ANTARI MAWANTUGA 8:5 - WUKE SUSI WATTI'U AL᷊AL᷊USASSA

⁵ Isaite udde apan nirumanta wuassu wadda'u anne, uasandakka su tunanangane? Ta'u nipu'o i'o su al᷊ungngu punnu apel, sutampa i'o su illoṛṛo wuṛṛu niasungkanga.

ANTARI MAWANTUGA 8:5 Iomraidhean Croise

2 TAWARIKH 32:8

I tou uatahuanna atatohassu taumata, arawe i ite uatahuanna Mawu Ruatan kite iapasumbala i ite mapapangalo.” Naaringikka manga wisaran ratun mangitou, tumana'u soa nabbal᷊ite waṛṛani.

DARALO 63:8

ana waugu ete I'o niumontolla si ya'u; sual᷊ungngu papaiddu Mawu i ya'u mangngantarin al᷊al᷊uassa.

DARALO 63:9

I ya'u uaṛṛaggo Si'o ma'ikka-ikkata, lima-Nu ua'ehetta si ya'u.

ANTARI MAWANTUGA 2:3

Naal᷊ihidda punnu apel su pattangngannu aaluanna su mahurangnge, aroddi lai tatuno naungku suwallattu manga umbasanna. I ya'u mal᷊uassa maasirungnga su al᷊ungnge, manga wuanne mangkatemangnga pendamanna.

ANTARI MAWANTUGA 3:11

Sabbangke, ei manga maṛṛualan Sion, pa'ellege si Ratu Salomo ringannu mahkota apan niluṛṛen inangngene, su allo nipaawinganne, su allo i tou lulluassa.

ANTARI MAWANTUGA 3:4

Wakkute ta'u nitantangnga i mangitou, i ya'u massomba tatuno naungku. Aagasangku i tou, wuṛṛu tawe ta'u ipallossa na'oman sara ta'u niapidda su wal᷊en mama'u, su wabbo'an taumata apan nanungkangku.

ANTARI MAWANTUGA 3:6

Apa udde apan nirumanta wuassu wadda'u anne, naal᷊ihidda ammul᷊annu timbulla? Awangngine ere mur wuṛṛu amania, wuṛṛu manga pupure mawangngi wuassu mabbawal᷊u'a.

ANTARI MAWANTUGA 4:8

Wette iaddua sumossokke wuassu Libanon, pare'u, wette iaddua sumossokke wuassu Libanon. Sossokke wuassu puiddu Amana, wuassu puiddu Senir wuṛṛu Hermon, tampa atatanaannu macan tutul wuṛṛu singa.

ANTARI MAWANTUGA 6:10

Isaite i tou nirumanta naal᷊ihidda matannallo sussabbanga, ere aṛṛansangngu wul᷊anna rumaria, ere atilangngu matannallo? I tou tumaniten maanemma, naal᷊ihidda wuntuannu tantara ringannu manga waneṛṛane.

ANTARI MAWANTUGA 8:1

Ei, unnuwisara i'o tuṛṛangku sidutu, apan buatte sinumusu su inangku, i'o sarun ta'u ari'anna napawe massomba su lal᷊anna, taweddu apan mangal᷊uandaga si ya'u.

YESAYA 36:6

Atonna i'o uaantimma sasumbala Mesir, arawe udde nassul᷊ungngu mappaattu alun akke olaanna ta'inna; – sal᷊immurine ta'inna udde mapaddi wuṛṛu limanu ma'usu'a. Etearoddi ratun Mesir su anambon taumata apan uaantimma si tou.’ ”

YESAYA 40:3

Pia tingikka apan u'ui, “Saddiate lal᷊annu Mawu su wadda'u anne. Tul᷊idde lal᷊anna wahewalla su wadda'a mal᷊alangnga hunan Duatan kite!

YESAYA 43:19

Panutukke, i Ya'u mallanginnu apa apan bakku; orassa indi mannantakke, i'o tawe maasilo? Ya'u sarun ma'ola'a lal᷊anna su wadda'u anne, wuṛṛu manga sal᷊ukka su wadda'a mal᷊alangnga.

YEREMIA 2:2

mangal᷊iatan batti'a indi su anambon taumata su Yerusalem, “Ei Israel, i Ya'u mannaungnga i'o aroddi asatiane sutempo i'o ta'e dario'a; aroddi ahewalle darangngunu sutempo i ite buatte naawingnga. Watukku wadda'u anne i Ya'u tatantalongannu u'amatta su wageangngu leta'a apan tawe nisuananna.

HOSEA 12:4

Ro'en ta'e sulal᷊ummu illoṛṛo, Yakub al᷊amonan mangitou buatte nallinga si Esau tuṛṛangnge ṛindua; wuṛṛu napawe timmadete, Yakub nallaṛṛawa'u Ruata.

MIKHA 3:11

Manga tembonannu soa mammarenta ringannu maasomba roitta aonggolla, manga imam mangngaṛṛa'u titan Mawu tadea'u maasomba lal᷊antakke, wuṛṛu manga nabi maddorongnga tatantiro wuassu Ruata tadea'u maasomba roitta – ana see i mangitou sarangkanambone massunna manungku Mawu uasamba'a si mangitou. I mangitou nabbisara, “Mawu udde su pattangnganni ite; i ite sarun tawe aṛṛiannu asasilaka.”

YOHANES 13:23

Mallal᷊aṛṛenggenna apan arangnguannu Mawu Yesus ua'ianna su samba'a Mawu Yesus.

ROMA 7:4

Aroddi lai yamiu, manga tuṛṛangku. Su titan agama Yahudi yamiu natete, ana waugu i yamiu buatte niapaaukka ringannu wadangngi Kristus wuṛṛu naola'a pussa'a-Ne apan suete niapaawiakka apia wuassu papate. I Tou niapaawiakka wuassu papate tadea'u i ite maola'a pia gunane su lantakku hatin Duata su al᷊o'engngu pabbiaṛṛani ite.

GALATIA 4:19

Manga al᷊aṛṛana'u arangnguanna! I ya'u orassa indi uatataṛṛanga lai ana waugu i yamiu. I ya'u uatataṛṛanga ere sangkatou inangnga apan uatataṛṛanga su tempo mangunsiwe. I ya'u sidutu sarun matataṛṛanga, amungkangu pallal᷊agun Kristus taambe nusippa su wadangu!

1 PETRUS 1:21

Ete wuassi Tou i yamiu mangngimanna Ruata apan suete napaawiakki Tou apia wuassu papate wuṛṛu namantuga si Tou. Nariaddi ete Ruata apan pangimananni yamiu wuṛṛu ete su Ruata lai apan pangantimanni yamiu.

SONDAPPA 12:6

Ne wawine udde tinumal᷊angnga su wadda'a, su tampa apan suete nissaddian Ruata si tou. Su tampa udde i tou sarun paddul᷊iananna 1260 allo al᷊annune.