ANTARI MAWANTUGA 5:2 - WUKE SUSI WATTI'U AL᷊AL᷊USASSA

² I ya'u mattiilla, arawe naungku uatehamma. Paddaringikke, arangnguangku mannengkella ngara. Wu'ate ngara, tuari, arangnguangku, merpati'u, tatuno naungku; pua'u naṛṛolo ana waugu wal᷊angngukka, uta'u napenen ṛente'u wal᷊angngukku ṛabbi.

ANTARI MAWANTUGA 5:2 Iomraidhean Croise

PANDARIADDI 29:20

Ne i Yakub nammanarate pitu tonna al᷊annune tadea'u maasomba si Rahel, wuṛṛu si tou manga tonna udde nal᷊iu naal᷊ihidda tumba'u pira allo, ana waugu naungnge aroddi ahewalle su maṛṛuala udde.

DARALO 119:1

Lal᷊umanna'a su taumata apan mabbiakka tawe sangkulle wuṛṛu matuṛṛutta su manga titan Mawu.

DARALO 81:10

Imbaṛṛangnga suwallati yamiu pia mawu waine, imbaṛṛangnga massubba mawu awagananna.

AMSAL 23:26

Panutukke paapia-pia wuṛṛu pattannote ola'u pabbiaṛṛangku, ana'u!

ANTARI MAWANTUGA 1:16

I'o na'ewokka, arangnguangku na'ewokka atonna i'o! Lallowanganni addua su wal᷊abbukka ma'elomma.

ANTARI MAWANTUGA 2:10

Paddaringikka, tatuno naungku nabbisara si ya'u. Rantate apulu'u, wette tatuno naungku!

ANTARI MAWANTUGA 2:14

O merpati'u su manga wallattu watu su pa'imbuniannu wawal᷊anne pia rampissa, wala'e i ya'u ma'ellega hatinu, wuṛṛu maddaringikka tingikku, ana waugu hatinu maṛṛamaga, tingikku matelengnga.

ANTARI MAWANTUGA 2:8

Paddaringikka! Tatuno naungku nirumanta! I Tou naal᷊ihidda ana'u rusa ara'e kijangnga. Sussassolo'a su manga wowone, sussassolo'a su manga wuidda. Pa'ellega, su samba'an darandungnga i tou uarisikka, ringannu matane i tou maddea'a; mallinge wuassu taralin jandela.

ANTARI MAWANTUGA 3:1

Suapan ṛabbi, su lallowangangku, sulal᷊ummu wal᷊iawa i ya'u naddea'a tatuno naungku; ta'u nireaanna i tou, arawe tawe gunane.

ANTARI MAWANTUGA 4:7

I'o maṛṛamaga atonna, arangnguangku, tawe sangkulle i'o.

ANTARI MAWANTUGA 4:9

I'o maatuno naungku, tuari, pare'u, i'o maatonu naungku ringannu aellegu, ringannu permata maṛṛansanga su wul᷊elenu.

ANTARI MAWANTUGA 5:11

Puane naal᷊ihidda wul᷊awanna, wul᷊awanna tutune, utangnge longkotta wuṛṛu ma'itumma, ere aitummu gagak.

ANTARI MAWANTUGA 5:6

I ya'u namu'a ngara sutannu arangnguangku, arawe i tou nabbal᷊i'a wuṛṛu napul᷊ete. I ya'u tumaniten luṛṛintulun tingikke; ta'u nireaanna i tou arawe tawe gunane. Ta'u niwagoanna aranne, arawe i tou tawe nitu'a.

ANTARI MAWANTUGA 6:9

Arawe tumba'u sangkatou merpati'u, arangnguangku, ana'a tinggassa iaakkannu inangngene. Manga maṛṛuala ma'ellega wuṛṛu maddalo si tou, manga wo'i wuṛṛu awingnge su liudde tuttiangnga si tou.

ANTARI MAWANTUGA 7:9

moṛṛongngu naal᷊ihidda atemangngu anggore! Wala'e anggore udde mangelekka ringannu arangnguangku, ringannu tawe illol᷊one; wuṛṛu mapasabbangngu apulun naungnga, ewe'e lai taumata apan tantal᷊anna mattiilla.

ANTARI MAWANTUGA 8:7

Ua'e manambo tawe maapadduma patatunanga, wuṛṛu manawangnga tawe ma'onoddi tou. Amungkangngu piaddu sangkatou mangonggllo al᷊awo'u darotongnge tadea'u ipamalli patatunanga, udde tumba'u hahelo apan asombanganne.

