AMSAL 2:2 - WUKE SUSI WATTI'U AL᷊AL᷊USASSA

² Daringiṛṛete sarangkanambone apan maapande wuṛṛu pattinsahadde tadea'u maasunna.

AMSAL 2:2 Iomraidhean Croise

DARALO 90:12

Patutuṛṛaawe aauttu wiakki yami indi tadea'u maola'a taumata apan mapia.

AMSAL 18:1

Taumata apan makkaen batanganne wuassu taumata waine atappasanne tumba'u mannutukka watanganne sassane; suapan addapattu taumata waine tompol᷊anni tou.

AMSAL 2:3

Oh, ana'u, pattinsahadde tadea'u maatahuanna ṛingiranna maṛṛoro, wuṛṛu paddorongnge pasasunna.

AMSAL 23:12

Panutukke al᷊aṛṛa'u hurunu wuṛṛu paaṛṛimadda umurumma al᷊aṛṛa'a.

AMSAL 4:1

Ei manga al᷊aṛṛana'a, paddaringikke al᷊aṛṛa'u iamangngu! Paatutuṛṛe udde, ne i'o sarun mabbal᷊i masiṛṛungnga.

AMSAL 4:20

Panutukke manga wisara'u, ana'u! Paddaringikke manga tatantiro'u.

AMSAL 6:32

Arawe ereapate su manga esakka apan sussandaga? I tou manggohakku watanganne sassane! Tumanitewen boddo i tou!

MANNANASE 7:25

Arawe i ya'u maṛṛimadda massal᷊umma wuṛṛu maddea'a apande, tadea'u maasomba asingkatta wuṛṛu sasimbakku al᷊awo'u aiwal᷊o, I ya'u maannamma massunna manungku rosa udde awawoddo, wuṛṛu al᷊al᷊eo uddewe ipaapulu.

MANNANASE 8:16

Sutempo i ya'u mattinsahadda maddea'a asingkatta, wuṛṛu i ya'u mannutukka al᷊awo'u arariaddianna su runia indi, ne i ya'u naatutukke manungku salaiwe i ite mattinsahadda allo ṛabbi ringangu tawe mangillol᷊o,

MANNANASE 8:9

Sarangkanambone indi ta'u niasiloanna sutempo i ya'u mannutukka al᷊awo'u arariaddianna su runia. Pataṛṛa assa taumata mappaattu taṛṛinone ipanilaka sansul᷊ungnge.

YESAYA 55:3

Paddaringikke, ei pabbawala-U, rantate ringang-Ku, i yamiu sarun Ta'u onggol᷊annu wiakka tutune. Ringannu darangngu wuṛṛu tatuṛṛutta apan pina'ire-U si Daud, i Ya'u nangiittu riandi apan tawe auddusanne si yamiu.

MATIUS 13:9

Napawe suete nabbatti'u sasumandingnga udde, Mawu Yesus nabbisara, “Amungkangngu pia tal᷊inga paddaringikka!”

WATTI'U MANGA RASUL 17:11

Manga taumata su Berea masaṛṛionto'a naungnge wuassu manga taumata su Tesalonika. Ringannu naungnga mal᷊uassa i mangitou madaringikka watti'u Mawu Yesus, wuṛṛu miallo-miallo i mangitou mannaṛṛassida lal᷊oṛṛon Wuke Susi tadea'u maasingkatta tanne al᷊aṛṛa'i Paulus udde atonna.