ANTARI MAWANTUGA 6:10 - WUKE SUSI WATTI'U AL᷊AL᷊USASSA

¹⁰ Isaite i tou nirumanta naal᷊ihidda matannallo sussabbanga, ere aṛṛansangngu wul᷊anna rumaria, ere atilangngu matannallo? I tou tumaniten maanemma, naal᷊ihidda wuntuannu tantara ringannu manga waneṛṛane.

ANTARI MAWANTUGA 6:10 Iomraidhean Croise

2 SAMUEL 23:4

I Tou naal᷊ihidda semakku matannallo lullansiangnga sutempo marua'allo napawe langitta matilangnga. I Tou naal᷊ihidda semakku matannallo napawe wua nanguranna napangelomma nannal᷊o maṛṛansangnga lullendappa.”

AYUB 11:17

Pabbiaṛṛannu sarun maola'a massemaṛṛanna wuassu allattune, wuṛṛu manga tempo marandumma sulal᷊ummu pabbiaṛṛannu asasemmake ere marua allo.

AYUB 31:26

Taambe saran paassa i ya'u nassubba matannallo lukkena masemakka ara'e wul᷊anna apan semakke maṛṛamagga.

DARALO 14:5

Taumata lal᷊eo sarun lembon matta'utta, ana waugu Ruata uasirungnga taumata apan matuṛṛutta si Tou.

AMSAL 4:18

Dal᷊annu taumata lal᷊eo marandumma ere randummu ṛabbi. I mangitou natara wuṛṛu nanawo awagananna. Arawe lal᷊anna apan aamatannu taumata mapia mangke ere matannallo sussabbangnga; mallannu massemakka, sara panginsueanne mabbal᷊i masema-semakka.

ANTARI MAWANTUGA 1:15

I'o maṛṛamaga atonna tatuno naungku, tumaniten maṛṛamaga i'o! Matanu naal᷊ihidda merpati.

ANTARI MAWANTUGA 3:6

Apa udde apan nirumanta wuassu wadda'u anne, naal᷊ihidda ammul᷊annu timbulla? Awangngine ere mur wuṛṛu amania, wuṛṛu manga pupure mawangngi wuassu mabbawal᷊u'a.

ANTARI MAWANTUGA 6:4

I'o maṛṛamaga arangnguangku, ere aṛṛansangngu soa Yerusalem, ere aṛṛamagu soa Tirzah. I'o tumaniten maatuno naungnga, naal᷊ihidda wuntuannu tantara ringannu waneṛṛane.

ANTARI MAWANTUGA 8:5

Isaite udde apan nirumanta wuassu wadda'u anne, uasandakka su tunanangane? Ta'u nipu'o i'o su al᷊ungngu punnu apel, sutampa i'o su illoṛṛo wuṛṛu niasungkanga.

YESAYA 58:8

Ne asasemakka sarun sumabbangnga si yamiu ere matannallo, wuṛṛu manga lessanu mal᷊ihakke mapia. I Ya'u sarun makkundinganna si yamiu. Daranta-U sarun mallu'adda si yamiu wuassu al᷊awo'u pappi'uanne.

YESAYA 63:1

“Isaite i tou apan nirumanta wuassu Bozra su Edom? laungnge maṛṛamu, peddenne maṛṛamaga; i tou u'amatta ringannu waṛṛani matohassa.” “Ete i Ya'u Mawu apan botongnge manal᷊amatta wuṛṛu nirumanta ringannu uaapiddu watti'u auntunganna.”

HOSEA 6:5

Ana waugu udde i Ya'u nandolokku manga nabi-U iapapasingkatta si yamiu laṛṛawe-U manungku i yamiu ṛinone iṛṛuumanna wuṛṛu pateanna. Apan ipaapulu-U wuassi yamiu nasemakke wuṛṛu natualage:

MALEAKHI 4:2

Arawe si yamiu apan matuṛṛutta si Ya'u, taṛṛino-U apan mannal᷊amatta sarun sumabbangnga ere matannallo, wuṛṛu semakke mangngapiddu apapia. I yamiu sarun mapallossa wuṛṛu lumuassa ere ana'u sapi apan wakku niapasabbangnga wuassu tatandange.

MATIUS 13:43

Wuṛṛu manga taumata apan ma'ola'a apulun Ruata sarun lumansiangnga ere matannallo sulal᷊ummu Runia Wakkun Ruata, Iamangngi mangitou. Nariaddi, amungkangngu pia tal᷊inga paddaringikka!”

MATIUS 17:2

Su saruanni mangitou, Mawu Yesus nawal᷊u saṛṛene: Hati-Ne nabal᷊i masemakka ere matannallo wuṛṛu laung-Nge mawira lullendapa.

ROMA 8:37

Tawe! Ewe'e sulal᷊ummu sarangkanambone udde i ite naasomba auntunganna apan nasuungnga ana waugu i Tou apan niumakkani ite!

EFESUS 5:27

Ringannu aroddi Kristus napararisikku jamaatta udde ringannu mawantuga wuṛṛu na'ukkassa su saruan-Ne, ringannu tawe sangkule ara'e angngone.

SONDAPPA 1:16

Lima uanan-Ne uaagassa anumpitanna pitu, wuṛṛu wuassu moṛṛo-Nge sinumabangnga hal᷊ele maṛṛoro sammata, apan ṛoṛṛone ruam ba'a. Hati-Ne lullansiangnga naal᷊ihidda matannallo su allo allattune.

SONDAPPA 10:1

See i ya'u naasilo sangkatou mala'ekatta matohassa waine sinumossoka wuassu surga. I tou papi'unannu winabbawa wuṛṛu sambua randipakka arak naggial᷊o uapal᷊iwutta su puane. Hatine lullansiangnga naal᷊ihida matannallo, wuṛṛu leddane naal᷊ihidda pal᷊iaṛṛanu putungnga.

SONDAPPA 12:1

See niasiloanna su langitta sambau apan ma'aṛṛindu'a wuṛṛu tumaniten ma'atiangnga. Sangkatou wawine ual᷊uṛṛen matannallo peddene, tantal᷊anna uarisikka su wowon wul᷊anna. Su puane pia sambau araposan araratuanna niola'a wuassu mapul᷊o dua anumpitanna.

SONDAPPA 21:23

Soa udde tate mappandumma semakku matannallo ara'e semakku wul᷊anna, ana waugu awawantugu Ruata mananemakke, wuṛṛu eteudde Ana'u Domba sol᷊one.

SONDAPPA 22:16

“I Ya'u, Mawu Yesus, suete nandolokku malaeka-U si yamiu tadea'u i tou mamasingkatu manga olangnge indi su manga jamaatta. I Ya'u indi papapulunni Daud; ete i Ya'u aṛṛusuallo apan masemakka udde.”

SONDAPPA 22:5

I mangitou tate mappandumma sol᷊o ara'e semakku matannallo, ana waugu tate ṛabbi lai, wuṛṛu Mawu Ruata sassane sarun manemakka si mangitou. Ne i mangitou sarun mamarenta ere sangkatou ratu saran mal᷊annu-l᷊annu.