AMSAL 1:7 - WUKE SUSI WATTI'U AL᷊AL᷊USASSA

⁷ Tadea'u maasomba asingkatta tutune, paarorone ṛinone taumata uatahuanna aaddatta wuṛṛu matta'uttu Mawu. Taumata longonna tawe mangaregan apande wuṛṛu maddiri aṛṛaanna.

AMSAL 1:7 Iomraidhean Croise

AYUB 28:28

Ruata nabbisara su taumata, “Tadea'u maasomba asingkatta, ṛinone i yamiu mangaddatta Ruata. Tadea'u wotongnge maasunna, i yamiu ṛinone mangindaun al᷊al᷊eo.”

DARALO 111:10

Isai-sai apan maapulu maola'a pande ṛinone mangaddata Mawu. I Tou mangonggolu asingkatta su anambon taumata apan matuṛṛutta. Daralo su Mawu su al᷊o'engngu tempo!

AMSAL 1:22

“Ei manga taumata longonna! Maddatingngu tingngera apulun kamiu sidutu aroddi? Tingngerate a'omanna tempone i yamiu umaddo mangngaddio'a wuṛṛu manol᷊a'u al᷊aṛṛa'a?

AMSAL 15:32

Taumata apan maddiri aṛṛaanna, tawe mangaregan batanganne sassane; taumata apan mannengkamma tatagu, mabbali taumata masaṛṛionto'a.

AMSAL 15:33

Matta'uttu Mawu eteudde rapappakku pangangehetta apan mapia; awawantuga liuṛṛoroannu asasaṛionto'u naungnga.

AMSAL 15:5

Taumata woddo tawe maddaringikka al᷊aṛṛa'u iamangnge, taumata pande maddaringikka tataggu.

AMSAL 18:2

Taumata woddo maddiri onggol᷊annu pasasunna; i tou tumba'u mappulu mapasabbangngu lal᷊oṛṛon naungnge.

AMSAL 2:5

Ringannu aroddi i'o sarun maasingkatta apa atappasanne matta'uttu Mawu wuṛṛu i'o sarun maasomba asingkatta su ola'u Ruata.

AMSAL 23:9

Ariewe manantiro taumata woddo; i tou sarun tawe mangaregan tatantironu udde.

AMSAL 9:10

Tadea'u maola'a pande, paarorone ṛinone taumata pia apendamma mangngaddatta wuṛṛu matta'uttu Mawu. Amungkangngu i'o maaillal᷊a Apan Lembonsusi, i'o sarun maasomba pasasunna.

MANNANASE 12:13

Napewe sarangkanambone buatte ta'u niṛṛingidda, eteindi aunne apan ta'u niasombanganna. Ata'utten Duata wuṛṛu tuṛṛutte al᷊awo'u parenta-Ne. ana waugu tumba'u udde taumata niriaddi-Ne.

ROMA 1:28

Ana waugu taumata maddirite lai ma'illal᷊a Ruata, ne Ruata namalaten ṛingiddi mangitou malal᷊eo, na'oman sara i mangitou ma'ola'a manga inolaanna apan ṛinone tawe wotongnge olaanna.

TAHIUL᷊E 4:6

Ola'e ringannu atatuṛṛutta. Amungkangngu inolaanni yamiu aroddi, ne apapandenu lumiatta'a su manga walahanna waine. Napawe i mangitou maaringikka manga tita udde, i mangitou sarun mabbisara, “Asingkata wuṛṛu apandewe eteapa walahanna apan bahewalla udde!”