AYUB 19:8 - WUKE SUSI WATTI'U AL᷊AL᷊USASSA

⁸ Ruata nakkappingnga lal᷊angku, i ya'u tawe maal᷊iu, manga lal᷊angku niolang-Nge marandu-randumma.

AYUB 19:8 Iomraidhean Croise

AYUB 3:23

Tempo sasaruananni mangitou lal᷊indumannu Ruata, i mangitou papal᷊iwutante wuassu al᷊awo'u pi'une.

AYUB 30:26

I ya'u mangngantimma lal᷊umanna'a wuṛṛu asasemakka, arawe ete asasusa wuṛṛu ararandumma apan nirumanta.

DARALO 88:8

Asasa'u-Nu uaumpisanna si ya'u ringannu mawakkata, i ya'u naṛṛimunsa'a niaumpisanannu asasa'u-Nu.

YESAYA 50:10

Ei i yamiu apan mangngaddatta Mawu, wuṛṛu maddaringikka wisaran allang-Nge, lal᷊anna apan amatanni yamiu asinungka marandumma, wuṛṛu tawe semakka apan mannemakka si yamiu; arawe pangimante Mawu; pangunsandakke su Ruatanu.

YESAYA 59:9

Pabbawalaga udde nabbisara Ruata, “Orassa indi i yami masingkatte anio I'o tawe nanal᷊amatta si yamiu wuassu manga taumata apan mangngallanga si yamiu. I yami uaṛṛaddo semakka, arawe tumba'u pia ararandumma.

YEREMIA 13:16

Mawu Ruatanu ṛinone wantuhannu tantal᷊anna i Tou taambe nandantan ararandumma, wuṛṛu leddanu matara su panenteanna, su taambe asasemakka apan aantimannu waluan-Ne mabbal᷊i wasatuudda.

YEREMIA 23:12

Ana waugu udde, lal᷊anni mangitou sarun mal᷊ewakka wuṛṛu marandumma, na'oman sara i mangitou matara wuṛṛu mal᷊iundu'a. I Ya'u sarun mandantan asasilaka si mangitou, napawe nia'omante tempone makkuumanni mangitou. I Ya'u, Mawu, buatte nabbisara.

LAL᷊ALLU 3:5

I Tou namal᷊iwutta si ya'u ringannu asasusa wuṛṛu asasansara.

LAL᷊ALLU 3:7

Ringannu ṛate apan matohassa i ya'u niṛṛapun-Ne, na'oman sara tate dal᷊anna sabbanganna si ya'u.

LAL᷊ALLU 3:9

I Tou mangke mannal᷊are lal᷊angku ringannu manga darandungnga watu.

HOSEA 2:6

Ana waugu udde, i Ya'u sarun maṛṛimputta si tou ringannu aputta ṛoaanna, wuṛṛu maṛṛapingnga lal᷊anne ringannu tanda'a meselle.

HOSEA 2:8

Inangngu taambe saran paassa manga'u manungku ete i Ya'u apan manggolla si tou gandumma, anggore, lanan zaitun, wuṛṛu al᷊awo'u wul᷊awanna sal᷊a'a apan ipappaanne ipassubba Baal udde.

YOHANES 8:12

Mawu Yesus nabbisara apia su taumata nambo udde, wisara-Ne, “Ete i Ya'u asasemakku runia. Taumata apan tumantalongnga si Ya'u tawe umamatta su ararandumma, arawe maatahuanna asasemakku pabbiaṛṛanna.”

YOSUA 24:7

i mangitou sinumal᷊ande si Ya'u naiontolla. Ne tampa su wallati mangitou wuṛṛu manga taumatan Mesir udde Ta'u niola'a nabbal᷊i marandumma, wuṛṛu taumatan Mesir Ta'u nioopannu ua'en tahal᷊oangnga na'oman sara i mangitou sarangkanambone nal᷊ammissa. I yamiu naasingkatte al᷊awo'u inolaang-Ku su Mesir. Mal᷊annu atonna i yamiu uatana'a su wadda'u anne.