ANTARI MAWANTUGA 4:3 - WUKE SUSI WATTI'U AL᷊AL᷊USASSA

³ Wiwikku naal᷊ihidda sambua pita maṛṛamutta, wuṛṛu maṛṛansangnga moṛṛongngu. Wambalanu naal᷊ihidda wuan delima niwa'a, uawuni sulal᷊ummu tatindungngu.

ANTARI MAWANTUGA 4:3 Iomraidhean Croise

PANDARIADDI 32:10

I ya'u tawe su ṛinone manengkamma al᷊awo'u darangngu wuṛṛu apan buatte niapal᷊iatta'u Mawu si ya'u. Su tempo i ya'u niumamatta tinumumbe Sal᷊ukku Yordan, i ya'u tawe uaapiddu apa-apa tumbau ta'inna. Orassa i ya'u nirumantate apia ringannu ruang kawageanganna indi.

EZRA 9:6

I ya'u nabbisara, “Oh Ruata'u, i ya'u indi massili mamatti'u pua'u su saruan-Nu. Rosan kami mangke ua'ombo su puan kami na'oman sara nangeṛṛetta langitta.

DARALO 119:13

Ringannu ma'ikkata i ya'u u'al᷊iata anambon tita apan nionggolu Mawu.

DARALO 37:30

Taumata mapia mabbisara ringannu apande, i tou sidutu matul᷊idda sulal᷊ummu wisarane.

DARALO 45:2

Manga wisara maṛṛamaga sinumabbanga wuassu naungku, antari'u nionggola sasamba su ratu. Naal᷊ihidda penan sangkatou panden bisara, lila'u nasaddiate maapasabbangu sasanato'a.

AMSAL 10:13

Taumata apan ṛingiranne matakko'a mabbisaran manga wisara masiṛṛungnga; taumata woddo ṛinone puul᷊anna.

AMSAL 31:26

Ringannu masaṛṛionto'a i tou mabbisara; manga wisarane maarega.

ANTARI MAWANTUGA 1:5

Salaiwe ma'itumma, i ya'u maṛṛamaga, ore manga maṛṛualan Yerusalem; ma'itumma ere manga rasannu Kedar, arawe maṛṛansangnga ere manga pampele su wal᷊en araratuanni Salomo!

ANTARI MAWANTUGA 4:11

Mapia manga wisaranu, pare'u, naal᷊ihidda pul᷊a tutune wuṛṛu susu. Laungngu awangngine ere Wowon Libanon.

ANTARI MAWANTUGA 5:13

Wambalane naal᷊ihidda waillu rampa apan mawangngi, wiwikke bunga hal᷊ohomma apan mapaturon mur tutune.

ANTARI MAWANTUGA 5:16

Tumaniten masaṛṛionto'a pabbawisarane, sarangkanambone si tou maanemma. Etearoddi arangnguangku wuṛṛu hawe'u, ei manga maṛṛualan Yerusalem!

ANTARI MAWANTUGA 6:7

Wambalanu naal᷊ihidda wuan delima niwa'a, uawuni sulal᷊ummu tatindungu.

ANTARI MAWANTUGA 7:9

moṛṛongngu naal᷊ihidda atemangngu anggore! Wala'e anggore udde mangelekka ringannu arangnguangku, ringannu tawe illol᷊one; wuṛṛu mapasabbangngu apulun naungnga, ewe'e lai taumata apan tantal᷊anna mattiilla.

YEHEZKIEL 16:63

I Ya'u sarun mangampunga al᷊awo'u pasasal᷊anu, arawe i'o tawe maabul᷊ine wuṛṛu i'o sarun maapendamma asasili amungkangu mabbisara manga apa. I Ya'u Mawu Apan Atanggaṛṛanne buatte nabbisara.”

IMAMATTA 14:4

imam mandolokki tou mangapiddu darua manu'u winalanganna apan ta'e wiakka wuṛṛu tawe ipappalli, ringannu sampoto alu cemara, sambua tal᷊i maṛṛamu wuṛṛu sandanna hisop.

IMAMATTA 14:6

Manu'a sambau lai ringannu alu cemara, tal᷊i maṛṛamu wuṛṛu sandanna hisop ṛinone iammo sulal᷊ummu daṛṛan manu'u winalanganna apan buatte nipototta.

REENGANNA 19:6

Wua'udde imam ṛinone manganu addio'a alu aras wuṛṛu tal᷊i maṛṛamu sambua, ana see ituntungnga sulal᷊ummu putungnga apan tantal᷊anna mannutungnga sapi maṛṛamu udde.

REENGANNA 4:8

I mangitou ṛinone manaappa sarangkanambone udde ringannu sambau mal᷊aṛṛenessa maṛṛamu, ana see mamataddu sangkul᷊appa pisi al᷊ussa su wowone, wuṛṛu manuṛṛin alu papasannu medda udde.

MATIUS 12:35

Taumata apan mapia mannaggon inolaanna apan mapia, ana waugu i tou napenen apapia.

LUKAS 4:22

Manga wisara apan niwisara-Ne mapia atonna, na'oman sara i mangitou naherangnga wuṛṛu lapiddu nanamba'a si Tou. I mangitou nabbisara, “Wal᷊inewe i Tou indi ana'i Yusuf?”

EFESUS 4:29

Amungkangu i yamiu maggahatto, arie mappaattu wisara lal᷊eo. Pappaatten manga wisara apan mannantiro wuṛṛu mantul᷊ungnu taumata waine. Manga wisara ereudde sarun mapaarantan apapia su manga taumata apan naddaringikka.

KOLOSE 4:6

Ṛinone manga inolaanna apan iwabbisaran kamiu sidutu maal᷊uassa wuṛṛu apangimananna. Ṛinone i yamiu maasingkata ereapa ṛinone i yamiu sumimbakka manga aiwal᷊on taumata.

IBRANI 9:19

Paarorone atonna i Musa namasingkatu anambon titan Ruata su walahannu Israel. Wua'udde i Musa nanganu ṛaṛṛan ana'u sapi wuṛṛu ṛaṛṛang kambinga esakka, see nillo'annu ua'e, wua'udde nialassa su Wuke Manga Titan Ruata wuṛṛu su anambon walahannu Israel ringannu nappaattu nannal᷊o hisop wuṛṛu wambul᷊un domba lihidde ere ate.

YOSUA 2:18

Tumba'u indi apan ṛinone olaannu. Amungkangu yami mamangalote wanuanu, ṛinone i'o mangiitu tal᷊i maṛṛamu su sungketa indi su tampa iambua nisossoka. Hagurangngu, tuṛṛa-tuṛṛangu anambon ṛuangannu amonannu iamangu ṛinone iammula su wal᷊enu indi.