ANTARI MAWANTUGA 4:9 - WUKE SUSI WATTI'U AL᷊AL᷊USASSA

⁹ I'o maatuno naungku, tuari, pare'u, i'o maatonu naungku ringannu aellegu, ringannu permata maṛṛansanga su wul᷊elenu.

ANTARI MAWANTUGA 4:9 Iomraidhean Croise

PANDARIADDI 20:12

Atonna lai i tou tuari'u. Iambua yamangnga sangkatou, arawe uapapaṛṛala inangnga, wuṛṛu wua'udde iambua naawingnga.

DARALO 45:9

Peddenu pia hal᷊urun amania, gaharu wuṛṛu cendana; mananalangnga ronsi su wal᷊en araratuanna lal᷊ogaṛannu gadinga wuṛṛu naal᷊uassa si'o.

AMSAL 1:9

ana waugu manga al᷊aṛṛa'i mangitou maatamba apapianu naal᷊ihidda lal᷊ogakku pua wuṛṛu wul᷊ele apan maaṛṛamaga pahuddu.

AMSAL 6:25

Ariewe i'o amono'annu araṛṛamagi mangitou, arie awol᷊engannu matan mangitou apan massal᷊o'a.

ANTARI MAWANTUGA 1:10

Wambalanu maṛṛamaga su pattangngannu lal᷊ogakka, ullekkanu maṛṛansanga ringannu wul᷊ele permata.

ANTARI MAWANTUGA 1:15

I'o maṛṛamaga atonna tatuno naungku, tumaniten maṛṛamaga i'o! Matanu naal᷊ihidda merpati.

ANTARI MAWANTUGA 3:11

Sabbangke, ei manga maṛṛualan Sion, pa'ellege si Ratu Salomo ringannu mahkota apan niluṛṛen inangngene, su allo nipaawinganne, su allo i tou lulluassa.

ANTARI MAWANTUGA 4:10

Atemangnga eteapa apulunu, tuari, pare'u, mattemanganna marau wuassu anggore. Lananu mawangngi mammammu'a, nanampal᷊iu wuassu al᷊awo'u hatin rampa.

ANTARI MAWANTUGA 4:12

Arangnguangku udde wailla pia tatandange, wailla pia tatandange, al᷊imatan kua'e ua'unsi.

ANTARI MAWANTUGA 6:12

I ya'u tumaniten uaantimma darangngunu, ere i ya'u maapulu suma'e keretan pangalo suadio'a ringannu manga papunna.

ANTARI MAWANTUGA 6:5

Biṛṛua'e hatinu wuassi ya'u, ana waugu paa'ellegu maatiangnga si ya'u. Utangngu naal᷊ihidda ammul᷊annu ambinga apan sussossokka wuassu manga wuiddu Gilead.

ANTARI MAWANTUGA 7:10

I ya'u tatahuanannu arangnguangku, i tou maapulu'u.

YESAYA 54:5

Mandariaddinu naola'a ere awingngu, Ruata na'ukkassu Israel uddewe Mananal᷊amannu. Mawu Apan Lembontaṛṛino, uddewe aran-Ne, i Tou Ruata uataṛṛino ahewallu runia.

YESAYA 62:5

Ere sangkatou umbasanna nattunanga ana'a maṛṛuala, etearoddi Mandariaddinu sarun ma'awingngu. Ere sangkatou esakka mal᷊uassa naungnge ma'asilo awingnge, etearoddi Ruata sarun mandangngu si'o.

YEHEZKIEL 16:11

Ta'u nilogakka i'o ringannu permata, wul᷊ele wuṛṛu manga hal᷊angnga.

DANIEL 5:7

Ringannu mangngintul᷊i i tou maddorongnga tadea'u manga taṛṛa si'atta, taṛṛa ṛopa wuṛṛu mapapaden anumpitanna waggoanna. Sutempo i mangitou nirumanta, ratu nabbisara, “Isai-sai wotongnge maawasan woṛṛetta udde wuṛṛu mamasingkattu atappasanne si ya'u, sarun ta'u onggol᷊annu laubba araratuangku juba ungu wuṛṛu wual᷊awanna tatialan aadatta. Wal᷊ine wua'udde lai i tou sarun ta'u itenega maola'a tembonannu atallune sul᷊ummu araratuangku.”

ZEFANYA 3:17

I yamiu lal᷊u'arannu Mawu Ruatannu apan matohassa. I yamiu naauntungnga ana waugu taṛṛino-Ne. Mawu lullassa wuṛṛu lullala'a ana waugu i yamiu, sulal᷊ummu darangngu-Ne i yamiu mabbiakka wakku. Ana waugu i yamiu, i Tou mangngantari lulluassa.

MATIUS 12:50

Taumata apan ma'ola'a apulun Iamangku su surga, i tou tuṛṛang-Ku esakka, tuṛṛang-Ku wawine wuṛṛu inang-Ku.”

YOHANES 3:29

Ma'a'awingnga wawine tatahuanannu ma'a'awingnga esakka. Hawe maa'awingnga esakka udde tumba'u uarisikka su sandiṛṛanne wuṛṛu uararingikka, wuṛṛu i tou lulluassa napawe naaringikke tingikku maa'awingnga esakka. Aroddi lai ya'u. Orassa indi ya'u lembon lulluassa.

1 KORINTUS 9:5

Apa i ya'u tawe wotongnge mangapiddu sangkatou awingnga taumatan Saṛṛani ringangku sulal᷊ummu amatangku, ere lai niola'u manga tuṛṛangngu Mawu Yesus wuṛṛu manga rasul waine, nasutta lai Petrus?

2 KORINTUS 11:2

I ya'u luṛṛintulunu, ere Ruata sassane lai luṛṛintulun kamiu. I yamiu ere sangkatou maṛṛuala apan ta'e susi wuṛṛu buatte nipa'ire'u iapaawingngu sangkatou umbasanna, eteudde Kristus.

SONDAPPA 21:2

Ne i ya'u naasilo soa susi udde, eteudde Yerusalem wakku, nonto'a wuassu surga wuassu Ruata. Soa udde suete nissaddia ere sangkatou ma'a'awingnga wawine nipeddetanna iapasasomba ma'a'awingnga esakka.