AYUB 15:21 - WUKE SUSI WATTI'U AL᷊AL᷊USASSA

²¹ Manga tingikka ma'ikkatta mammengella tal᷊ingane; sutempo apan malangnganna maraṛṛampassa rumanta mamangalo si tou.

AYUB 15:21 Iomraidhean Croise

2 MARARATU 7:6

Ana waugu, Mawu buatte na'ola'a taumatan Siria naaringikka ere tingikku pangalon sambau ammul᷊annu tantara apan bahewalla uasa'e awal᷊o wuṛṛu kereta. Manga taumatan Siria udde massunna manungku ratun Israel buatte nanewa ratun Het wuṛṛu Mesir ana see tantarane mamangalo si mangitou.

ESTER 7:6

Ester sinumimbakka, “Haman apan lal᷊eo indi seetta wuṛṛu mandal᷊al᷊eo si yami!” Ringannu tumaniten matta'utta Haman na'ellega ratu wuṛṛu wo'i.

AYUB 15:24

Silaka naal᷊ihidda ratu apan baṛṛani, nasaddiate tumambo si tou.

AYUB 18:11

Taumata lal᷊eo niṛṛumoron atata'utta wuassu al᷊awo'u pappi'uanne; atata'utta uatantalongnga su manga lempangnga.

AYUB 18:14

I tou niwangkassa wuassu rasanne, sutampa i tou amanna, ana see niwol᷊engnga iapasaruanna papate.

AYUB 20:21

Amungkangngu i tou umanna sarangkanambone insueanne, ana waugu paa'alane tawe nattaṛṛangnga.

AYUB 22:10

Ana waugu uapal᷊iwutta si'o, orassa indi napeneten sedda, wuṛṛu niaṛṛombanganne napenen atata'utta.

AYUB 24:17

Si tou, ruaallo tumaniten maata'utta, arawe wasa tuudda, maal᷊uassa.”

AYUB 27:20

Atata'utta nirumanta naal᷊ihidda nanawangnga labbangnga nirumanta namaṛṛoro. Anginna ma'ikkatta sutempo ṛabbi tinumiuppa wuṛṛu nangapiddi tou inai.

DARALO 92:7

Taumata woddo tawe maasunna, taumata longonna maaṛṛingidda.

AMSAL 10:24

Taumata masaṛṛionto'a maasomba apa apan ipaapulune; taumata lal᷊eo maasomba apa apan lembon iaata'unne.

AMSAL 28:1

Taumata lal᷊eo tuttal᷊angnga ringannu taweddu mangangenggenne, arawe taumata matul᷊idda, waṛṛani ere singa.

YEREMIA 6:26

Mawu nabbisara su uman-Ne, “palluṛṛete laubba karongnga wuṛṛu tattal᷊inggite su awu. Lallal᷊ote wuṛṛu lalluaite ringannu massusa ere taumata apan lulluai niapateannu anangnge man sambau, ana waugu mamamate sarun mamangalo si yamiu ringannu mamaṛṛoro.”

IMAMATTA 26:36

Manga taumatanu apan uatana'a sulal᷊ummu pamuanganna su wanua waine, sarun Ta'u olaanna tumaniten matta'utta, na'oman sara tingikku rongnga apan nitiuppu anginna na'atal᷊anga si mangitou. I yamiu sarun tumal᷊anga naal᷊ihida a'enggenanna sulal᷊ummu pangalo, ana see nal᷊iundu'a salaiwe tawe seetta maraninu.

1 KORINTUS 10:10

I ite tawe wotongnge lai sumungkuta, ere buatte niola'u sangkawageanganna wuassi mangitou rorone, na'oman sara i mangitou nipaten Mala'ekattu Papate.

1 TESALONIKA 5:3

Amungkangu taumata mabbisara, “Sarangkanambone mal᷊annabba wuṛṛu matammudda,” ne ete su tempo udde inaṛṛombanganne i mangitou sarun aṛṛiaannu papate wuṛṛu tawe saran sangkatou apan wotongnge maatal᷊angnga. Olangnge udde sarun mariaddi sangkaṛṛondapa, ere taddu'u sangkatou wawine apan sarun mangunsiwe.

SONDAPPA 9:11

I mangitou pia ratu apan uaparenta si mangitou, wuṛṛu ratu udde eteudde mala'ekatta apan uatahuanna rampisu papate. Aranne sulal᷊ummu wisaran Ibrani Abadon; wuṛṛu sulal᷊ummu wisaran Yunani Apolion (atappasanne “Manggahohakka”).