AMSAL 27:3 - WUKE SUSI WATTI'U AL᷊AL᷊USASSA

³ Watu wuṛṛu anne udde ta'e maṛṛanna, amungkangngu isumandingngu taddu'u naungnga apan niaparantan taumata woddo.

AMSAL 27:3 Iomraidhean Croise

PANDARIADDI 49:7

Niawontohante asasa'u mangitou, ana waugu ete pia lembone. Niawontohante asasa'u mangitou ana waugu tumaniten maṛṛagissa. I ya'u sarun mapaatal᷊ei mangitou su ahewallu Israel. I ya'u sarun manal᷊iawukki mangitou su wallatu anambon balahanna.

AYUB 5:2

Tumba'u ete taumata woddo apan mattate ana waugu asasusan naungnge.

AMSAL 12:16

Amungkangngu taumata woddo umal᷊udda orassa udde lai i tou mamasingkattu taddu'u naungnge; arawe taumata pande tawe pandumme salaiwe i tou al᷊uandahanna.

AMSAL 17:12

Mapianne massomban inangngu beruangnga apan niawul᷊iannu anangnge, wuassu ringannu taumata woddo apan niumal᷊iwun awawawoddone.

AMSAL 27:2

Imbaṛṛangnga maddalo watangannu sassane; tanasa'e taumata waine apan ma'ola'a olangnge udde, ewe'e lai iapa awaganannu.

AMSAL 27:4

Asasa'u udde maṛṛaggissa wuṛṛu maasongkakka, arawe sumaruanna lu'adda isai maataṛṛangnga?

DANIEL 3:19

Ne sinumabbangke asasa'un Ratu Nebukadnezar su saruanni Sadrakh, Mesakh wuṛṛu Abednego, na'oman sara hatine maṛṛamutta. I tou namarenta tadea'u pandu'a olaanna paapitu al᷊osone wuassu wiasane.

REENGANNA 22:27

Naasilo mala'ekattu Mawu, keledai udde nirumaramangnga. I Bileam nandona wuṛṛu nanassaku ta'inna su keledai udde.

1 YOHANES 3:12

Ariewe i ite ere Kain, apan naola'a ana'u Setanna wuṛṛu namate tuṛṛangnge sassane. Anio Kain namate tuṛṛangnge? Ana waugu manga inolaanna apan niolange udde nassal᷊a, arawe inolaannu tuṛṛange udde naṛṛino.