AMSAL 2:3 - WUKE SUSI WATTI'U AL᷊AL᷊USASSA

³ Oh, ana'u, pattinsahadde tadea'u maatahuanna ṛingiranna maṛṛoro, wuṛṛu paddorongnge pasasunna.

AMSAL 2:3 Iomraidhean Croise

1 TAWARIKH 22:12

Wuṛṛu antimanna Mawu Ruatanu mangonggolu asingkatta wuṛṛu pasasunna si'o ipamarenta Israel uasul᷊ungngu manga tita-Ne.

DARALO 119:125

I ya'u allang-Ngu, olaawe i ya'u maasunna, tadea'u i ya'u maasunna parenta-Nu.

DARALO 119:169

Antimanna sasal᷊ande'u ma'oma ringan-Nu, oh Mawu, i ya'u onggol᷊eten pasasunna ere buatte nipa'ire-Nu.

DARALO 119:34

Olaawe i ya'u maasunna tita-Nu ana see i ya'u tuttuṛutta, wuṛṛu ta'u iapaamatta ringannu ahewallu naungnga.

DARALO 119:73

Ete I'o apan na'ola'a wuṛṛu nandiaddi si ya'u, i ya'u onggol᷊eten pasasunna ipangurumma manga parenta-Nu.

AMSAL 2:2

Daringiṛṛete sarangkanambone apan maapande wuṛṛu pattinsahadde tadea'u maasunna.

AMSAL 2:4

Rea'ete udde naal᷊ihidda maddea'a wul᷊awanna, wuṛṛu enggenete udde naal᷊ihidda maddea'a darotongnga apan uaal᷊i.

AMSAL 3:6

Pannaungke Mawu sulal᷊ummu al᷊awo'u manaranu, ne i Tou sarun mamiaṛṛangngu lal᷊annu pabbiaṛṛanna apan mapia.

AMSAL 4:1

Ei manga al᷊aṛṛana'a, paddaringikke al᷊aṛṛa'u iamangngu! Paatutuṛṛe udde, ne i'o sarun mabbal᷊i masiṛṛungnga.

AMSAL 8:17

I ya'u u'akkanni mangitou apan mappulu'u; apan maddea'a si ya'u, sarun maasangkalla si ya'u.

LUKAS 11:13

Salaiwe i yamiu lal᷊eo, i yamiu masingkatta lai mangagillu sarannapa mapia su ana'i yamiu. Lembonete Iamangnga su surga. I tou sarun mangagillu Ghaṛṛaho-Ne si mangitou apan madorongnga si Tou!”

YAKOBUS 1:5

Amungkangu pia sangkatou wuassu wallatti yamiu apan woddo, ṛinone i tou sumal᷊ande su Ruata, ne Ruata sarun mangonggolu apande si tou; ana waugu su al᷊awo'u taumata, Ruata sarun mangonggola ringannu naungnga mal᷊uassa wuṛṛu ringannu apendammu darangngu.