ANTARI MAWANTUGA 5:13 - WUKE SUSI WATTI'U AL᷊AL᷊USASSA

¹³ Wambalane naal᷊ihidda waillu rampa apan mawangngi, wiwikke bunga hal᷊ohomma apan mapaturon mur tutune.

ANTARI MAWANTUGA 5:13 Iomraidhean Croise

DARALO 27:4

Tumba'u sambau apan ta'u doronganna su Mawu, tumba'u indi apan ta'u ipaapulu: matana'a su Wal᷊en Mawu su al᷊o'engngu pabbiaṛangku, tadea'u maapendamma apapian Mawu wuṛṛu sumal᷊ande aehen-Ne.

DARALO 45:2

Manga wisara maṛṛamaga sinumabbanga wuassu naungku, antari'u nionggola sasamba su ratu. Naal᷊ihidda penan sangkatou panden bisara, lila'u nasaddiate maapasabbangu sasanato'a.

DARALO 45:3

Ete I'o apan aṛṛamahanne wuassu wallatu taumata, manga wisaranu napenen apapia, ana waugu udde i'o nial᷊amatannu Ruata saran mal᷊annu-l᷊annu.

DARALO 89:15

Atatul᷊idda wuṛṛu tita uddewe sasariannu araratuan-Nu, darangngu wuṛṛu apapia nilumiatta'a sulal᷊ummu al᷊awo'u manara-Nu.

ANTARI MAWANTUGA 1:10

Wambalanu maṛṛamaga su pattangngannu lal᷊ogakka, ullekkanu maṛṛansanga ringannu wul᷊ele permata.

ANTARI MAWANTUGA 1:16

I'o na'ewokka, arangnguangku na'ewokka atonna i'o! Lallowanganni addua su wal᷊abbukka ma'elomma.

ANTARI MAWANTUGA 2:1

I ya'u tumba'u bunga rosi wuassu Saron bunga hal᷊ohomma su manga wawal᷊anne.

ANTARI MAWANTUGA 3:6

Apa udde apan nirumanta wuassu wadda'u anne, naal᷊ihidda ammul᷊annu timbulla? Awangngine ere mur wuṛṛu amania, wuṛṛu manga pupure mawangngi wuassu mabbawal᷊u'a.

ANTARI MAWANTUGA 4:11

Mapia manga wisaranu, pare'u, naal᷊ihidda pul᷊a tutune wuṛṛu susu. Laungngu awangngine ere Wowon Libanon.

ANTARI MAWANTUGA 5:5

Ne i ya'u nabbangunte mamu'ate ngara suttannu arangnguangku. Mur tutturo wuassu lima wuṛṛu manga tal᷊imaddo'u, naṛṛolo pangagasannu papal᷊en ngara.

ANTARI MAWANTUGA 6:2

Arangnguangku inai aroddi su wawail᷊anne, watukku waillu rampa-rampa inai lai mallu'adda manga domba su wailla, wuṛṛu manappo manga hal᷊ohomma.

YESAYA 50:4

Mawu Apan Atanggaṛṛanne mangngaṛṛa'a si ya'u mabbisara, tadea'u wisara'u maatohassa taumata apan su al᷊allome. Suapan marua allo mannohassa naungku tadea'u maddaringikka al᷊aṛṛang-Ne si ya'u.

YESAYA 50:6

I ya'u nangonggollu liu'u su taumata apan mamuulla si ya'u; wuṛṛu wambala'u su taumata apan mangabutta omengku. I ya'u tawe nallinda'u hati'u sutempo i ya'u haggeloanna wuṛṛu a'adduanna.

LUKAS 4:22

Manga wisara apan niwisara-Ne mapia atonna, na'oman sara i mangitou naherangnga wuṛṛu lapiddu nanamba'a si Tou. I mangitou nabbisara, “Wal᷊inewe i Tou indi ana'i Yusuf?”

SONDAPPA 21:23

Soa udde tate mappandumma semakku matannallo ara'e semakku wul᷊anna, ana waugu awawantugu Ruata mananemakke, wuṛṛu eteudde Ana'u Domba sol᷊one.