AYUB 1:16 - WUKE SUSI WATTI'U AL᷊AL᷊USASSA

¹⁶ Sutempo i tou ta'e uahahatto, nirumantate lai allangnga aruane wuṛṛu nabbisara, “Manga domban Tuangnga wuṛṛu mallal᷊u'adde buatte niamettu sawallo na'oman sara nate abbi. Tumba'u allangngu sassane apan naatal᷊angnga na'oman sara napabbal᷊o si Tuangnga.”

AYUB 1:16 Iomraidhean Croise

PANDARIADDI 19:24

Inaṛṛombanganne Mawu nanossokku uranna belerangnga pia putungnge su Sodom wuṛṛu Gomora.

1 MARARATU 18:38

Ana see Mawu nangirimmu putungnga wuassu langitta wuṛṛu nanoṛṛobba na'oman sara nepodda sasamba udde suaddio'a ringannu alune, manga watune wuṛṛu letangnge see nilumewa ua'e su hote udde na'oman sara nasue.

2 MARARATU 1:10

“Amungkangu i ya'u indi atonna allangu Ruata,” sasimbakki Elia, “ṛinone putungnga sumossokka wuassu langitta wuṛṛu manutungnga si'o see lai anambon mallal᷊aṛṛenggenu ma'oman sara masue!” Orassa udde lai sinumossokke putungnga wuṛṛu nanutungnga tembonannu tantara udde see lai siri liman pul᷊o su atoune tantarane.

2 MARARATU 1:12

“Amungkangu atonna i ya'u allangngu Ruata,” sasimbakki Elia, “ṛinone putungnga sumossokka wuassu langitta wuṛṛu manutungnga si'o see lai anambon mallal᷊aṛenggenu ma'oman sara masue!” Orassa udde lai sinumossoke putungnga wuassu Ruata wuṛṛu nanutungnga tembonannu tantara udde see lai siri liman pul᷊o tantarane na'oman sara masue.

2 MARARATU 1:14

Ruan katou tembonannu tantara ara'e perwira waine suadio'a ringannu tantaran mangitou nate niepoddu putungnga wuassu langitta, arawe i ya'u sumal᷊ande, akkanaawe i ya'u!”

DARALO 45:3

Ete I'o apan aṛṛamahanne wuassu wallatu taumata, manga wisaranu napenen apapia, ana waugu udde i'o nial᷊amatannu Ruata saran mal᷊annu-l᷊annu.

SASABANGNGA 9:28

Aal᷊iomatee su Mawu; yami mal᷊annute uatataṛṛangnga ana waugu rallu'a wuṛṛu uranna masunge indi. I Ya'u sarun mamallossi yamiu inai. I yamiu ariete pa'atana'a isindi lai.”

IMAMATTA 10:2

Ne Mawu nandantan putungnga apan nanutungnga sitarua na'oman sara nate su Rasannu Mawu.

IMAMATTA 9:24

Inaṛṛombanganne Mawu nanossokku putungnga apan nanutungnga na'oman sara nasue sasamba itattambunna wuṛṛu manga wageangnge apan pia tawane su wowon mezbah. Su tempo ṛuangannu Israel naasilo i mangitou mangngintul᷊i wuṛṛu apiddu nassubba.

AMOS 7:4

I ya'u naasomba sambau sondapa wuassu Mawu Apan Atanggaṛṛanne. I ya'u naasilo i Tou tantal᷊anna uasasaddia makkuumannu uman-Ne ringannu putungnga. Putungnga udde nangpodda na'oman sara nasue laudda su al᷊ungngu runia wuṛṛu mannattakke mangngepoddu wawail᷊anna.

SONDAPPA 13:13

Winatangnga aruane udde na'ola'a manga al᷊aṛṛindu'a apan wahewalla. Su saruannu awada'alla i tou na'ola'a putungnga niumonto'a wuassu langitta watukku runia.

1 SAMUEL 14:15

Arariadianna udde naata'utta taumatan Filistin su paddasananna wuṛṛu su manga wadda'a. Anambon tumana'u Filistin ringannu manga tampa pandariaganna wuṛṛu manga ammul᷊annu taṛṛa aṛṛo mangke nata'utta; ewe'e lai runia niumio'a, wuṛṛu nariaddite aal᷊iba'ukka apan masaddatta.