AMSAL 12:2 - WUKE SUSI WATTI'U AL᷊AL᷊USASSA

² Taumata mapia arangnguannu Mawu, arawe taumata apan makkiinnu al᷊al᷊eo sarun iṛṛuumanna.

AMSAL 12:2 Iomraidhean Croise

2 SAMUEL 15:3

ne i Absalom mabbisara, “Tumuṛṛuttu tita i'o atonna, arawe naura tawe tepellu ratu apan maapulu maddaringikka aalaenu.”

DARALO 112:5

Lal᷊umanna'a su taumata apan masaṛṛionto'a naungnge wuṛṛu apulune mappawallasa wuṛṛu matul᷊idda su al᷊awo'u manara.

DARALO 9:15

tadea'u i ya'u maddalo Si'o su saruannu tumana'u Yerusalem. I ya'u sarun lumala'a lulluassa ana waugu I'o nanal᷊amatta si ya'u.

AMSAL 1:31

Ana waugu udde, i yamiu sarun maapendamma pangillul᷊eannu manga inolaannu wuṛṛu manga hol᷊agu apan dal᷊eo.

AMSAL 12:1

Taumata apan mappulun asingkatta i tou mal᷊uassa maasomba tatagu; arawe taumata apan maddiri taguanna uddewe taumata longonna.

AMSAL 14:17

Taumata apan taṛṛa rona ma'ola'a awawoddo; taumata pande masabbare.

AMSAL 14:22

Isai mattinsahaddu apapia, sarun pangimananna wuṛṛu aaddatanna; isai manggol᷊agu al᷊al᷊eo i tou su lal᷊anna nassal᷊a.

AMSAL 3:4

tadea'u i'o ilalluassa wuṛṛu a'ellehannu Ruata wuṛṛu taumata.

AMSAL 8:35

Isai apan maasomba si ya'u, sarun ma'ompa'a wiakka, ete si tou Mawu mal᷊uassa.

MANNANASE 8:8

Tawe saran sangkatou apan wotongnge manaṛṛangnga ara'e manoṛṛottu papatene. Udde manara apan tawe iaal᷊inda'i tou, i tou tawe maal᷊iu wuassi tou, salaiwe ringannu aalla wuṛṛu wawahia.

WATTI'U MANGA RASUL 11:24

I Barnabas indi sangkatou taumata apan mapia naungnge wuṛṛu pia taṛṛinon Ghaṛṛahon Ruata see lai lembo mangngimanna Mawu na'oman sara taumata nambo tinumantalongnga Mawu.

ROMA 5:7

Su sangkatou taumata apan matul᷊ida lai taumata maddiri mate. Asinungka hunane tumba'u su sangkatou apan mapia, piaddu lai maapulu mate.