AYUB 15:5 - WUKE SUSI WATTI'U AL᷊AL᷊USASSA

⁵ Manga wisaranu mappal᷊iatta'a manungku i'o nassal᷊a, arawe al᷊al᷊eonu tataapannu manga wisaranu.

AYUB 15:5 Iomraidhean Croise

AYUB 11:6

Wuṛṛu antimanna i'o pasingkatannu Ruata, manungku asingkatta udde manambo lihidde, wuṛṛu tawe asunnannu taumata. Ne i'o naatutukke manungku asasusanu udde tawe tumani, isumandingu ṛuumanna apan ṛinone sengkamannu.

AYUB 12:6

Arawe maṛṛarampassa mabbiakka taweddu mamansagga; taumata apan waṛṛani lumawangnga Ruata mabbiakka matammudda. Sumbal᷊i monganna apan ipangngasakki mangitou, tumba'u atatohassa sassane.

AYUB 15:4

Unnuwisara hattonu udde tuṛṛutanna, tate sangkatou taumata apan mata'utta ara'e umal᷊iomanna su Ruata lai.

AYUB 22:5

ewe'e ana waugu tumaniten manambo rosanu, wuṛṛu tumaniten dal᷊eo inolaannu wuṛṛu pallal᷊agunu.

AYUB 32:1

Ana waugu i Ayub mangngimanna atonna su atatul᷊iddu ririne, ne siri tallu hawene udde maddiri sumimbakka si tou apia.

AYUB 32:2

Arawe isudde pia sangkatou aranne i Elihu ana'i Berakheel, sangkatou papapulunni Bus wuassu ṛuanganni Ram. I tou tawe naṛṛaddannu asasa'une, waugu i Ayub napaṛṛinon batanganne sassane, wuṛṛu mappasal᷊an Duata.

AYUB 5:12

I Tou tawe napariaddin ṛiinnu taumata pande mallobbossa, nisongnga-Ne wuṛṛu niaparanta-Ne taumata pande, na'oman sara anambon sahaddi mangitou tawe nariaddi, wuṛṛu i mangitou niawusuannu aalli mangitou sassane.

DARALO 64:3

Lu'arewe i ya'u wuassu ammul᷊annu taumata lal᷊eo, wuṛṛu hol᷊agu apanden manga taumata lal᷊eo.

YEREMIA 9:8

Manga wisaran mangitou tumanite ma'asilaka, botongnge maapate ere anaanna mawisa. Manga wisara mangitou mangkete awusu. Manga wisara mangitou matemangnga maanemma, arawe wutte'e i mangitou mantaingngu sedda.

LUKAS 6:45

Taumata mapia mapasabangngu pallal᷊agu mapia ana waugu naungnge napenen apapia. Taumata pallal᷊agune lal᷊eo mapasabangngu inolaanne lal᷊eo ana waugu naungnge napenen al᷊al᷊eo. Ana waugu apa apan suete niwisara moṛṛongnga udde sinabanganne wuassu naungnga.”

YAKOBUS 1:26

Amungkangu pia sangkatou mammendama watanganne sangkatou apan matuṛṛutta su agama, arawe i tou tawe maariagga lilane, ne i tou nangawusu watanganne sassane; patataṛṛamawune tawe gunane.