AMSAL 21:12 - WUKE SUSI WATTI'U AL᷊AL᷊USASSA

¹² Ruata Apan Lembonmatul᷊idda masingkattu apa apan nariaddi sulal᷊ummu wal᷊en taumata lal᷊eo. I tou sarun mamontolli mangitou ma'oman sara nate.

AMSAL 21:12 Iomraidhean Croise

PANDARIADDI 19:29

Etearoddi, napawe Mawu Ruata nanoṛṛoba manga soa udde su wawal᷊anna tatanaanni Lot, Mawu Ruata naanaungnga si Abraham wuṛṛu nantul᷊ungngi Lot tinumal᷊angngu watanganne.

AYUB 5:3

Su paassa i ya'u naasilo taumata woddo; wiakke aellehanna tumaniten matohassa. Arawe inaṛṛombanganne ta'u niwontohanna tampa atatanaanne.

AYUB 8:15

Matohassawe sal᷊akka udde amungkangngu pangunsandaṛṛanna? Mataṛṛangngawe wananna udde anungakangngu olaanna pangunsandaṛṛanna?’

DARALO 107:43

Antimanna taumata pande maṛṛingiddu anambon olangnge udde wuṛṛu manga'u manungku Mawu sidutu marangngu.

DARALO 52:5

I'o lembon marangngu al᷊al᷊eo wuassu apapia, mallutuanna mammahia wuassu mabbisara atonna.

AMSAL 13:6

Atatul᷊idda uasirungnga taumata apan mabbiakka ṛinone; al᷊al᷊eo maaṛṛimunsa'a taumata marosa.

AMSAL 14:11

Wal᷊en taumata mapia sidutu matohassa; wal᷊en taumata lal᷊eo sarun maṛṛa'a.

AMSAL 14:32

Taumata lal᷊eo nate ana waugu al᷊al᷊eo, taumata mapia nilu'arannu apapiane.

AMSAL 29:16

Amungkangngu taumata lal᷊eo mamarenta, lal᷊awangnga aatambanna. Arawe taumata matul᷊idda sarun maasilo ananawon taumata lal᷊eo.

HOSEA 14:9

Taumatan Israel sarun mandammen manga paal᷊uanna apan sassubbanne; i mangitou Ta'u paddul᷊iananna wuṛṛu Ta'u daringiṛṛanna aal᷊iomanne. Naal᷊ihidda aaluanna apan uasaṛṛihalo rongngane, i Ya'u sarun manirungnga si mangitou. Ete i Ya'u punnu al᷊awo'u al᷊amatti mangitou. I Ya'u, Mawu, buatte nabbisara.”

AMOS 4:11

Sambageanganna wuassi yamiu Ta'u pateanna ere lai i Ya'u namate Sodom wuṛṛu Gomora. Apan ta'e wiakka suwallatti amia uddewe naal᷊ihidda anutungnga sampaddi apan nianu wuassu putungnga. Salaiwe aroddi i yamiu ta'e lai maddiri mabbelengnga ringang-Ku.

1 KORINTUS 10:5

Salaiwe aroddi, Ruata tawe mal᷊uassa wuassu anamboanne su wallatti mangitou, ana waugu udde manga winal᷊unanni mangitou uatal᷊eṛṛongnga su wadda'a.