AMSAL 23:4 - WUKE SUSI WATTI'U AL᷊AL᷊USASSA

⁴ Imbaṛṛangnga mattinsahadda tadea'u maddea'a maala. Addoa'e apulunu udde.

AMSAL 23:4 Iomraidhean Croise

AYUB 27:19

I tou lullallowangnga naal᷊ihidda taumata ala, arawe i tou tawe mapamelengnga apia, sutempo i tou matimpu'o wuassu matiilla, nawul᷊i nahangginna paa'alane.

AMSAL 15:27

Isai apan maddea'a auntunganna tawe su lal᷊anne, mappasusa, putunganne sassane. Isai maddantinnu roitta aonggolla asogokka, sarun mabbiakka su lal᷊umanna'a.

AMSAL 26:12

Taumata woddo ta'e lai mappianne wuassu taumata apan massunna watanganne pande.

AMSAL 27:24

ana waugu paa'ala tawe mattaṛṛangnga mal᷊annu, ewe'e lai taṛṛino ipamarenta lai sidutu saran mal᷊annu-l᷊annu.

AMSAL 28:20

Taumata matul᷊idda al᷊amatannu Mawu, arawe taumata apan mappulu mal᷊ihakka maala, tawe mal᷊iu wuassu ṛuumanna.

AMSAL 3:5

Pangimante Mawu ringannu ahewallu naungngu, wuṛṛu ariete mangasakku pasasunnanu sassane.

AMSAL 3:7

Arie mangngasakku watangannu mappandeanna wuassu apan suṛṛinone; ewe'e paatuṛṛutta Mawu wuṛṛu pangindaute wuassu al᷊al᷊eo.

MANNANASE 5:13

Arawe darotongnga udde nawul᷊i ana sambau asasilaka, na'oman sara taweddu itantilli tou su manga anangnge.

YESAYA 5:21

Nasilakate i yamiu apan mammendamma watangannu pande wuṛṛu lembon masingkatta!

YEREMIA 9:22

Winal᷊unanna uatal᷊eṛṛonga suapan tampa ere sapadda ua'ombo su leta'a; ere gandumma apan buatte niitingnga ana see nitantangnga wuṛṛu tate lai iammulla. Eteudde tanata Mawu apan ṛinone ta'u iapasingkatta.”

MATIUS 6:19

“Ariewe mangammullu darotongnga hunam badangngu su runia, isudde wiangnga wuṛṛu tain atta'a mandal᷊eo wuṛṛu manana'o rumanta manna'o.

MARKUS 4:19

arawe sussinggawangngu pabbiaṛṛanni mangitou wuṛṛu maapulu mabbiakka lembo nasuungnga. Apulum padarunia sinumuttate sulal᷊ummu naungngi mangitou. Wua'udde watti'u Ruata nawul᷊i wuassu lal᷊ummu naungngi mangitou, na'oman sara tawe nabbua.

YOHANES 6:27

Arie pammanara ipaddea'a anna apan wotongnge masue wuṛṛu mawukku'a. Pammanarate tadea'u maasomba anna apan tawe mawukku'a wuṛṛu apan mangngonggolu wiakka tutune wuṛṛu saran mal᷊annu-l᷊annu. Anna udde sarun ionggolu Ana'u Taumata si yamiu, ana waugu i Tou suete nitenegu Ruata Iamangnga.”

ROMA 11:25

Manga tuṛṛangnga! I ya'u mangantimma yamiu arie mamendamma manungku yamiu masingkaten sarangkanambone. Ana waugu pia sambau apan ipaapulun Duata, arawe taambe niasingkatannu taumata. Wuṛṛu i ya'u maapulu i yamiu maasingkata; eteudde indi: Sangkawageanganna wuassu taumatan Yahudi apan mal᷊awangnga, arawe pallal᷊agu mangitou udde tumba'u ma'oma su tempone, napawe anambon taumata apan wal᷊ine Yahudi apan rudanta ringannu Ruata udde natimute.

ROMA 12:16

Pabbiakke su paddarame sangkatou ringannu waine. Imbaṛṛangnga mamunga, arawe sul᷊unga'a ririnu ere taumata apan manarane mawawo su aellegu awadaalla. Arie mamendamma ririnu apandeanne wuassu ṛinone.

IBRANI 13:5

Imbaṛṛanga wiakku paparentannu awawal᷊iun roitta, arawe ṛinone i yamiu mal᷊uassa ringannu saranapa apan tatahuananni yamiu. Ana waugu Ruata suete nabbisara, “I Ya'u tawe mapaawalanu ara'e manantangi yamiu.”