AYUB 1:1 - WUKE SUSI WATTI'U AL᷊AL᷊USASSA

¹ Su leta'u Us uatana'e sangkatou esakka aranne i Ayub. I tou massubba Ruata wuṛṛu satia si Tou. I tou taumata apan pallal᷊aghune mapia wuṛṛu tawe ma'ola'a al᷊al᷊eo sarangkadio'a.

AYUB 1:1 Iomraidhean Croise

PANDARIADDI 10:23

Papapulunni Aram eteudde tumana'u Us, Hul, Geter wuṛṛu Mas.

PANDARIADDI 17:1

Napawe i Abram uukke sioten pul᷊o sio su tonnane, Mawu naipasilon batanganne si tou wuṛṛu nabbisara, “Ete i Ya'u Ruata Apan Lembontaṛṛino. Paatuṛṛutte si Ya'u wuṛṛu sidutu pa'ola'e apulu-U.

PANDARIADDI 22:12

“Imbaṛṛangnga mamate ana'a udde ara'e olaannu ereapa i tou,” unnu Mawu sulal᷊ummu mala'ekata udde. “Orassa indi i Ya'u masingkatta manungku i'o maadatta wuṛṛu matuṛṛutta si Ya'u, ana waugu i'o tawe nanol᷊a'a manantillu anangngu tinggassa udde si Ya'u.”

PANDARIADDI 36:28

I Disyan al᷊amonan ṛuanganni Us wuṛṛu i Aran.

PANDARIADDI 42:18

Su allo atallune i Yusuf nabbisara si mangitou, “I ya'u taumata apan matta'utta wuṛṛu matuṛṛutta Ruata. I yamiu sarun ta'u ipallossa ringannu sambau pa'aire.

PANDARIADDI 6:9

Ete indi watti'u pinabbiaṛṛanni Nuh. I tou pia ana'a esakka siri tallu, eteudde i Sem, i Yafet wuṛṛu i Ham. I Nuh tawe na'ola'a pasasal᷊a, wuṛṛu ete i tou sangkatou su wallatu taumata apan ma'ola'a apapia su tempo udde. I tou mabbiakka uaaukka ringannu Ruata.

2 MARARATU 20:3

“Mawu, naungewe manungku i ya'u indi buatte tinumuṛṛutta Si'o ringannu maadunna wuṛṛu ringannu ahewallu lal᷊ummu naungku. I Ya'u sidutu maddea'a tadea'u maatuṛṛutta apulu-Nu.” Ana see i Hizkia nilumuai ringannu massusa.

1 TAWARIKH 1:17

Manga ana'i Sem esakka eteudde i Elam, i Asyur, i Arpakhsad, i Lud, i Aram, i Us, i Hul, i Geter wuṛṛu i Mesekh. I mangitou udde al᷊amonan manga walahanna apan nisaggo tumuṛṛuttu aranni mangitou.

AYUB 1:8

Ana see Mawu naiwal᷊o, “Apa i'o buatte nanutukka allang-Ku i Ayub? Su ahewallu runia tawe taumata aroddi atuṛṛunne wuṛṛu apiane ere i tou. I tou massubba si Ya'u wuṛṛu tawe saran paassa ma'ola'a al᷊al᷊eo.”

AYUB 2:3

Mawu naiwal᷊o, “Apa i'o buatte nanutukka allang-Ku i Ayub? Su ahewallu runia tawe taumata aroddi atuṛṛunne wuṛṛu naungnge mapia ere i tou. I tou massubba si Ya'u wuṛṛu tawe saran paassa na'ola'a al᷊al᷊eo. I tou ta'e uatatana'a satia si Ya'u, salaiwe i'o buatte nassal᷊o-U manilaka si tou ringannu tawe pinangiananne.”

AYUB 28:28

Ruata nabbisara su taumata, “Tadea'u maasomba asingkatta, ṛinone i yamiu mangaddatta Ruata. Tadea'u wotongnge maasunna, i yamiu ṛinone mangindaun al᷊al᷊eo.”

AYUB 4:6

Wal᷊inewe i'o satia su Ruata; wal᷊inewe wiakku tawe sangkulle? Amungkangngu aroddi, udde naṛṛinote i'o mangngimanna wuṛṛu tawe awul᷊iannu antimma.

