AYUB 14:1 - WUKE SUSI WATTI'U AL᷊AL᷊USASSA

¹ Ro'en niasungkangnga taumata udde lome, tawe maal᷊ore; uukke maautta see lai napenen asasusa.

AYUB 14:1 Iomraidhean Croise

PANDARIADDI 3:17

Ana see Ruata nabbisara su esakka udde, “I'o uararingikka manga wisaran awingngu ana see niumanna wua apan Ta'u nisingadda annanannu. Ana waugu pallal᷊agunu udde, niawontohante leta'a. I'o sarun mammanara masahadda su al᷊o'engngu pabbiaṛṛannu tadea'u leta'a indi wotongnge mangonggollu anna apan uatimu si'o.

PANDARIADDI 47:9

sasimbakki Yakub, “Allangngu nabiakka maṛṛasutta tallun pul᷊o su tonnane naola'a mamamal᷊intadda. Allangngu mabbiakka napenen asasusa wuṛṛu maautta amungkangngu isul᷊ungngu uukku al᷊amonan allangngu ere mamamal᷊intadda.”

2 MARARATU 4:19

Inaṛombanganne ana'a udde nangintul᷊i iamange, “Uare! Pua'u mataddu'a!” “Apira'a ana'a udde ringannu inangnge,” unnu iamange su sangkatou allanga.

AYUB 10:20

Ah, tawe mal᷊annu lai i ya'u sarun mate, ne wala'ewe i ya'u sassane, tadea'u i ya'u wotongnge maapendamma tempo'u apan ta'e nallambe indi.

AYUB 15:14

Wotongne taumata mangke tawe sal᷊ane? Wotongngewe i tou iapaṛṛino su saruanna Ruata?

AYUB 25:4

Wotongngewe taumata na'ukkassa su matan Duata? Wotongngewe i tou waresi su aellegu Mawu?

AYUB 25:5

Su Ruata, ewe'e lai wul᷊anna tawe semakke, wuṛṛu anumpitanna lai aellehan-Ne mal᷊abbukka.

AYUB 5:7

Wal᷊ine! Ewe'e ete taumata udde sassane apan nandantan asasilaka su waddangnge, naal᷊ihidda ṛente'u bunga api nilumapputta wuassu putungnge sassane.

AYUB 7:1

Taumata udde naal᷊ihidda iwabbata'a mattinsahadda; wiakke masahadda naal᷊ihidda wiakku taumatan sewa;

AYUB 7:6

Wia'u apan tawe antimma udde mallihakka mattudan panginsueanne, mallihaṛṛanna wuassu mandaraddu'a mapaamattu masinane.

AYUB 8:9

Wiakki ite maautta, i ite waggaten apa-apa; manga allon kite tumba'u ere lintau.

AYUB 9:25

Manga allo'u malliudda ringannu mal᷊ihakka, see mawul᷊i ringannu tawe maapendamma al᷊al᷊uassa.

DARALO 39:5

“Mawu, pasingkata'e tingngera papate'u tadea'u i ya'u masingkatta aroddi aaunne auuṛṛangku.”

DARALO 39:6

Aroddi al᷊ihakke I'o nanantunnu auuṛṛangku! Ete Si'o al᷊o'engngu pabbiaṛṛangku tawe gunane. Atonna, taumata naal᷊ihidda sasabbangu singangu,

DARALO 51:5

Ana waugu i ya'u mangnga'u manga pasasal᷊a'u, rosa'u sidutu nanaungangku.

DARALO 89:47

Sara apa tempone I'o ma'imbuni, oh Mawu? Sara tingngera asasa'u-Nu lukkenggamma ere putungnga?

MANNANASE 2:17

Ana waugu udde pabbiaṛṛanna tate lai pangartianne si ya'u, wal᷊ine wua isudde tawe. Sarangkanambone tawe gunane; i ya'u tumba'u ere mangngenggenna anginna.

MANNANASE 2:23

Al᷊awo'u apa apan niolangnge su al᷊o'engngu pinabbiaṛṛanne, mangngapiddu asasusa wuṛṛu taddu'u naungnga si tou. Sutempo ṛabbi lai naungnge massusa. Nariaddi sarangkanambone udde atonna tawe gunane.

YEREMIA 20:18

Anio i ya'u ṛinone iasungkangnga? Tumba'u iapaasusa wuṛṛu iapaasahadda? Wuṛṛu tadea'u wia'u mal᷊iudda sidutu mangke sulal᷊ummu asasili?

MATIUS 11:11

Naunge! Su runia indi taambe sangkatou taumata nangillembo wuassi Yohanes Mananaṛṛani. Salaiwe aroddi taumata apan addio'anne wuassu wallattu al᷊aṛṛana'u Ruata, nanampal᷊iu wuassi Yohanes.