ANTARI MAWANTUGA 3:11 - WUKE SUSI WATTI'U AL᷊AL᷊USASSA

¹¹ Sabbangke, ei manga maṛṛualan Sion, pa'ellege si Ratu Salomo ringannu mahkota apan niluṛṛen inangngene, su allo nipaawinganne, su allo i tou lulluassa.

ANTARI MAWANTUGA 3:11 Iomraidhean Croise

DARALO 48:11

Aran-Nu tinumelenga wuṛṛu raddaloannu ahewallu runia, I'o mammarenta ringannu atatul᷊idda.

DARALO 9:14

Pa'ellege, seetta mannansara si ya'u; akkanaawe i ya'u, oh Mawu, liuaawe i ya'u wuassu papate,

ANTARI MAWANTUGA 1:5

Salaiwe ma'itumma, i ya'u maṛṛamaga, ore manga maṛṛualan Yerusalem; ma'itumma ere manga rasannu Kedar, arawe maṛṛansangnga ere manga pampele su wal᷊en araratuanni Salomo!

ANTARI MAWANTUGA 2:7

Paddiandite, ei manga maṛṛualan Yerusalem, ringannu manga rusa wuṛṛu manga kijangnga su wadda'a, manungku i yamiu tawe manal᷊asa'u paapulu, ma'oman sara i tou iapa'ualla.

ANTARI MAWANTUGA 7:11

Weette iaddua inaite watukku wadda'a, arangnguangku, wuṛṛu manaṛṛabbi si wailla su pattangngannu manga bunga soṛṛongu manu'a.

ANTARI MAWANTUGA 8:5

Isaite udde apan nirumanta wuassu wadda'u anne, uasandakka su tunanangane? Ta'u nipu'o i'o su al᷊ungngu punnu apel, sutampa i'o su illoṛṛo wuṛṛu niasungkanga.

YESAYA 4:4

Ringannu taṛṛino-Ne Mawu sarun makkuungnga wuṛṛu mamaresi uman-Ne. I Tou sarun mamaresi Yerusalem wuassu daṛṛa manga taumata apan nipate su soa udde.

YESAYA 53:11

Ana waugu udde Mawu nabbisara, “Napawe buatte natataṛṛangnga sansara i tou sarun su lal᷊umanna'a wuṛṛu ma'al᷊uassa. Allang-Ku udde, apan ma'al᷊uassa naung-Ku, buatte namasanna ṛuumannu taumata nambo; sulal᷊ummi tou i Ya'u sarun mangampungnga si mangitou.

YESAYA 62:5

Ere sangkatou umbasanna nattunanga ana'a maṛṛuala, etearoddi Mandariaddinu sarun ma'awingngu. Ere sangkatou esakka mal᷊uassa naungnge ma'asilo awingnge, etearoddi Ruata sarun mandangngu si'o.

YESAYA 9:6

I Tou mamarenta maola'a sangkatou ratu papulunni Daud, taṛṛinone tumaniten bahewalla. Wanuane sidutu su paddarame wuṛṛu su lal᷊umanna'a; pamamarentane nirapappakka su tita wuṛṛu atatul᷊idda orassa indi maddatingngu mal᷊annu-l᷊annu. Mawu Apan Lembontaṛṛino sarun manuungngu udde.

YEREMIA 2:2

mangal᷊iatan batti'a indi su anambon taumata su Yerusalem, “Ei Israel, i Ya'u mannaungnga i'o aroddi asatiane sutempo i'o ta'e dario'a; aroddi ahewalle darangngunu sutempo i ite buatte naawingnga. Watukku wadda'u anne i Ya'u tatantalongannu u'amatta su wageangngu leta'a apan tawe nisuananna.

YEREMIA 32:41

I Ya'u sarun mal᷊uassa ma'ola'a apapia si mangitou, wuṛṛu ma'ola'a si mangitou matatana'a su wanua indi saran mal᷊annu-l᷊annu.

