AMSAL 24:12 - WUKE SUSI WATTI'U AL᷊AL᷊USASSA

¹² I'o wotongnge mabbisara, “Udde wal᷊ine manara'u.” Arawe Ruata ual᷊u'adda si'o. I tou masingkatta wuṛṛu makkungnga ṛingirannu. I tou mabbal᷊issa taumata tumuṛṛuttu inolaanne.

AMSAL 24:12 Iomraidhean Croise

AYUB 34:11

I Tou manggesekka taumata uasul᷊ungngu inolaanne, makkungnga si tou uasul᷊ungngu pallal᷊aghune.

DARALO 121:3

I Tou tawe mamalanu manawo, mallal᷊u'addu sidutu uariaga.

DARALO 121:8

I Tou ual᷊u'adda si'o sutempo i'o rumanta wuṛṛu mapul᷊e, orassa indi sarun mal᷊annu-l᷊annu.

DARALO 17:3

Amungkangu I'o manal᷊u'atta naungku wuṛṛu rumanta manaṛṛassida si ya'u sutempo ṛabbi, I'o sarun maasingkatta manungku naungku matul᷊idda; wisara'u nassul᷊ungngu ṛingirangku.

DARALO 44:21

Unnu wisara i yami tate lai massubba Ruata, ewe'e u'al᷊iomante su mawu waine,

DARALO 62:12

Paapirate i ya'u naaringikka Ruata mabbisara manungku taṛṛino darantane wuassi Tou,

DARALO 66:9

I Tou buatte nallu'adda si yami tadea'u sidutu wiakka, wuṛṛu tawe namalan kami manawo.

DARALO 7:9

I'o makkungngu umattu taumata; i ya'u onggol᷊eten atatul᷊idda, oh Mawu, ana waugu i ya'u tawe sal᷊ane.

DARALO 94:9

Ruata apan na'ola'a tal᷊inga, apa i Tou tawe maaringikka? I Tou apan na'ola'a mata, apa i Tou tawe maasilo?

AMSAL 12:14

Suapan taumata maasomba lal᷊antakku manga wisara wuṛṛu inolaanne; sangkatou-sangkatou onggol᷊annu wawal᷊inne ere buatte niolangnge.

AMSAL 16:2

Suapan inolaannu taumata asinungka mapia su aellegu matane sassane, arawe tumba'u Mawu apan manantunnu pandumannu naungnge.

AMSAL 21:2

Suapan inolaannu taumata asinungka mapia sulal᷊ummu aellege sassane, arawe tumba'u Mawu apan masingkattu naungnge.

AMSAL 5:21

Mawu maasilo al᷊awo'a apan a'olaannu taumata. Suapan taumata umamatta Mawu ual᷊u'adda.

AMSAL 5:22

Rosan taumata lal᷊eo udde ere sedda apan ipannongnga taumata udde sassane.

MANNANASE 5:8

Ewe'e wiakku ratu lai uaantimma hessin pangitinganna.

YEREMIA 17:10

I Ya'u, Mawu, mannaṛṛassidda naungnga, naungngu taumata Ta'u i uji. Suapan taumata sarun Ta'u wal᷊isanna tumuṛṛuttu pallal᷊agune, wuṛṛu Ta'u olaanna uasul᷊ungngu inolaanne.”

YEREMIA 32:19

Manga ṛiin-Nu tawe sul᷊ungnge, wuṛṛu manga inolaannu maatiangnga; I'o maasilo al᷊awo'a apan a'olaanu taumata, wuṛṛu mabbal᷊issa si mangitou uasul᷊ungngu inolaanni mangitou.

LAL᷊ALLU 3:36

ana waugu atatul᷊idda niwal᷊elongnga, Mawu sarun maasingkatta wuṛṛu uatantannudda.

DANIEL 5:23

Tuangku mammungan batanganne su saruannu Mawu su surga wuṛṛu waṛṛani mandolokka mangapiddu manga mangko apan buatte niaṛṛo wuassu Wal᷊en Mawu. Ana see Tuangku wuṛṛu manga tembonanne, manga awingnga wuṛṛu manga nia'in Tuangku na'inumma wuassu manga mangko wul᷊awanna, sal᷊a'a, witu'a atta'a, alu wuṛṛu watu, manga monganna apan tawe maasilo ara'e maaringikka ara'e tawe maasunna. Tuangku tawe mangaddatta Ruata apan mannantunnu pabbiarṛṛanna wuṛṛu papaten tuangku manantunnu amatannu pabiaṛṛanni Tuangku.

