ANTARI MAWANTUGA 7:9 - WUKE SUSI WATTI'U AL᷊AL᷊USASSA

⁹ moṛṛongngu naal᷊ihidda atemangngu anggore! Wala'e anggore udde mangelekka ringannu arangnguangku, ringannu tawe illol᷊one; wuṛṛu mapasabbangngu apulun naungnga, ewe'e lai taumata apan tantal᷊anna mattiilla.

ANTARI MAWANTUGA 7:9 Iomraidhean Croise

AMSAL 16:24

Wisara masaṛṛionto'a naal᷊ihidda pul᷊a; temangnge manenengnga wuṛṛu maapia waddangnga.

AMSAL 23:31

Arie pabbala'a anggore mamono'a si'o, salaiwe saṛṛene tumaniten maanemma wuṛṛu aasiloanna lullendappa sulal᷊ummu halasi see mangngelekka ringannu piane sulal᷊ummu tonggol᷊anna.

ANTARI MAWANTUGA 2:14

O merpati'u su manga wallattu watu su pa'imbuniannu wawal᷊anne pia rampissa, wala'e i ya'u ma'ellega hatinu, wuṛṛu maddaringikka tingikku, ana waugu hatinu maṛṛamaga, tingikku matelengnga.

ANTARI MAWANTUGA 5:16

Tumaniten masaṛṛionto'a pabbawisarane, sarangkanambone si tou maanemma. Etearoddi arangnguangku wuṛṛu hawe'u, ei manga maṛṛualan Yerusalem!

ANTARI MAWANTUGA 5:2

I ya'u mattiilla, arawe naungku uatehamma. Paddaringikke, arangnguangku mannengkella ngara. Wu'ate ngara, tuari, arangnguangku, merpati'u, tatuno naungku; pua'u naṛṛolo ana waugu wal᷊angngukka, uta'u napenen ṛente'u wal᷊angngukku ṛabbi.

ROMA 13:11

Su liuddu sarangkanambone udde i yamiu maasingkata manungku tempo indi eteudde temponu mapu'o wuassu atatiilla. Ana waugu tempone i ite iapaasal᷊amatta maranite orassa indi, wuassu i ite wakkute mannattaka mangngimanna.

EFESUS 4:29

Amungkangu i yamiu maggahatto, arie mappaattu wisara lal᷊eo. Pappaatten manga wisara apan mannantiro wuṛṛu mantul᷊ungnu taumata waine. Manga wisara ereudde sarun mapaarantan apapia su manga taumata apan naddaringikka.

KOLOSE 4:6

Ṛinone manga inolaanna apan iwabbisaran kamiu sidutu maal᷊uassa wuṛṛu apangimananna. Ṛinone i yamiu maasingkata ereapa ṛinone i yamiu sumimbakka manga aiwal᷊on taumata.

IBRANI 13:15

Ana waugu udde, ringannu tatangngannu Mawu Yesus, ṛinone i ite sidutu maddalo Ruata; udde maola'a sambau aonggolu a'adiangkamanni ite si Tou, apan nionggoli ite ringannu wisaram wiwikka ipaddalo aran-Ne.

SONDAPPA 14:13

See i ya'u naaringikka tingikka wuassu surga mabbisara, “Woṛṛetta'a indi: Manattaka orassa indi, al᷊al᷊uassa su manga taumata apan nate tantal᷊anna mangngimbe Mawu!” “Atonna!” sasimbaku Ghaṛṛahon Ruata. “I mangitou sarun mangillol᷊o mammanara masahadda, ana waugu hessim pangangimbe mangitou sidutu uatantalongnga si mangitou.”