AYUB 17:5 - WUKE SUSI WATTI'U AL᷊AL᷊USASSA

⁵ Tumuṛṛuttu sasanato'a, isai mangalae ringanna tumba'u ana waugu auntunganna, manga anangnge sassane sarun manengkamma wawal᷊inne.

AYUB 17:5 Iomraidhean Croise

1 MARARATU 11:12

Salaiwe aroddi, ana waugu iamangngu Daud, i Ya'u tawe ma'ola'a udde su al᷊o'engngu pabbiaṛṛannu. Su tempo pamamarentan anangngu, wakkute udde Ta'u olaanna.

AYUB 11:20

Arawe taumata lal᷊eo sarun ma'ellega ringannu u'al᷊iwu, waugu i mangitou tawe aontolla. Tumba'u sambau antimmi mangitou eteudde papate paal᷊ihakke rumanta.”

SASABANGNGA 20:5

Imbaṛṛangnga massubba paal᷊uanna ere udde, ana waugu ete i Ya'u Ruatanu, wuṛṛu i Ya'u maddiri isul᷊ungngu sarangkanambone. Manga taumata apan maddanting-Ku, Ta'u iṛṛuumanna sara ṛawanna atallune wuṛṛu aiappanne.

AMSAL 20:19

Taumata apan mal᷊uassa ma'umbilangngu taumata waine, tawe mapangaddapingnga; imbaṛṛangnga maggawen taumata apan matal᷊imoṛṛonganna.

AMSAL 29:5

Isai maddalo sansul᷊ungnge taumata, mantaingngu sedda su watanganne sassane.

LAL᷊ALLU 4:17

Matan kami naasilote, ual᷊aṛṛaddo sumbala apan tawe rumanta. I yami uaantimma aontollu sambau walahanna, apan ṛinone tawe mapangonggollu manga apa.

IMAMATTA 19:13

Imbaṛṛangnga mangallangnga sansul᷊ungngu ara'e mangaṛṛo saranapane. Lalantaku sangkatou apan mammanara ringannu arie pattaṛṛange, salaiwe tumba'u saṛṛabbi.

IMAMATTA 19:16

Imbaṛṛangnga manal᷊iawukku hahelo suwallatu sambalahannu, tadea'u i yamiu tawe maapate taumata sansul᷊ungngu. Ete i Ya'u Mawu.

TAHIUL᷊E 28:65

Suwallatu manga walahannu udde i yamiu tawe maasomba atatammudda, wuṛṛu tawe apan botongnge isaggo pussaanu; Mawu sarun ma'ola'a si yamiu sussal᷊impawakka wuṛṛu naungnga maadio'a tawe antimma.

1 TESALONIKA 2:5

I yamiu sassane masingkata manungku tawe saran paassa i yami nassal᷊o'a ara'e nangawusu si yamiu ipamunin pandumma apan lal᷊eo udde. Ruata mattatialane!