YESAYA 50:6

I ya'u nangonggollu liu'u su taumata apan mamuulla si ya'u; wuṛṛu wambala'u su taumata apan mangabutta omengku. I ya'u tawe nallinda'u hati'u sutempo i ya'u haggeloanna wuṛṛu a'adduanna.

YESAYA 52:14

Dorone manambo taumata niṛṛumindu'a naasilo si tou, pahudde nihohakka na'oman sara tate ere taumata lai.

DANIEL 8:18

Tantal᷊anna i tou mabbisara, ia'unawantingnga. Arawe i tou nangagassa si ya'u wuṛṛu nantulungku dirumarisikka apia. Wua'udde i tou nabbisara,

ZAKARIA 4:1

Mala'ekatta apan nabbisara si ya'u udde nirumanta apia wuṛṛu namu'o si ya'u ere namu'o taumata mattiilla.

MATIUS 7:8

Ana waugu taumata maddorongnga sarun manengkamma; taumata madea'a sarun maasomba; wuṛṛu taumata mannengkella sarun wu'anna ngara.

MATIUS 8:17

Mawu Yesus na'ola'a sarangkanambone udde, wuṛṛu ringannu aroddi natipusse apa apan niwisara Nabi Yesaya, eteudde, “I Tou mamasanna asasusang kite wuṛṛu mapaapian radda'i ite.”

MARKUS 1:35

Rua'allone, su tempo ta'e maṛṛanggapa atonna, Mawu Yesus nabangunte see nanantangken bal᷊e. I Tou inaite su tampa apan mal᷊annaba su liuddu soa, wuṛṛu inumal᷊iomante poiaroddi.

LUKAS 22:44

Mawu Yesus tumaniten uatataṛṛangnga sansara sulal᷊ummu naung-Nge na'oman sara i Tou u'al᷊iomanna atonna-tonna. Liahane naal᷊ihida raṛṛa tutturo su leta'a.]

LUKAS 6:12

Su tempo udde Mawu Yesus sinuma'ate su sambau wuidda ana see inumal᷊iomanna. Isudde i Tou inumal᷊iomanna su Ruata su al᷊o'engngu ṛabbi.

LUKAS 9:32

Su tempo udde i Petrus wuṛṛu manga hawene niamatiil᷊anna, arawe inaṛṛombanganne napu'o wuṛṛu naasilo Mawu Yesus lullansiangnga wuṛṛu taumata ruang katou uarisikka ringanni Tou.

YOHANES 10:4

Napawe manga domba udde niapidde su liudde, mallal᷊u'adda udde u'amatta rorone, wuṛṛu manga domba udde uatantalongnga si tou, ana waugu i mangitou ma'aillal᷊a tingikke.

GALATIA 2:20

Orassa indi wal᷊inewe i ya'u mabbiakka, arawe ete Kristus apan mabbiakka sulal᷊ummu wadangku. Wiakka apan iraṛṛingi'u orassa indi eteudde mabbiakka ipangngimanna Ana'u Ruata apan marangngu si ya'u wuṛṛu buatte nanantillu watangan-Ne ana waugu i ya'u.

EFESUS 5:14

Ana waugu anambon apa apan aasiloanna ringannu matilangnga, eteudde asasemakka. Ana waugu udde suete niwisara, “Apu'ote, i'o apan mattiilla, wuṛṛu pabbangunte wuassu papate! Kristus sarun lumansiangnga si'o.”

SONDAPPA 14:4

I mangitou udde manga taumata apan sidutu na'ukkassa ere maṛṛuala susi, ana waugu tawe uaaukka suadio'a ringannu wawine. I mangitou uatantalongnga Ana'u Domba udde suapan tampa i Tou inai. Wuassu wallatu anambon taumata, tumba'u i mangitou apan suete nipallosa maola'a sasamba apan paarorone su Ruata wuṛṛu su Ana'u Domba.

SONDAPPA 3:20

Pa'ellega! I Ya'u uarisikka su saruannu ngara wuṛṛu manengkela. Amungkangu pia taumata apan naaringikka tingi-U, wuṛṛu namu'a ngara, i Ya'u sarun sumutta maisasomban tou; i Ya'u sarun umanna suadio'a ringanni tou wuṛṛu i tou umanna suadio'a ringang-Ku.

SONDAPPA 3:4

Arawe su pattangngani yamiu su Sardis ta'e pia taumata uariaga tadea'u laungnge sidutu waresi. I mangitou udde sarun umamatta suadio'a ringang-Ku ringaannu uapedettu mawira, ana waugu i mangitou su ṛinone mappaattu udde.