ANTARI MAWANTUGA 1:4 - WUKE SUSI WATTI'U AL᷊AL᷊USASSA

⁴ Pandiahite i ite, ore ratu'u, apira'e i ya'u sulal᷊ummu wabbo'anu. Ana waugu I'o i yami sarangkanambone lullassa, wuṛṛu maddalo darangngunu nilumebbe wuassu anggore; naṛṛinote manga maṛṛuala maapulunu!

ANTARI MAWANTUGA 1:4 Iomraidhean Croise

DARALO 111:4

Mawu udde marangngu wuṛṛu maakkanna, i Tou ma'ola'a manga inolaanna apan maatiangnga, tadea'u i ite sidutu uanaung-Nga.

DARALO 119:32

Ringannu mal᷊uassa i ya'u sarun maddaringikka parenta-Nu, ana waugu I'o na'ola'a si ya'u lembon maasunna.

DARALO 119:60

I ya'u uasasaṛawutta wuṛṛu tate maṛṛaddo mappaamattu parenta-Nu.

DARALO 149:2

Lallala'e, ei Israel ana waugu Mandariaddinu; lalluasse, ei tumana'u Sion ana waugu Ratunu!

DARALO 42:4

Allo ṛabbi i ya'u lulluai, anna si ya'u tumba'u allon mata. Su al᷊o'engngu allo see'u maiwal᷊o, “Suapate Ruatanu?”

DARALO 48:9

Ere lai niaringiṛanni ite, orassa indi i ite naasilote, su Soan Mawu Apan Lembontaṛṛino. Soa uddewe Soan Ruatan kite, I Tou mannamba'a saran al᷊annu-l᷊annu.

DARALO 63:5

Su al᷊o'engngu pabbiaṛṛangku i ya'u maadiangkamanna Si'o; lima'u niwatte Si'o lapiddu u'al᷊iomanna.

ANTARI MAWANTUGA 3:4

Wakkute ta'u nitantangnga i mangitou, i ya'u massomba tatuno naungku. Aagasangku i tou, wuṛṛu tawe ta'u ipallossa na'oman sara ta'u niapidda su wal᷊en mama'u, su wabbo'an taumata apan nanungkangku.

ANTARI MAWANTUGA 4:10

Atemangnga eteapa apulunu, tuari, pare'u, mattemanganna marau wuassu anggore. Lananu mawangngi mammammu'a, nanampal᷊iu wuassu al᷊awo'u hatin rampa.

YESAYA 25:8

Mawu Apan Lembontaṛṛino sarun makkimunsa'a papate saran mal᷊annu-l᷊annu! I Tou sarun mamedda allo mata wuassu al᷊awo'u hatin taumata, wuṛṛu mapaaraun asasusa apan papasannanannu uman-Ne su ahewallu runia. Mawu buatte nabbisara, wuṛṛu olangnge udde sarun mariaddi.

YESAYA 45:25

Arawe papapulunni Yakub sarun iapaasal᷊amatta, wuṛṛu i mangitou sarun maddalo si Ya'u, Mawu.

YESAYA 61:3

hunan ipangonggollu al᷊al᷊uassa wuṛṛu lal᷊ala'a su taumata apan massusa wuṛṛu lullal᷊o; hunan ipamal᷊u asasusan mangitou maola'a aantarin daralo. I mangitou sarun maola'a ere alu apan nisuannu Mawu sassane. I mangitou sarun pia pallal᷊aghu mapia wuṛṛu naṛṛino, na'oman sara Mawu sarun bantuhanna.

YESAYA 63:7

I Ya'u indete mabbatti'u darangngu Mawu wuṛṛu maddalo si Tou ana waugu al᷊awo'u inolaan-Ne. Ringannu nilumambalanna i Tou nangal᷊amatta uman-U, ana waugu i Tou marangngu wuṛṛu darangngu-Ne tawe panguddusanne.

YEREMIA 31:3

wuassu marau i Ya'u naipasilon batangang-Ku si mangitou. Ei umattu Israel, ro'en dorone i Ya'u sidutu mandangngu si yamiu, wuṛṛu sarangkal᷊o'enge i Ya'u sidutu mappal᷊iatta'a manungku i Ya'u sidutu marangngu si yamiu.

