AMSAL 10:9 - WUKE SUSI WATTI'U AL᷊AL᷊USASSA

⁹ Taumata matul᷊idda, mabbiakka mal᷊angnganna; taumata apan mallinga sarun asingkatanna.

AMSAL 10:9 Iomraidhean Croise

PANDARIADDI 17:1

Napawe i Abram uukke sioten pul᷊o sio su tonnane, Mawu naipasilon batanganne si tou wuṛṛu nabbisara, “Ete i Ya'u Ruata Apan Lembontaṛṛino. Paatuṛṛutte si Ya'u wuṛṛu sidutu pa'ola'e apulu-U.

AYUB 8:20

Arawe Ruata tawe saran paassa manantangngu taumata satia, wuṛṛu tawe saran paassa lai i Tou mantul᷊ungngu taumata lal᷊eo.

DARALO 23:4

Salaiwe i ya'u u'amatta su wawal᷊anne apan marandumma, i ya'u tawe mata'uttu asasilaka, ana waugu I'o uaringanna si ya'u. I'o uatillumma si ya'u naal᷊ihidda sangkatou mallal᷊u'adda uatillumma dombane ringannu ta'inna wuṛṛu pal᷊o-pal᷊o.

DARALO 25:21

Antimanna apapia wuṛṛu atatul᷊idda maṛṛundinganna si ya'u, ana waugu i ya'u uaantimma Si'o.

DARALO 84:11

Mappianne allo massallo su Wal᷊en-Nu sul᷊ungnge'e saṛṛiwu su tonnane su tampa waine. I ya'u mamile maola'a mandariaga ngara su Wal᷊en Duata'u sul᷊ungnge'e matana'a su wal᷊en taumata lal᷊eo.

AMSAL 17:20

Sangkatou taṛṛa l᷊inga tawe lumuassa, taumata ringannu lilangkamal᷊e'a sarun maasomba silaka.

AMSAL 26:26

Salaiwe i tou mammunin awawinsine, anambon taumata sarun maasilo al᷊al᷊eone.

AMSAL 28:1

Taumata lal᷊eo tuttal᷊angnga ringannu taweddu mangangenggenne, arawe taumata matul᷊idda, waṛṛani ere singa.

AMSAL 28:18

Taumata apan mabbiakka ringannu tawe sangkulle sarun masal᷊amatta. Taumata apan u'al᷊iwu wiakke, sarun manawo.

AMSAL 3:23

I'o sarun umamatta su al᷊al᷊angnganna, wuṛṛu sarun tawe matara.

MATIUS 10:26

“Ariewe pa'atauttu taumata. Tawe apa apan uawuni, apan tawe asiloanna, wuṛṛu tawedu apa apan ia'adappingnga apan tawe asingkatanna.

1 KORINTUS 4:5

Ana waugu udde, amungkangu taambe tempone, arie i yamiu mal᷊iha-l᷊ihakka manantunna manungku sangkatou nassal᷊a ara'e tawe. Paṛṛadote Ruata rumanta. Ete i Tou sarun mamu'a al᷊awo'u addapingnga apan uawuni sulal᷊ummu ararandumma. Ete i Tou apan mamongkakku anambon pandumanna apan uawuni sulal᷊ummu naungngu taumata. Su tempo udde suapan taumata wakkute udde maasengkamma daralo wuassu Ruata apan wotongnge sengkamanni tou.

1 TIMOTIUS 5:25

Aroddi lai manga inolaanna mapia lapiddu asiloanna. Wuṛṛu apan masahadda asiloanna, tawe sidutu mangke uawuni.