AYUB 15:4 - WUKE SUSI WATTI'U AL᷊AL᷊USASSA

⁴ Unnuwisara hattonu udde tuṛṛutanna, tate sangkatou taumata apan mata'utta ara'e umal᷊iomanna su Ruata lai.

AYUB 15:4 Iomraidhean Croise

AYUB 15:5

Manga wisaranu mappal᷊iatta'a manungku i'o nassal᷊a, arawe al᷊al᷊eonu tataapannu manga wisaranu.

AYUB 27:10

Ṛinone i tou ṛumintulun lal᷊umanna'a wuassu Ruata, wuṛṛu umal᷊iomanna si Tou ringannu tawe illol᷊one.

AYUB 5:8

Amungkangngu i ya'u erete i'o udde su Ruata i ya'u sumal᷊ande. Ete si Tou i ya'u sarun mangalae, lapiddu manantillu hatto'u.

AYUB 6:14

Sulal᷊ummu asasusa ereindi, ipaapulu'u hawe tutune. Tanne i ya'u sidutu ta'e satia ara'e naabul᷊iten Apan Lembontaṛṛino.

DARALO 119:126

Mawu, ni'omante tempone I'o mammanara, ana waugu manga taumata nilumawanga tita-Nu.

HOSEA 7:14

I mangitou tawe atonna-tonna umal᷊iomanna si Ya'u. Amungkangngu i mangitou umal᷊iomanna, i mangitou mattingka wal᷊atta su tampan tattiil᷊anna, wuṛṛu lulluai ere a'olaannu manga taumata apan tawe mangimanna si Ya'u. Amungkangngu i mangitou umal᷊iomanna maddorongnga gandumma wuṛṛu anggore, i mangitou mallesa watanganne ere a'olaannu manga taumata apan massubba monganna. I mangitou atonna-tonna lullawangnga si Ya'u!

AMOS 6:10

Sangkatou reengannu amonanna apan mammanara pallal᷊abbinge, sarun dumanta wuṛṛu mangapidda su liuddu winal᷊uanannu tuṛṛangnge. I tou sarun mangintul᷊i su taumata apan poi su liuddu wal᷊en udde, “Apa ta'e piaddu wiakka wal᷊ine wuassi'o?” Ne sarun aringiṛṛanna sasimbakke, “Tate!” Reengannu amonanna mammanara mallabbingu winal᷊unanna udde sarun mabbisara, “Imbaṛṛangnga mabbisara apia! I ite tawe wotongnge managgon arannu Mawu.”

ZEFANYA 1:6

I Ya'u sarun mamate si mangitou apan tawe nirumanta ringang-Ku ara'e maddorongnga aehe-U wuṛṛu apan buatte nanantang-Ku wuṛṛu maddirite lai tumantalongnga si Ya'u.”

LUKAS 18:1

Wua'udde Mawu Yesus nabbati'u sambau sasumandingnga ipangaṛṛa'a manga mallal᷊aṛṛenggen-Ne tadea'u i mangitou sidutu u'al᷊iomanna wuṛṛu tawe ma'adio'a naungnge.

ROMA 3:31

Apa indi atappasanne manungku amungkangngu i ite mangngimanna Mawu Yesus, i ite tumal᷊iudde titan agama Yahudi? Atonna-tonna tawe! Ewe'e ringannu pangangimanni ite udde, i ite mangngaregan tita udde.

GALATIA 2:21

I ya'u tawe mangngadio'a darangngun Ruata. Amungkangngu paa'aukku taumata ringannu Ruata mabbal᷊i mapia apia ana waugu mappaamattu titan agama, udde mangal᷊ene papaten Kristus tawe gunane!