ANTARI MAWANTUGA 3:2 - WUKE SUSI WATTI'U AL᷊AL᷊USASSA

² I ya'u mappulute mapu'o wuṛṛu mamal᷊iwutta soa, mamal᷊intaddu anambon dal᷊anna wuṛṛu pappisu'anne. I ya'u mappulute maddea'a tatuno naungku; nireaangku i tou, arawe tawe gunane.

ANTARI MAWANTUGA 3:2 Iomraidhean Croise

AMSAL 8:34

Lal᷊umanna'a su taumata apan maddaringikka si ya'u apan mamiallo ua'ianna su ngaran bal᷊e'u, wuṛṛu uariaga su ngara wahewalla atatanaangku.

ANTARI MAWANTUGA 1:7

Wal᷊oa'e, ei arangnguangku, suapa i'o mallu'adda manga domba, suapa i'o napal᷊allowangi mangitou sutempo wawallo? Ṛatadde i ya'u sarun maola'a ere mamamal᷊intadda suwallattu ammul᷊annu domban manga hawenu?

ANTARI MAWANTUGA 3:3

I ya'u niasangkal᷊annu mandariaga soa, wuṛṛu ta'u niiwal᷊oanna, “Apa i'o naasilo tatuno naungku?”

ANTARI MAWANTUGA 5:5

Ne i ya'u nabbangunte mamu'ate ngara suttannu arangnguangku. Mur tutturo wuassu lima wuṛṛu manga tal᷊imaddo'u, naṛṛolo pangagasannu papal᷊en ngara.

YESAYA 64:7

Taweddu niumal᷊iomanna Si'o, ara'e maddorongnga a'ontolla Si'o, ana waugu I'o mammunin hati-Nu si yami, wuṛṛu namalang kami pappateannu rosang kami.

YEREMIA 5:1

Ei tumana'u Yerusalem, pal᷊intara'o manga lal᷊anna su soanu! Rea'ete su al᷊awo'u tampa, wuṛṛu ellehete sassane. Parikisete su leta'a mal᷊alangnga soa suapane apan pia sangkatou taumata apan matul᷊idda apan mattinsahadda tadea'u satia su Ruata. Amungkangngu pia, ne Mawu sarun mangampungnga Yerusalem.

YOHANES 1:6

Nirumantate taumata apan nirolokku Ruata, aranne i Yohanes.

ROMA 13:11

Su liuddu sarangkanambone udde i yamiu maasingkata manungku tempo indi eteudde temponu mapu'o wuassu atatiilla. Ana waugu tempone i ite iapaasal᷊amatta maranite orassa indi, wuassu i ite wakkute mannattaka mangngimanna.

1 KORINTUS 15:34

Atimpu'ote orassa indi, wuṛṛu ariete lai ma'ola'a rosa. I yamiu ṛinone masili, manungku su wallatti yamiu piaddu taambe naaillal᷊a Ruata.

EFESUS 5:14

Ana waugu anambon apa apan aasiloanna ringannu matilangnga, eteudde asasemakka. Ana waugu udde suete niwisara, “Apu'ote, i'o apan mattiilla, wuṛṛu pabbangunte wuassu papate! Kristus sarun lumansiangnga si'o.”