HOSEA 11:4

Ringannu al᷊awo'u darangngu-U, i Tou Ta'u niundani ringang-Ku. Al᷊awo'u asasusane Ta'u niapaṛṛanna, wuṛṛu ringannu awawawon naungngi tou Ta'u nionggol᷊annu anna.

ZEFANYA 3:14

Ei Israel, paggiote wuṛṛu pangantarite! Ei Yerusalem, lalluasse ringannu ahewallu naungnga!

ZAKARIA 9:9

Ei tumana'u Sion, lalluasse! Ei tumana'u Yerusalem, paggiote! Pa'ellege! Rutunu nirumanta ringannu auntunganna! I tou ratu matul᷊idda apan uaapiddu asasal᷊amatta. Arawe ringannu napenen asasaṛṛionto'u naungnga i tou nirumanta uasa'e keledai, sambau keledai saṛṛen tumuwo.

MATIUS 25:10

Ne manga maṛṛuala apan boddo udde inaite namalli lana. Tantal᷊anna inaiaroddi, nirumantate ma'a'awingnga esakka. Sire lima maṛṛuala apan nasaddiate udde sinumuttate su sampunna ringannu ma'a'awingnga esakka su tampan andeangnga, wuṛṛu ngara niṛṛuudde!

LUKAS 2:10

Arawe mala'ekatta udde nabbisara, “Arie pa'ata'utta! Ana waugu i ya'u nirumanta uaapiddu Watti'u Al᷊al᷊uassa si yamiu – watti'a apan maal᷊uassa anambon taumata.

LUKAS 22:19

Wua'udde Mawu Yesus nanganute roti. Wuṛṛu napawe suete na'adiangkamanna, i Tou nattahiate roti udde ringannu lima-Ne, see nionggolla si mangitou, wuṛṛu nabbisara, “Ete indi wadang-Ku [apan tinantilla ana waugu i yamiu. Ola'e indi maola'a sambau pananaunganna si Ya'u.”

YOHANES 12:32

Arawe i Ya'u indi, amungkangngu i Ya'u suete niruitta su wowon runia, i Ya'u sarun mamago anambon taumata rumanta ringang-Ku.”

YOHANES 6:44

Tawe saran sangkatou maaranta ringang-Ku, amungkangngu Iamangnga apan nandolo-U tawe mangapiddi tou ringang-Ku; wuṛṛu isai apan rumanta, sarun Ta'u iapaasengkengnga su Allong Kiamatta.

EFESUS 2:6

Ana waugu i ite uaaukka ringanni Kristus Yesus, Ruata napaawiakki ite apia su sambau ringanni Tou, tadea'u i ite mamarenta lai suadio'a ringanni Tou sulal᷊ummu surga.

EFESUS 6:24

Sal᷊andeanna Ruata sarun mangal᷊amatta si yamiu sarangkanambone apan mandangngu Mawun kite Yesus Kristus ringannu darangngu apan tawe masue. Tabea wuassi yami, Paulus

FILIPI 3:3

Sumbal᷊i ete i ite manga taumata apan suete nanarimmattu sunatta apan tutune, wal᷊inewe i mangitou. I ite massubba Ruata ringannu aehettu Ghaṛṛahon Duata sassane, wuṛṛu i ite maadiangkamanna ana waugu i ite mabbiakka su sambau ringanni Kristus Yesus. I ite tawe uatundeeta su manga inolaanna apan a'olaannu taumata.

FILIPI 4:4

Antimanna i yamiu sidutu lulluassa ana waugu i yamiu suete nabbiakka su sambau ringannu Mawu. Paassa lai ya'u mabbisara: lalluasse!

IBRANI 12:1

Ne, su ola'i ite sassane, uapaal᷊iwutta si ite manambo atonna mattatiala! Ana waugu udde wette i ite mandammen anambon apa apan mammakkata si ite wuṛṛu rosa apan sidutu uareeta si ite. Wuṛṛu wette i ite ringannu ma'udduppa sumutta su pattalumanna apan sasaruannani ite.

1 PETRUS 1:8

I yamiu marangngu si Tou, salaiwe dorone i yamiu tawe naasilo si Tou. Wuṛṛu i yamiu mangngimanna si Tou, manimbe orasa indi yamiu tawe maasila si Tou. Ana waugu udde i yamiu lulluassa, wuṛṛu uapaendama lal᷊ala'a apan mahewa wuṛṛu tawe iawisara.