MATIUS 16:27

Tate mal᷊annu lai Ana'u Taumata, su sampunna ringannu manga mala'ekanNe, sarun dumanta ringannu taṛṛinon IamangNge. Su tempo udde i Tou sarun mabbal᷊issa manga taumata tumuṛṛuttu inolaannu sangkatou-sangkatou.

WATTI'U MANGA RASUL 17:28

Ere lai su wisaran taumata, ‘I ite wiakka wuṛṛu u'al᷊ore wuṛṛu uatana'a su runia indi ana waugu taṛṛinon Tou.’ Ere lai iwabal᷊o manga taṛṛa sasanato'i yamiu, i mangitou mabbisara, ‘Ete i ite sarangkanambone udde al᷊aṛṛanang-Nge.’

ROMA 2:16

Ete aroddi sarun mariaddi su allo apan suete tinantunna udde. Su allo udde – tumuṛṛuttu Watti'u Al᷊al᷊uassa apan ta'u niwatti'a – Ruata sulal᷊ummi Yesus Kristus, sarun mamarikissa al᷊awo'u addapingngu naungnga wuṛṛu ṛingiddu anambon taumata.

ROMA 2:6

Ana waugu Ruata sarun mabal᷊issa anambon taumata uassul᷊ungngu inolaanne.

1 KORINTUS 4:5

Ana waugu udde, amungkangu taambe tempone, arie i yamiu mal᷊iha-l᷊ihakka manantunna manungku sangkatou nassal᷊a ara'e tawe. Paṛṛadote Ruata rumanta. Ete i Tou sarun mamu'a al᷊awo'u addapingnga apan uawuni sulal᷊ummu ararandumma. Ete i Tou apan mamongkakku anambon pandumanna apan uawuni sulal᷊ummu naungngu taumata. Su tempo udde suapan taumata wakkute udde maasengkamma daralo wuassu Ruata apan wotongnge sengkamanni tou.

2 KORINTUS 5:10

Ana waugu atonnate i ite sarangkanambone sarun iapaasaruanna pamamarikisanni Kristus, wuṛṛu sangkatou-sangkatou sarun maasomba wawal᷊inne uasul᷊ungngu inolaanne su runia indi – ala'uanna mapia ara'e ala'uanna lal᷊eo.

SONDAPPA 1:18

Ete i Ya'u i Tou apan wiakka! I Ya'u natete, arawe pa'elege, i Ya'u wiakka saran mal᷊annu-l᷊annu. I Ya'u uataṛṛino papate, wuṛṛu su wowon runian taumata nate.

SONDAPPA 2:18

“Su mala'ekattu jamaatta su Tiatira, woṛṛetta'a arendi: Ete indi tanata wuassu Ana'u Ruata, apan mata-Ne lukkenggama naal᷊ihida putungnga, wuṛṛu ledda-Ne lukkena naal᷊ihidda witu'a nitambuna.

SONDAPPA 2:23

Manga mallal᷊aṛṛenggenne sarun Ta'u pateanna lai tadea'u anambon jamaatta maatutukka manungku ete i Ya'u, i Tou apan masingkatu ṛingiranna wuṛṛu naungngu taumata. I yamiu sarun Ta'u wal᷊isanna tumuṛṛuttu inolaannu sangkatou-sangkatou.

SONDAPPA 22:12

“Panutukke indi” wisara Mawu Yesus, “Tate mal᷊annu lai I ya'u sarun rumanta ringannu uaapiddu lal᷊antakke ipabbal᷊issa al᷊awo'u taumata tumuṛṛuttu inolaannu sambau-sambau.

1 SAMUEL 16:7

Arawe Mawu nabbisara si Samuel, “Arie i'o umanggangu al᷊aṛṛamage wuṛṛu wadangnge mal᷊angkassa; wal᷊ine i tou Ta'u pileanna. I Ya'u tawe ma'ellega wa'ikke, arawe i Ya'u ma'ellega naungnge.”

1 SAMUEL 2:3

Illol᷊oa'e tal᷊imoṛṛongannu apan tawe loṛṛone! Insuete hattonu apan mawunga! Ana waugu Mawu udde Ruata apan lembon masingkatta; apan makkuungngu al᷊awo'u inolaannu taumata.

1 SAMUEL 2:6

Mawu wotongnge mamate, i Tou lai mapawiakka. Watukku runian taumata nate i Tou nanossokku taumata. Wuṛṛu ete i Tou lai apan mangal᷊appa wua poiaroddi.

1 SAMUEL 25:29

Unnuwisara pia sangkatou apan mamangalo si Tuangku, ne i Tuangku sarun lu'arannu Ruata ere lai darotongnga apan rariagannu tatahuanne. Arawe seetti Tuangnga sarun iwaretan Mawu marau-rau, iwaretan taṛṛa ali-ali.