AYUB 2:12 - WUKE SUSI WATTI'U AL᷊AL᷊USASSA

¹² Arawe ro'en ta'e marau i mangitou tallu naasilote si tou, i mangitou ete addio'a tate maaillal᷊a lai si tou. I mangitou nilumuai ringannu ma'ikkatta wuṛṛu nanggesa'a laubbi mangitou see nangalassu awu su winalanganna wuṛṛu su pua.

AYUB 2:12 Iomraidhean Croise

PANDARIADDI 27:34

Napawe i Esau naaringikka udde, i tou nilumuai ringannu ma'ikkata wuṛṛu napenen asasusa, ana see wisarane, “Al᷊amate lai ya'u, Papa!”

2 SAMUEL 13:36

Wakkute nuddussa i tou mabbisara, sinumuttate manga parinsin Daud sulal᷊ummu wal᷊en. I mangitou lulluaite ana waugu massusa.

EZRA 9:3

Naaringikka olangnge udde, i ya'u nasusa na'oman sara nanggesa'a lau'u wuṛṛu nanawutta uta'a wuṛṛu omengku, ana see niuma'ianna ringannu naungnga napussa-pussa'a.

NEHEMIA 9:1

Su allo darua pul᷊o appatta wul᷊anna udde lai, tumana'u Israel naammulla. I mangitou nappuasa tadea'u mapal᷊iatta'u sasassilla ana waugu manga rosan mangitou. I mangitou naṛṛaen batanganne wuassu anambon taumata raho. Naola'a tatiala massusa, i mangitou nalluṛṛen nasa karongnga wuṛṛu nanal᷊iawukku leta'a su pua. Wua'udde i mangitou dirumarisikka wuṛṛu nanga'u al᷊awo'u rosan mangitou wuṛṛu rosan al᷊amonan mangitou.

ESTER 4:1

Sutempo Mordekhai naaringikka apa apan buatte nariaddi, i tou nanggesa'a laungnge wuṛṛu nalluṛṛen laubba karongnga tatialan massusa. I tou nanal᷊iawukku awu su puane, ana see niumamatta su soa lapiddu lulluai ringannu ma'ikkatta wuṛṛu massusa.

AYUB 1:20

Ana see i Ayub dirumarisikke wuṛṛu nanggesa'a laungnge tatialan massusa. I tou nallunggukka puane, ana see niumal᷊intudda

AYUB 19:14

Ana'u sangkatou'u sarangkanambone mangindaun batanganne; manga hawe'u tate mannaungnga si ya'u lai.

LAL᷊ALLU 2:10

Manga matatimmadu soa ua'ianna nimmoune su leta'a; i mangitou mannal᷊iawukku awu su pua wuṛṛu nalluṛṛen nasa karongnga tatialan massusa. Manga maṛṛuala lai niumaruutu puane sara leta'a.

YEHEZKIEL 27:30

I mangitou lulluain ola'u pabbiaṛṛannu, sassal᷊iomanna wuṛṛu lulluai ringannu massusa. I mangitou nanal᷊iawukku awu su pua wuṛṛu tinumal᷊inggi sulal᷊ummu awu tatiala massusa.

YOSUA 7:6

I Yosua wuṛṛu manga piaṛṛa'u ṛuangannu Israel mangke massusa na'oman sara i mangitou nanggesa'a laubbi mangitou, wuṛṛu su al᷊o'engngu allo maddatingu ṛabbi i mangitou u'al᷊intudda su saruannu Wantalu Pa'aire Mawu ringannu nangaddon awu su pua mangitou maola'a sambau tatiala massusa.

SONDAPPA 18:19

Ne i mangitou nangalassen awu su pua mangitou maola'a tatiala lullal᷊o, see nilumuai wuṛṛu u'ui, “Uare, wal᷊ine hampa silakane soa apan wahewalla indi! Pa'a'alane suete naaola'a anambon taumata apan uatahuanna apalla su tahal᷊oangnga nabbal᷊i ala! Arawe tumba'u sulal᷊ummu sangkaorassa, i tou inawul᷊ianten al᷊awo'u sarannapa!”

MAL᷊AṚṚUUNGNGA 2:4

Napawe mala'ekatta udde buatte namasingkattu watti'a udde, walahannu Israel sarangkanambone nilumuai ringannu ma'ikkata.

1 SAMUEL 11:4

Etearoddi manga daroloṛṛanna udde na'omate su Gibea, sutampa atatanaanni Saul. Sutempo i mangitou namasingkattu watti'a udde, tumanange nilumuaite ana waugu sussassilla.

1 SAMUEL 4:12

Sangkatou wuassu ruanganni Benyamin tinumal᷊angnga wuassu tampa papangaloanna watukku Silo, wuṛṛu na'omate isudde su allo udde lai. Naola'a tatialan lullal᷊o, i tou nanggesa'a laungnge wuṛṛu niaddo su leta'a ana see puane niandangannu leta'a.