AMSAL 10:6 - WUKE SUSI WATTI'U AL᷊AL᷊USASSA

⁶ Taumata mapia sarun maasomba al᷊amatta. Araṛṛagissa uawuni sulal᷊ummu manga wisaran taumata lal᷊eo.

AMSAL 10:6 Iomraidhean Croise

ESTER 7:8

Ringannu massusa Haman nangema'u watanganne su rosobbi Ester maddorongnga ampungnga, arawe su orassa udde lai ratu nabbelengnga wuassu wawail᷊annu wal᷊en araratuanna. Naasilo si Haman aroddi, ratu nangintul᷊i, “Apa? I'o lai ta'e waṛṛanni mandal᷊eo awingku?” Tawe nal᷊annu napawe manga wisara udde buatte niwisaran datu, manga tembonanne nirumanta wuṛṛu nami'unna puan Haman.

AYUB 29:13

I ya'u raddaloannu taumata apan tumaniten massusa, i ya'u natul᷊ungngu wawine wal᷊u na'oman sara i mangitou matammudda.

DARALO 107:42

Taumata matul᷊idda naasilo wuṛṛu lulluassa, arawe taumata lal᷊eo nimmoune.

AMSAL 10:11

Pabbawisaran taumata mapia maaola'a wiakka lal᷊umanna'a, arawe wuassu wisaran taumata lal᷊eo uawuni naungnga lal᷊eo.

AMSAL 10:5

Taumata pande mangngammullu pangitinganne su sutempone, arawe taumata apan tumba'u mattiilla sutempo mangngitingnga, mandantan asasili su watanganne.

AMSAL 11:26

Isai mangngombon darotongnge sarun wontohannu taumata, arawe taumata apan mabbal᷊u'a sarun maasomba daralo.

AMSAL 24:25

Arawe mallaṛṛuungnga apan nakkuumannu taumata nassal᷊a sarun su lal᷊umanna'a wuṛṛu aaddatanna.

AMSAL 28:20

Taumata matul᷊idda al᷊amatannu Mawu, arawe taumata apan mappulu mal᷊ihakka maala, tawe mal᷊iu wuassu ṛuumanna.

AMSAL 3:33

Mawu mamontoga wal᷊en taumata lal᷊eo, arawe mangngal᷊amatta wal᷊en taumata apan matuṛṛutta si Tou.

YESAYA 3:10

Mawu nabbisara, “Pasingkata'e su taumata apan matuṛṛutta si Ya'u manungku i mangitou sarun su lal᷊umanna'a wuṛṛu sal᷊amatta. I mangitou sarun maatemma wuan inasaharanni mangitou.

OBAJA 1:10

“Inolaannu tumaniten maṛṛagissa su saruannu manga tuṛṛangngu papupulunni Yakub. Ana waugu udde i'o sarun pateanna, wuṛṛu aal᷊uandahannu taumata su al᷊o'engngu tempo.

ROMA 3:19

Orassa indi i ite masingkata manungku sarangkanambone apan uawoṛṛetta sulal᷊ummu titan agama Yahudi, udde hunane su manga taumata apan paparentannu tita udde. Ringannu aroddi tawe saran sangkatou wotongnge maasimbakka wuṛṛu ahewallu runia indi wotongnge iapaasal᷊an Duata.

TAHIUL᷊E 28:2

Paatuṛṛutta Mawu Ruatanu, ne anambon al᷊amatta indi sarun ionggola si yamiu: