ANTARI MAWANTUGA 4:12 - WUKE SUSI WATTI'U AL᷊AL᷊USASSA

¹² Arangnguangku udde wailla pia tatandange, wailla pia tatandange, al᷊imatan kua'e ua'unsi.

ANTARI MAWANTUGA 4:12 Iomraidhean Croise

PANDARIADDI 29:3

Amungkangngu anambon ammul᷊annu ambinga domba su tampate udde, manga mallal᷊u'adda mannal᷊inggin batu su sandiṛṛanne, ana see ambinga domba udde iapaa'inumma. Wua'udde manga mallal᷊u'adda makkapingnga paṛṛihi udde apia.

ANTARI MAWANTUGA 4:9

I'o maatuno naungku, tuari, pare'u, i'o maatonu naungku ringannu aellegu, ringannu permata maṛṛansanga su wul᷊elenu.

ANTARI MAWANTUGA 6:11

I ya'u nirumanta su wawail᷊annu nakki, ma'ellega manga wantin bunga su wawal᷊anne; tanne punnu anggore piate lal᷊uwone, wuṛṛu punnu delima nakkuangke.

ANTARI MAWANTUGA 6:2

Arangnguangku inai aroddi su wawail᷊anne, watukku waillu rampa-rampa inai lai mallu'adda manga domba su wailla, wuṛṛu manappo manga hal᷊ohomma.

YESAYA 58:11

I Ya'u sidutu sarun ua'ehetta si yamiu wuṛṛu mallaidda si yamiu su leta'a apan mamara; i Ya'u sarun mandiaga si yamiu tadea'u sidutu sehatta wuṛṛu matohassa. I yamiu sarun maola'a ere wawail᷊anna apan nasuungnga ua'ene, ere al᷊imatang kua'e apan tawe mamara.

YEREMIA 31:12

Watukku Wuiddu Sion i mangitou sarun dumanta ringannu hati apan matilangnga, lapiddu mangngantari ringannu lullala'a ana waugu anambon aonggo-U si mangitou, eteudde gandumma, lana, anggore, sapi wuṛṛu domba. I mangitou naal᷊ihidda wailla apan ua'ene natimu, tawe atalannu apa-apa.

HOSEA 6:3

Ana waugu udde wette i ite mattinsahadde atonna-tonna ma'illal᷊a Mawu. I Tou sarun dumanta ringanni ite ere darantan matannallo, wuṛṛu ere uranna apan maṛṛolo runia su panguddusannu tempon urana.”

1 KORINTUS 6:13

Piaddu lai mabbisara manungku anna tumba'u hunane su tianna, wuṛṛu tianna nissaddia pangadoannu anna. Arawe itarua udde tawe ipaattu Ruata. Wadangngu taumata tawe wotongnge ipaatta ipa'ola'a sandaga, ewe'e tumba'u hunane ipamantuga Ruata. Wuṛṛu Mawu sarun mappadul᷊i wadangnga udde.

1 KORINTUS 7:34

apanganne ṛingiṛṛanne natahia. Sangkatou wawine apan tawe awingnge, ara'e sangkatou maṛṛuala, sarun maṛṛingidda manambo su ola'u Mawu, ana waugu i tou maapulu tadea'u wadangnge sarangkanambone maola'a pussa'an Duata. Arawe sangkatou wawine apan piate awingnge, manidutun ṛingiṛṛanne su ola'u paddarunia indi, ana waugu i tou maapulu malluassa naungngu awingnge.

2 KORINTUS 1:22

Ana waugu udde Ruata suete nanga'u si ite maola'a pussa'a-Ne wuṛṛu mangonggolu Ghaṛṛaho-Ne sulal᷊ummu naungngi ite, apan maola'a sambau wataṛṛu manungku i Tou sarun mangonggolu si ite sarangkanambone apan suete pina'iren Tou.

EFESUS 1:13

I yamiu lai buatte naola'a al᷊aṛṛana'u Ruata su tempo i yamiu naaringikka tanatan Duata, eteudde Watti'u Al᷊al᷊uassa apan nangonggolu asasal᷊amatta si yamiu. I yamiu mangngimanna Mawu Yesus Kristus, ana waugu udde Ruata nangonggolu tatiala pussa'a-Ne si yamiu, eteudde Ghaṛṛaho-Ne apan buatte pina'ire-Ne.

EFESUS 4:30

Arie mapaasusa naungngu Ghaṛṛahon Duata. I yamiu suete nissaṛṛani ringannu Ghaṛṛahon Duata. Ghaṛṛaho udde lai maola'a sambau wataṛṛu manungku Allon Paddarame sarun rumanta ringanni yamiu.

SONDAPPA 21:27

Arawe taumata apan inolaanne ma'arantina, ara'e taumata taṛṛa wahia – aunne al᷊awo'u alal᷊eo, tawe maasutta sulal᷊umme. Apan botongnge maasutta tumba'u taumata apan aranne uawoṛṛetta sulal᷊ummu Wuken Taumata Wiakka, Wuken Ana'u Domba udde.

SONDAPPA 7:3

Mala'ekatta udde nabbisara, “Paal᷊iwue'o manggohakku ammaranne ara'e tahal᷊oangnga, ara'e manga aaluanna amungkangu yami taambe nangonggolu tatiala segele su pakkanu manga allangngu Ruatang kite.”