AYUB 1:5 - WUKE SUSI WATTI'U AL᷊AL᷊USASSA

⁵ Suapan andeangnga muddussa, i Ayub sidutu matimmpu'o maṛṛanggappa wuṛṛu mangonggollu sasamban manga anangnge tadea'u i mangitou ampungannu Mawu. Waugu i Ayub maṛṛingidda, wotongnge mariaddi al᷊aṛṛanangnge udde buatte na'ola'a rosa wuṛṛu mangngadio'a Ruata ringannu tawe nipattatudda.

AYUB 1:5 Iomraidhean Croise

PANDARIADDI 22:3

Tiṛṛabine marua allo maṛṛanggapa, i Abraham nama'ate alun sasamba itattambunna wuṛṛu nalli'ussa alu udde su liuddu keledai. I tou inaite ringanni Ishak wuṛṛu ruan katou allangnge watukku tampa apan niapasingkattu Ruata si tou.

PANDARIADDI 6:5

Mawu na'ellega tumaniten dal᷊eo manga taumata su runia; anambon ṛingiranni mangitou sidutu lal᷊eo.

PANDARIADDI 8:20

I Nuh napararisikku sambau mezbah hunan Mawu. I tou nanganu sambau su wallattu manu'u winalanganna wuṛṛu winatangnga waine apan tawe ipappalli, ana see nionggolla su Mawu naola'a sambau sasamba itattambunna su wowon mezbah udde.

1 MARARATU 18:31

I tou nanganu mapul᷊o dua batu, suapan watu uaapiddu aranna suwallattu mapul᷊o dua ṛuanganna papapulunni Yakub, eteudde taumata apan buatte nionggol᷊annu Mawu aranne Israel.

1 MARARATU 21:10

Doloṛṛa'a ruan katou taumata lal᷊eo ua'ianna uasaruanna si tou wuṛṛu mangansilla si tou manungku i tou buatte nantal᷊an Duata wuṛṛu ratu. Ana see apira'e i tou watukku liuddu soa, wuṛṛu tuntungken batu ma'oman sara mate!”

1 MARARATU 21:13

Ruan katou taumata lal᷊eo ua'ianna uasasaruanni Nabot, wuṛṛu su saruannu awadaalla itarua nangansilla si tou manungku i tou buatte nantal᷊an Duata wuṛṛu ratu. Ana waugu udde i tou niapidda watukku liuddu soa ana see tinuntungannu watu na'oman sara nate.

NEHEMIA 12:30

Manga imam wuṛṛu manga taumatan Lewi udde na'ola'a lal᷊aghun pamamaresi su watanganni mangitou wua'udde su tumanangnge, su manga ngara wahewalla wuṛṛu darundungngu soa.

AYUB 1:11

Arawe unnu wisara anambon paa'alane udde ul᷊ean-Nu apia, i tou sarun masal᷊a mamontoga Si'o!”

AYUB 1:4

Siri pitu esakka ana'i Ayub pia anaramme ma'ola'a andeangnga su wal᷊en sangkatou-sangkatou ringannu ualal᷊ol᷊ossa. Su andeangnga udde, siri tallu wawine ana'i Ayub niwal᷊oanna lai, ne i mangitou sarangkanambone niumante, na'inumma suadio'a.

AYUB 2:9

Awingnge nabbisara si tou, “I'o ta'e lai satia su Ruata? Otte wontehete I tou, ana see i'o atete!”

AYUB 27:10

Ṛinone i tou ṛumintulun lal᷊umanna'a wuassu Ruata, wuṛṛu umal᷊iomanna si Tou ringannu tawe illol᷊one.

AYUB 41:25

Napawe i tou dumarisikka, taumata atohasanne awul᷊iannu awawaṛṛani, tawe maal᷊ore ana waugu tumaniten matta'utta.

AYUB 42:8

Ne, orassa indi panganute pitu sapi esakka wuṛṛu pitu domba esakka, wua'udde roote ringanni Ayub. Ana see onggol᷊a'e sarangkanambone udde maola'a sasamba itattambunna hunan ririnu. Ayub sarun umal᷊iomanni yamiu wuṛṛu aal᷊iomanne sarun daringiṛṛang-Ku. I yamiu tawe Ta'u pansilianna, salaiwe i yamiu ṛinone manengkamma ṛuumanna. I yamiu tawe namasingkattu watti'a ṛinone su ola'u watangng-Ku, arawe i Ayub namasingkattu olangnge udde.”

AYUB 6:14

Sulal᷊ummu asasusa ereindi, ipaapulu'u hawe tutune. Tanne i ya'u sidutu ta'e satia ara'e naabul᷊iten Apan Lembontaṛṛino.

AYUB 8:4

Asinungka manga anangngu marosa su saruan-Ne, ne suṛṛinonete i mangitou iṛṛuuman-Ne.

DARALO 5:3

Daringiṛewe sasal᷊ande'u wuṛṛu ontol᷊ewe i ya'u, oh Ratu'u wuṛṛu Ruata'u.

