AYUB 1:22 - WUKE SUSI WATTI'U AL᷊AL᷊USASSA

²² Nariaddi, salaiwe i Ayub naasomba al᷊awo'u asasilaka udde, i tou tawe na'ola'a rosa wuṛṛu tawe napaasal᷊an Duata.

AYUB 1:22 Iomraidhean Croise

AYUB 2:1

Manga riadianna su surga sinumaruanna Mawu apia, wuṛṛu i Mamamono'a isudde lai suwallatti mangitou.

AYUB 2:10

Sasimbakki Ayub, “I'o mabbisara naal᷊ihidda taumata longonna! Ṛatadde i ite tumba'u mappulu manengkamma apa apan apianne wuassu Ruata, wuṛṛu al᷊eoanne i ite maddiri?” Nariaddi, salaiwe i Ayub uapasanna anambon asasilaka udde, i tou tawe mapasabbangngu wisara apan lullawangnga Ruata.

AYUB 34:10

Ei manga taumata apan pande, paddaringikka! Tawe mariaddi Ruata Apan Lembontaṛṛino ma'ola'a pasasal᷊a?

MANNANASE 8:14

Arawe sarangkanambone udde mangke awusu atonna. Pa'ellege apa apan tantal᷊anna nariaddi su runia: Pia taumata ma'imanna apan niṛṛuumanna ere taumata lal᷊eo, pia taumata lal᷊eo apan nionggol᷊annu hadiah ere taumata ma'imanna. Nariaddi, udde lai sia-sia.

MALEAKHI 3:15

I ite maasilo sassane manungku manga taumata mawunga su lal᷊umanna'a. Taumata lal᷊eo tawe tumba'u mabbiakka su al᷊al᷊uassa, arawe amungkangngu i mangitou manal᷊u'atta asasabaren Duata ringannu ma'ola'a al᷊al᷊eo, i mangitou nal᷊iu lai.’ ”

ROMA 9:20

Arawe, tuṛṛangnga! Tuṛṛangnga tumba'u sangkatou taumata. Wuṛṛu tuṛṛangnga tawe waṛṛani sumimbakka Ruata! Wotongngewe tampan bunga maiwal᷊o, isai taumata na'ola'a si tou, “Anio i'o na'ola'a si ya'u arendi?”

YAKOBUS 1:12

Lal᷊umanna'a su taumata apan masabare su tempo i tou naasomba wawono'a. Ana waugu napawe i tou naataṛṛanga wawono'a udde, i tou sarun manengkamma lal᷊antake, eteudde wiakka apan suete pina'iren Duata su manga taumata apan mandangngu Ruata.

YAKOBUS 1:4

Riagai tadea'u asasabare naungngu udde siddutu aatambanna ma'oman sara atonna-tonna i yamiu maola'a masuungnga see tawe urangnge saran kadio'a.

1 PETRUS 1:7

Tuddane eteudde mattiala manungku tanne atonna-tonna i yamiu mangngimanna Mawu ara'e tawe. Wul᷊awanna lai apan wotonge mahohakka, iannamma su putungnga. Ne pangangimanni yamiu maareganne wuassu wul᷊awanna, nariaddi ṛinone lai iannama tadea'u maola'a matohassa. Wuṛṛu ringannu aroddi yamiu sarun raloanna wuṛṛu addatanna lapiddu iruitta su allo Mawu Yesus Kristus rumanta apia.