AMSAL 12:1 - WUKE SUSI WATTI'U AL᷊AL᷊USASSA

¹ Taumata apan mappulun asingkatta i tou mal᷊uassa maasomba tatagu; arawe taumata apan maddiri taguanna uddewe taumata longonna.

AMSAL 12:1 Iomraidhean Croise

DARALO 119:27

Tul᷊ungaawe i ya'u massunna manga tita-Nu, al᷊aṛṛang-Ngu apan maatiangnga sidutu nanaungangku.

DARALO 141:5

Amungkangu pia sangkatou taumata mapia mamo'a si ya'u, wuṛṛu ringannu naungnga mawawo mangaṛa'a si ya'u, udde naal᷊ihidda lana apan apianne si ya'u. Antimanna i ya'u tawe manola'a, ana waugu i ya'u sidutu u'al᷊iomanna mannal᷊are al᷊al᷊eon mangitou.

DARALO 32:9

Arie naal᷊ihidda awal᷊o apan tawe ṛingidde, apan ṛinone iappiaṛa'u tal᷊in ngirunna wuṛṛu tal᷊i tadea'u tumuṛutta.”

DARALO 50:17

Ana waugu i'o maddiri maddaringikka tatagu-Ku, wuṛṛu mannol᷊a'u manga parenta-Ku.

DARALO 92:6

Aroddi ahewalle manga inolaan-Nu, oh Mawu, aroddi alal᷊umme manga ṛingiran-Nu!

AMSAL 10:8

Taumata apan pande, apulune mannengkamma al᷊aṛṛa'a; taumata apan wisarane woddo sarun ilamammiṛṛanna.

AMSAL 11:31

Amungkangngu su runia indi taumata mapia lai sarun manarimmattu wawal᷊inne, natantunte taumata lal᷊eo wuṛṛu marosa sarun maasomba ṛuumanna.

AMSAL 12:2

Taumata mapia arangnguannu Mawu, arawe taumata apan makkiinnu al᷊al᷊eo sarun iṛṛuumanna.

AMSAL 15:10

Taumata apan ma'ola'a al᷊al᷊eo sarun sansaranna, taumata apan maddiri tagguanna sarun mate.

AMSAL 18:1

Taumata apan makkaen batanganne wuassu taumata waine atappasanne tumba'u mannutukka watanganne sassane; suapan addapattu taumata waine tompol᷊anni tou.

AMSAL 30:2

I ya'u woddo ere winatangnga; tawe uatahuanna pasasunna.

AMSAL 8:17

I ya'u u'akkanni mangitou apan mappulu'u; apan maddea'a si ya'u, sarun maasangkalla si ya'u.

AMSAL 8:32

Ana waugu udde, paddaringikke si ya'u, ei ingana'a dario'a! Tuṛṛutte tatantiro'u, ne i'o sarun su lal᷊umanna'a.

AMSAL 8:36

Isai tawe maasomba si ya'u, mandugi watanganne sassane; taumata apan maddantingku, mandangngu papate.”

YESAYA 1:3

Sapi maaillal᷊a tatahuanne, keledai maaillal᷊a tampan aannananne apan buatte nisaddian mawune, arawe uma-U Israel tawe; i mangitou tawe maatutukka.”

IMAMATTA 13:10

Amungkangngu tumuṛṛuttu parikissu imam su pisin taumata udde pia haṛṛuatta mawira apan nabbal᷊i pinsulla wuṛṛu waṛṛabbissa su wageangnge udde nabbal᷊i mawira,

2 TESALONIKA 2:10

I tou sarun mappaattu al᷊awo'u awusune apan lal᷊eo ipangal᷊iwu manga taumata apan sarun mate. I mangitou sarun mate ana waugu tawe maddaringikka wuṛṛu maddirin wattia'a apan naṛṛino wuassu Ruata apan wotongnge manal᷊amatta si mangitou.