AMSAL 10:11 - WUKE SUSI WATTI'U AL᷊AL᷊USASSA

¹¹ Pabbawisaran taumata mapia maaola'a wiakka lal᷊umanna'a, arawe wuassu wisaran taumata lal᷊eo uawuni naungnga lal᷊eo.

AMSAL 10:11 Iomraidhean Croise

DARALO 107:42

Taumata matul᷊idda naasilo wuṛṛu lulluassa, arawe taumata lal᷊eo nimmoune.

AMSAL 10:32

Manga wisaran taumata masaṛṛionto'a maal᷊uassa naungnga; manga wisaran taumata lal᷊eo sidutu maataddu'a naungnga.

AMSAL 10:6

Taumata mapia sarun maasomba al᷊amatta. Araṛṛagissa uawuni sulal᷊ummu manga wisaran taumata lal᷊eo.

AMSAL 13:14

Al᷊aṛṛa'u taumata pande naal᷊ihidda al᷊iwombongngu lal᷊umanna'a; napawe piaddu manggol᷊aga, al᷊aṛṛa'a udde mannal᷊amatta.

AMSAL 15:4

Manga wisara mapia maatamba atatohassa, manga wisara apan maal᷊essa naungnga maaddio'a naungnga.

AMSAL 15:7

Manga wisaran taumata pande napenen asingkatta, arawe ṛingirannu taumata woddo tawe aroddi.

AMSAL 18:4

Wisaran taumata wotongnge maola'a punnu apapande mal᷊al᷊umma ere laudda, mapia ere ua'e mangngelekka.

AMSAL 20:15

Manga wisara apan lal᷊oṛṛoannu asingkatta, maareganna wuassu wul᷊awanna ara'e berlianna.

EFESUS 4:29

Amungkangu i yamiu maggahatto, arie mappaattu wisara lal᷊eo. Pappaatten manga wisara apan mannantiro wuṛṛu mantul᷊ungnu taumata waine. Manga wisara ereudde sarun mapaarantan apapia su manga taumata apan naddaringikka.