AYUB 9:21

I ya'u tawe nassal᷊a arawe i ya'u tawe pandumme. I ya'u nualle mabbiakka. Si ya'u tateddu lai pia gunane; iapa nassal᷊a wuṛṛu iapa naṛṛino mangke uasul᷊ungke nasimme: Ruata sarun mamate abbi sitarua.

SASABANGNGA 18:21

Arawe su liuddu udde lai i'o ṛinone mamile manga pira taumata esakka apan pande, wuṛṛu manebbo'i mangitou maola'a piaṛṛa'u saṛṛiwu su atoune, maṛṛasutta su atoune, liman pul᷊o su atoune wuṛṛu mapul᷊o su atoune. I mangitou ṛinone manga taumata apan matta'utta wuṛṛu matuṛṛutta Mawu, wotangnge pangimananna wuṛṛu maddiri manengkamma aonggola.

AMSAL 14:16

Taumata pia budine sidutu uatehamma wuṛṛu mangngindau wuassu al᷊al᷊eo, taumata woddo nasa'u, wua'udde naapendamma mal᷊angnganna.

AMSAL 14:2

Taumata apan matul᷊idda matta'utta wuṛṛu maaddatta su Mawu Ruata; taumata apan wiakke wengkolle manggaddio'a si Tou.

AMSAL 16:17

Taumata mapia mangindaun al᷊al᷊eo; taumata apan mangngapia ola'u pabbiaṛṛanne, mallu'adda watanganne.

AMSAL 16:6

Taumata apan matuṛṛutta Ruata sarun maasomba aampungnga; Taumata apan mangngimanna sarun mal᷊iudda wuassu al᷊awo'u al᷊al᷊eo.

AMSAL 20:7

Al᷊aṛṛana'a naauntungnga amungkangngu pia iamangnga apan mapia wuṛṛu mabbiakka matul᷊idda.

AMSAL 3:7

Arie mangngasakku watangannu mappandeanna wuassu apan suṛṛinone; ewe'e paatuṛṛutta Mawu wuṛṛu pangindaute wuassu al᷊al᷊eo.

AMSAL 8:13

Mangaddatta Mawu atappasanne maddantinnu al᷊al᷊eo; i ya'u maddirin awawunga wuṛṛu atatanggakka. I ya'u maddantinnu pallal᷊agu apan dal᷊eo wuṛṛu manga wisara apan awusu.

LAL᷊ALLU 4:21

Ei walahannu Edom wuṛṛu Us, ore lallagete, lalluasse, suapawe ta'e wotongne! Asasilaka sarun rumanta lai ringannu wuṛṛu ana waugu wu'anna i'o nanantol᷊e watangannu.

YEHEZKIEL 14:14

Salaiwe i Nuh, i Danel wuṛṛu i Ayub uatana'a su tampa udde, ne apapia mangitou tallu tumba'u wotongnge mapanal᷊amatta niawa mangitou sassane. I Ya'u, Mawu Apan Atanggaṛṛanne buatte nabbisara.

YEHEZKIEL 14:20

Wuṛṛu salaiwe i Nuh, i Danel wuṛṛu i Ayub uatana'a isudde, ne ana waugu i Ya'u, Ruata apan biakka, Mawu Apan Atanggaṛṛanne, i mangitou tawe maapanal᷊amatta sisai-sai, ewe'e lai ana'i mangitou sassane tawe. Tumba'u i mangitou sassane apan masal᷊amatta ana waugu apapia mangitou.”

LUKAS 1:6

Rua sangkawinganna udde, mabbiakka ma'al᷊uassa naungngu Ruata. Itarua matuṛṛutta anambon parenta wuṛṛu tita Mawu ringannu ahewallu naungnge.

TAHIUL᷊E 18:13

Nariaddi ṛinone i yamiu mattaṛṛamawu Mawu Ruatanu ringannu ahewallu lal᷊ummu naungngu.”

YAKOBUS 5:11

I mangitou nisaggo su lal᷊umanna'a ana waugu i mangitou masabare. I yamiu suete naaringikka su ola'u asasabaren Ayub, wuṛṛu i yamiu masingkata lai ereapa panginsueanne Mawu nangal᷊amatta si tou. Ana waugu Mawu lembon marangngu wuṛṛu naung-Nge mapia.

1 PETRUS 3:11

I tou ṛinone mangindaun al᷊al᷊eo wuṛṛu ma'ola'a apapia; ṛinone i tou mattinsahadda atonna-tonna ana see maasomba paddarame.