AYUB 18:7 - WUKE SUSI WATTI'U AL᷊AL᷊USASSA

⁷ Lempangnge apan mapia nabbal᷊ite sussassendekka; ṛiinne sassane naatara si tou.

AYUB 18:7 Iomraidhean Croise

2 SAMUEL 15:31

Napawe niapasingkatta si Daud manungku i Ahitofel uatantalongnga lai ringannu ammul᷊anni Absalom, i Daud niumal᷊iomante arendi, “Oh, Mawu, doronganna paaraua'a tatantiron Ahitofel!”

2 SAMUEL 17:14

Naaringikka udde i Absalom wuṛṛu anambon taumatan Israel nabbisara, “Tatantiron Husai mappianne wuassu tatantiron Ahitofel.” Atonna, Mawu buatte nangatokka tadea'u ipanal᷊are tatantiron Ahitofel apan mapia udde, tadea'u i Absalom aṛṛiaannu asasusa apan bahewalla.

2 MARARATU 6:11

Olangnge udde mangke ma'al᷊al᷊eo naungngu ratun Siria, na'oman sara i tou namago manga tembonannu tantarane wuṛṛu naiwal᷊o, “Atonna, suwallati ite indi piaddu mandal᷊eo. Isai taumatane? Otte pasingkata'e!”

AYUB 15:6

I ya'u tate lai mangansilla wuṛṛu mapasal᷊anu, ana waugu manga wisaranu sassane i'o nialae.

AYUB 20:22

Sutempo paa'alane nabbal᷊i manambo, asasusa wuṛṛu papaṛṛangnga rumanta si tou.

AYUB 36:16

I'o buatte nipallossu Ruata wuassu hal᷊ahe, na'oman sara i'o wotongnge maapendamma atatammudda, wuṛṛu meddan kannu napenen pabbawiakka.

DARALO 18:36

Mawu, I'o ual᷊u'adda wuṛṛu nanal᷊amatta si ya'u, wuṛṛu nanumpilla si ya'u ringannu taṛṛino-Nu; i ya'u tinumelenga ana waugu inolaan-Nu.

DARALO 33:10

Mawu nanal᷊are hol᷊agu manga walahanna, i Tou napaawul᷊i apulun mangitou.

AMSAL 11:5

Lal᷊annu wiakku taumata mapia iratakku atatul᷊idda, arawe taumata lal᷊eo mangngapiddu watanganne su papate.

AMSAL 29:6

Taumata lal᷊eo niasongngannu sedda ana waugu rosane, taumata matul᷊idda uapendamma mal᷊ussa wuṛṛu lal᷊umanna'a.

AMSAL 4:12

Amungkangngu i'o mabbiakka aroddi, ne tawe sal᷊awangnge sutempo u'amatta, wuṛṛu sarun tawe itara sutempo tuttutal᷊angnga.

HOSEA 10:6

Paal᷊uanna udde sarun iapidda watukku Asyur tadea'u ionggolla su ratu mawantuga. Israel tinumantalongnga hol᷊aga apan naaola'a si mangitou naasomba asasili wuṛṛu lallobbosanna.

1 KORINTUS 3:19

Ana waugu apan sassunnannu runia pande, udde awawoddo su aelleggu Ruata. Sulal᷊ummu Wuke Susi uawoṛṛetta, “Ruata mapaasal᷊a manga taumata pande sulal᷊ummu asingkati mangitou sassane.”