ZEFANYA 3:17

I yamiu lal᷊u'arannu Mawu Ruatannu apan matohassa. I yamiu naauntungnga ana waugu taṛṛino-Ne. Mawu lullassa wuṛṛu lullala'a ana waugu i yamiu, sulal᷊ummu darangngu-Ne i yamiu mabbiakka wakku. Ana waugu i yamiu, i Tou mangngantari lulluassa.

ZAKARIA 6:11

Wuassu wul᷊awanna wuṛṛu sal᷊a'a aonggolli mangitou udde, pa'ola'e sambau mahkota wuṛṛu luṛṛea'e su pua Imam Bahewa Yosua ana'i Yozadak.

MATIUS 12:42

Su tempo Allong Kiamatta, ratu wuassu wanuan Timukka sarun mabangunna su sampunna ringannu manga taumatan tempo indi wuṛṛu mapaasal᷊a mangitou. Ana waugu tadea'u maddaringikka al᷊aṛṛa'i Salomo apan pande, ratu udde na'ola'a amatanna apan marau atonna wuassu pentakku runia. Arawe isindi orassa indi piaddu maggewal᷊anne wuassi Salomo!”

LUKAS 15:32

Arawe i ite sarun ma'andeangnga wuṛṛu lumuassa ana waugu tuarinu udde natete, arawe orassa indi nabbiakke apia; i tou nawul᷊ite, arawe orassa indi nawelengke apia.’ ”

YOHANES 15:11

Sarangkanambone indi Ta'u iapaasingkatta si yamiu, tadea'u al᷊al᷊ua-U mangke pia sulal᷊ummu naungngu, wuṛṛu al᷊al᷊uannu maola'a masuungnga.

YOHANES 3:29

Ma'a'awingnga wawine tatahuanannu ma'a'awingnga esakka. Hawe maa'awingnga esakka udde tumba'u uarisikka su sandiṛṛanne wuṛṛu uararingikka, wuṛṛu i tou lulluassa napawe naaringikke tingikku maa'awingnga esakka. Aroddi lai ya'u. Orassa indi ya'u lembon lulluassa.

KOLOSE 1:18

Ete i Tou tembonannu wuassu wadang-Nge, eteudde jamaatta, ana waugu ete i Tou punnu pabbawiakku jamaatta udde. Ete i Tou Ana'a pahul᷊une, apan paarorone niapaawiakka apia wuassu papate, tadea'u i Tou sassane apan maola'a apianne wuassu al᷊awo'u riadianna.

IBRANI 13:13

Ana waugu udde, wette i ite inai ringanni Tou su liuddu padasananna wuṛṛu mamendama aal᷊uandaga suadio'a ringanni Tou.

IBRANI 2:9

Arawe i ite suete naasilo Mawu Yesus uataṛṛino! I Tou niwawo adio'a wuassu mala'ekatta tumba'u tal᷊ang kadio'a, tadea'u su apapia naungngu Ruata i Tou wotonge mate ana waugu anambon taumata. I ite ma'ellega i Tou orassa indi nionggol᷊annu aiananna apan mawantuga wuṛṛu lembon aaddatanna, ana waugu i Tou suete natataṛṛanga na'oman sara nate.

SONDAPPA 1:7

Pa'ellega i Tou rumanta sulal᷊ummu winabbawa! Anambon taumata sarun ma'ellega si Tou, nasutta i mangitou lai apan nangusu'a si Tou. Anambon walahanna su runia sarun lumal᷊on Tou. Ore, Atonna! Amin!

SONDAPPA 19:12

Mata-Ne naal᷊ihidda ṛenggamu putungnga wuṛṛu su pua-Ne i Tou ual᷊uṛṛe manambo araposan araratuanna. Su wada-Nge uawoṛṛetta sambau aranna; wuṛṛu tumba'u i Tou sassane masingkatu aranna udde.

SONDAPPA 19:7

Wette i ite lumala'a wuṛṛu lumuassa; wette i ite maddalo awawantu-Ge! Ana waugu nia'omante allong kawingnga apan uaaggasa arannu Ana'u Domba udde, wuṛṛu pare-Ne nasaddiate iawingnga si Tou.