AMSAL 7:2 - WUKE SUSI WATTI'U AL᷊AL᷊USASSA

² Paatuṛṛute manga tatagu'u tadea'u i'o mabbiakka su lal᷊umanna'a. Pallaṛṛenggente manga al᷊aṛṛa'u mapia-pia ere i'o ual᷊u'adda ana'u matanu sassane.

AMSAL 7:2 Iomraidhean Croise

DARALO 119:144

Parenta-Nu sidutu matul᷊idda; i ya'u onggol᷊eten pasasunna tadea'u i ya'u sidutu wiakka.

DARALO 17:8

Paddul᷊ianewe i ya'u naal᷊ihidda ana'u mata-Nu, wuniaawe i ya'u su al᷊ungngu papaiddu Mawu

AMSAL 4:13

Paanaungete sidutu al᷊aṛṛa'a apan buatte nisengkammu wuassia'u. Pal᷊u'are udde mapia-pia, ana waugu ringannu al᷊aṛṛa'a udde pabbiaṛṛannu pia hessine.

AMSAL 4:21

Ariewe paddammea'a, ewe'e sahipunte sidutu sulal᷊ummu naungngu.

AMSAL 4:4

i ya'u aaṛṛannu iamangku. I tou mabbisara, “Paanaungete manga tatantiro'u, imbaṛṛangnga i'o maabul᷊ine. Amata'e manga tatantiro'u tadea'u i'o sidutu mabbiakka su lal᷊umanna'a.

YESAYA 55:3

Paddaringikke, ei pabbawala-U, rantate ringang-Ku, i yamiu sarun Ta'u onggol᷊annu wiakka tutune. Ringannu darangngu wuṛṛu tatuṛṛutta apan pina'ire-U si Daud, i Ya'u nangiittu riandi apan tawe auddusanne si yamiu.

YEREMIA 38:20

“Tawe,” sasimba'u, “I Tuangnga tawe itantilla si mangitou. I ya'u mangke sumal᷊ande tadea'u i Tuangnga tumuṛṛutta tanata Mawu; sal᷊immurine sarangkanambone maola'a ringannu mapia, wuṛṛu i Tuangnga tawe pateanna.

IMAMATTA 18:5

Paatuṛṛutte manga atoranna wuṛṛu manga tita apan Ta'u nionggola si yamiu. Amungkangngu i yamiu na'ola'a aroddi, wiakku masal᷊amatta. Ete i Ya'u Mawu.”

ZAKARIA 2:8

Isai apan mamangalo si yamiu, namangalo tatuno naungku.” Ne Mawu Apan Lembontaṛṛino nandalo'u mamasingkattu tanata indi su manga walahanna apan buatte nangaṛṛo uman-Ne,

YOHANES 14:21

Taumata apan tuttuṛṛutta manga parenta-U wuṛṛu ma'ola'a, i tou marangngu si Ya'u. Iamang-Ku sarun mandangngu taumata apan mandangngu si Ya'u. I Ya'u lai sarun mandangngu taumata udde wuṛṛu mapaal᷊iatta'u riri-U si Tou.”

YOHANES 15:14

Ete i yamiu manga hawe-U, amungkangngu i yamiu tuttuṛṛutta apa apan ipaparenta-U si yamiu.

TAHIUL᷊E 32:10

I Tou naaratingnga si mangitou tantal᷊anna lullalele su tampa apan mal᷊annaba su wadda'a mal᷊alangnga. Ana see i Tou nallu'adda wuṛṛu nappadul᷊i si mangitou wuṛṛu nandiaga si mangitou naal᷊ihidda pussaa-Ne.

SONDAPPA 22:14

Lal᷊umanna'a su taumata apan nabbansala jubahne na'oman sara nawaresi, ana waugu i mangitou wotongnge umanna wuassu alum pabbawiakka wuṛṛu sumutta sulal᷊ummu soa udde sumabbi ngarane.