AYUB 12:21 - WUKE SUSI WATTI'U AL᷊AL᷊USASSA

²¹ Nipansilian-Ne taumata apan aaddatanna; niul᷊ean-Ne taṛṛinon mangitou apan uaparenta.

AYUB 12:21 Iomraidhean Croise

AYUB 12:18

Niwaddo-Ne ratu wuṛṛu niatawan-Ne i mangitou;

AYUB 3:15

I ya'u niamatiil᷊anna naal᷊ihidda parinsi, apan nalloṛṛo wal᷊ene ringannu sal᷊a'a wul᷊awanna.

AYUB 30:11

Ana waugu Ruata na'ola'a si ya'u lome wuṛṛu tawe ikkanne, i mangitou napasabbangngu naungngi mangitou lal᷊eo.

AYUB 34:19

I Tou tawe manamba'a manga ratu, ara'e malliu ṛoron taumata ala wuassu taumata asiangnga. Ana waugu i mangitou sarangkanambone udde niariaddi-Ne.

DARALO 107:40

Mawu namawon manga tembonanni mangitou, wuṛṛu nandolokki mangitou mammal᷊intaddu wadda'a apan tawe dal᷊anne.

SASABANGNGA 16:24

Nariaddi wiakka apan nilumebbe udde niaddon mangitou tiṛabbine ere buatte nirolokki Musa; anna udde tawe nal᷊assima wuṛṛu tawe niul᷊iranna.

SASABANGNGA 8:2

Amungkangngu i'o manol᷊a'a, wanua indi sarun Ta'u peneannu aakka maola'a ṛuumanna.

YESAYA 11:5

I tou mammanara ringannu matul᷊idda wuṛṛu satia sulal᷊ummu al᷊awo'a.

YESAYA 22:21

Laubbu awawantuga wuṛṛu papeṛṛennu sarun Ta'u illuṛṛe si tou. Al᷊awo'u taṛṛinonu sarun Ta'u ionggolla si tou. I tou sarun maola'a iamangngu tumana'u Yerusalem wuṛṛu Yehuda.

YESAYA 23:9

Mawu Apan Lembontaṛṛino, ete i Tou apan makkawessa wuṛṛu manguddussu awawungan tumanangnge su anambon hessi manara apan buatte niola'i mangitou, wuṛṛu namawo manga taumata apan aaddatanna su runia.

YESAYA 37:38

Su allo sambau, sutempo i tou tantal᷊anna mattaṛṛamawu sulal᷊ummu kuil Monganna Nisrokh, i tou nipaten hal᷊ele ṛattanganni Adramelekh wuṛṛu Sarezer, manga parinsine. Wua'udde i mangitou tinumal᷊angnga watukku Ararat. Ne Esarhadon, sinangianne, nabbal᷊i ratu nallol᷊ossa si tou.

YESAYA 40:23

I tou na'ola'a manga tembonanne tawe naal᷊iore, wuṛṛu manga ahewal᷊anne niawul᷊iannu taṛṛinone.

YESAYA 45:1

Mawu buatte namile si Kores maola'a ratu; i tou nitebbo'a iapawaddo manga walahanna wuṛṛu ipamaddi taṛṛinon manga ratu. Mawu sarun mamu'a manga ngaran soa si tou, tawe saran sambau apan nallambe uaṛṛuudda. Ete si tou Mawu nabbisara,

YESAYA 5:27

I mangitou sidutu uasaddia mapapangalo wuṛṛu tawe mamendamma lotakka. I mangitou lumobba matane ara'e aamatiil᷊anna.

AMOS 2:3

Tembonannu Moab wuṛṛu anambon tembonannu araratuanne sarun Ta'u pateanna.”

WATTI'U MANGA RASUL 12:23

Su orassa udde lai mala'ekattu Mawu namero si Herodes, ana waugu i tou tawe mangngaddatta Ruata. I Herodes niinassu ul᷊idda see nate.

EFESUS 6:10

Pangudusanne, ṛinone i yamiu maola'a matohassa ringannu atatohassa apan niasombanganni yamiu wuassu Mawu, ana waugu i yamiu uaaukka ringanni Tou.

EFESUS 6:14

Ṛinone i yamiu mangke uatehamma. Paata'e tatuṛṛuta su Ruata maola'a aiitta lawassa, wuṛṛu atatul᷊idda maola'a laungngu wuassu atta'a.