SASABANGNGA 18:12

Wua'udde i Yitro nangapiddu manga pira sasamba itattambunna wuṛṛu sasamba pappototanna maola'a sambau sasamba su Ruata. I Harun wuṛṛu anambon piaṛa'u walahannu Israel nirumanta wuṛṛu niumanna suadio'a ṛinganni Yitro sulal᷊ummu darantan Duata.

SASABANGNGA 19:10

Orassa indi sombaite manga taumata udde, wuṛṛu doloṛṛa'e i mangitou allo indi wuṛṛu tiṛṛabbi mandiahi watanganne mattaṛṛamawu. I mangitou ṛinone mabbansalla laubbi mangitou.

SASABANGNGA 24:5

Ana see i Musa nandolokku manga pira umbasanna, wuṛṛu i mangitou nangongolu sasamba itattambunna su Mawu wuṛṛu namototta manga pira sapi maola'a sasamban paddarame.

MANNANASE 9:10

Pammanarate al᷊awo'u manaranu ringannu anambon auatannu. Ana waugu sal᷊immurine tate lai ṛingiranna wuṛṛu manara. Tate apende wuṛṛu asingkatta su runian taumata nate. Wuṛṛu ete poiaroddi i'o sarun inai.

YEREMIA 4:14

Yerusalem, rammea'e al᷊al᷊eonu wuassu naungngu tadea'u i'o masal᷊amatta. Ma'oman sara tingngera manga ṛingiranna lal᷊eo udde sahipunanna sulal᷊ummu naungngu?

YEHEZKIEL 14:14

Salaiwe i Nuh, i Danel wuṛṛu i Ayub uatana'a su tampa udde, ne apapia mangitou tallu tumba'u wotongnge mapanal᷊amatta niawa mangitou sassane. I Ya'u, Mawu Apan Atanggaṛṛanne buatte nabbisara.

LUKAS 1:75

sidutu mattaṛṛamawu si Tou wuṛṛu mapa'al᷊uassu naung-Nge su al᷊o'engngu pabbiaṛṛanni ite.

LUKAS 18:7

Ne, apa Ruata tawe manamba'a hatton al᷊aṛṛanang-Nge sassane apan sussal᷊ande si Tou allo ṛabbi? Apa i Tou sarun manoṛṛuttu tempone mantul᷊ungngi mangitou!

YOHANES 11:55

Tempo udde maranite Allo Wahewam Paskahn Yahudi. Manambo taumata wuassu manga ampungnga inai watukku Yerusalem mallaghum pamamaresi wadangnga tantal᷊anna taambe ramea udde.

WATTI'U MANGA RASUL 21:26

Ne i Paulus inaite ringannu sire appata taumata udde see nallaghutem pangangukkassa wadangnga su adio'a ringanni mangitou su allo tiṛṛabbine. Wua'udde i mangitou sinumutta su Wal᷊e Mawu namasingkatta manungku ete pira allo lai lal᷊aghum pangangukkassa udde masue wuṛṛu sasamban sangkatou-sangkatou ionggole.

WATTI'U MANGA RASUL 8:22

Ana waugu udde tantanga'e pandumannu apan lal᷊eo udde, wuṛṛu padorongke su Mawu tadea'u i Tou mangampungnga ṛingiṛṛannu apan lal᷊eo udde!

1 KORINTUS 4:5

Ana waugu udde, amungkangu taambe tempone, arie i yamiu mal᷊iha-l᷊ihakka manantunna manungku sangkatou nassal᷊a ara'e tawe. Paṛṛadote Ruata rumanta. Ete i Tou sarun mamu'a al᷊awo'u addapingnga apan uawuni sulal᷊ummu ararandumma. Ete i Tou apan mamongkakku anambon pandumanna apan uawuni sulal᷊ummu naungngu taumata. Su tempo udde suapan taumata wakkute udde maasengkamma daralo wuassu Ruata apan wotongnge sengkamanni tou.

2 KORINTUS 11:2

I ya'u luṛṛintulunu, ere Ruata sassane lai luṛṛintulun kamiu. I yamiu ere sangkatou maṛṛuala apan ta'e susi wuṛṛu buatte nipa'ire'u iapaawingngu sangkatou umbasanna, eteudde Kristus.

EFESUS 6:18

Ola'e sarangkanambone udde, lapiddu u'al᷊iomanna maddorongnga tul᷊ungannu Duata. Su al᷊o'engngu tempo, aal᷊iomante su ereapa Ghaṛṛahon Duata ua'ehetta si yamiu. Ṛinone i yamiu sidutu uatehamma wuṛṛu arie i yamiu mangillol᷊o. Aal᷊iomante sidutu hunan anambon al᷊aṛṛana'u Ruata.

1 SAMUEL 16:5

I Samuel sinumimbakka, “Ore, atonna. I ya'u nirumanta mangonggollu sasamba su Mawu. Ne paawaresite watanganni yamiu tadea'u wotongnge maaranta su darohan sasamba udde.” Isai wuṛṛu manga anangnge lai nirolokka niapawaresi watanganne sambau-sambau wuṛṛu niaparanta su daroha udde.