utta wuṛṛu maaddatta su Mawu Ruata; taumata apan wiakke wengkolle manggaddio'a si Tou.

AMSAL 15:8

Mawu mannengkamma aal᷊iomannu taumata mapia, arawe i Tou maddantinnu sasamban taumata lal᷊eo.

AMSAL 16:17

Taumata mapia mangindaun al᷊al᷊eo; taumata apan mangngapia ola'u pabbiaṛṛanne, mallu'adda watanganne.

YOHANES 9:3

Mawu Yesus sinumimbakka, “I tou wuta wal᷊ine ana waugu rosane sassane ara'e rosan hagurangnge, arawe tadea'u taumata wotongnge maasilo taṛṛinon Ruata mammanara sulal᷊ummu ririne.

FILIPI 3:12

I ya'u tawe mabbisara manungku i ya'u naasombate auntunganna, ara'e nasuungke. Arawe i ya'u sidutu maddea'a maapangaṛṛo aonggola apan suete nissaddian Kristus Yesus. Ana waugu udde i Tou suete nangaṛṛo si ya'u, wuṛṛu niola'a pussa'a-Ne.

YAKOBUS 1:12

Lal᷊umanna'a su taumata apan masabare su tempo i tou naasomba wawono'a. Ana waugu napawe i tou naataṛṛanga wawono'a udde, i tou sarun manengkamma lal᷊antake, eteudde wiakka apan suete pina'iren Duata su manga taumata apan mandangngu Ruata.

1 PETRUS 1:7

Tuddane eteudde mattiala manungku tanne atonna-tonna i yamiu mangngimanna Mawu ara'e tawe. Wul᷊awanna lai apan wotonge mahohakka, iannamma su putungnga. Ne pangangimanni yamiu maareganne wuassu wul᷊awanna, nariaddi ṛinone lai iannama tadea'u maola'a matohassa. Wuṛṛu ringannu aroddi yamiu sarun raloanna wuṛṛu addatanna lapiddu iruitta su allo Mawu Yesus Kristus rumanta apia.

1 PETRUS 5:10

Arawe napawe i yamiu suete natataṛṛangnga sangkatempo, Ruata sassane sarun manuungngi yamiu. I tou sarun mapaatagekki yamiu wuṛṛu manohassa si yamiu see mapaarisikki yamiu. Ana waugu ete i Tou udde Ruata apan naung-Nge lembon mapia, apan suete namago si yamiu mamendama suadio'a awawantu-Ge sarangkal᷊o'engnge sulal᷊ummi Kristus.