AMSAL 1:6 - WUKE SUSI WATTI'U AL᷊AL᷊USASSA

⁶ Ringannu aroddi i mangitou wotongnge maaurumma asingkatta apan uaadappingnga sulal᷊ummu wisara wul᷊awanna wuṛṛu maasunna manga wisaran taumata pande see lai manga hatto apan ipappasingkatti mangitou.

AMSAL 1:6 Iomraidhean Croise

DARALO 49:4

I ya'u sarun mabbisara manga wisaran apande, addapattu ṛingirangku tumaniten mal᷊al᷊umma.

DARALO 78:2

I ya'u maapulu mabbisaran sasanato'a wuṛṛu sasumandinga, wuṛṛu manal᷊a'an ao'a wuassu al᷊amona,

AMSAL 24:23

Manga taumata pande buatte nabbisara ereindi: Mallaṛṛuungnga tawe wotongnge mangempe samba'a.

MANNANASE 12:11

Wisaran taumata pande udde naal᷊ihidda ta'innu sangkatou mallal᷊u'adda apan maṛṛoro, ta'inna apan nipaanne ipanahekku manga dombane. Ammul᷊annu sasanato'a wuṛṛu tatantiro, naal᷊ihidda pa'u apan uapansakka matohassa. Sarangkanambone udde aonggollu Ruata lai, mallal᷊u'addi ite apan sambau.

DANIEL 8:23

Su panguddusannu manga araratuanna udde, napawe al᷊al᷊eo niatambante, ne sarun dumanta sangkatou ratu apan puane maattikka wuṛṛu pande mamahia.

REENGANNA 12:8

Wuṛṛu i Ya'u uahahatton tou ringannu uahahati, ringannu matualaga wuṛṛu tawe ringannu ao'o. Ewe'e hati'-U buatte! Anio iraddua waṛṛani lumawangnga si Musa, allang-Ku udde?”

MARKUS 4:11

Ne Mawu Yesus nabbisarate si mangitou, “I yamiu suete nionggol᷊annu al᷊amatta maasingkatta adappingnga su ola'u ereapa Ruata mamarenta. Arawe manga taumata su liudde aaṛṛaannu sasumandingnga,

MARKUS 4:34

Mawu Yesus sidutu mappaattu sasumandingnga amungkangngu i Tou mangaṛṛa'a manga taumata udde. Arawe amungkangngu i Tou sassane ringannu mallal᷊aṛṛenggen-Ne, i Tou mannal᷊a'an sarangkanambone si mangitou.

IBRANI 5:14

Anna apan maattika udde wuattu taumata timmade ana waugu asingkane, wotongngete maṛṛingidda suapa mapia wuṛṛu suapa apan lal᷊eo.

2 PETRUS 3:16

Sulal᷊ummu anambon suranne, Paulus siddutu mammoṛṛetu ola'u hatto udde. Atonna pia manga pira hatto apan masahadda passunnanne sulal᷊ummu manga suratti tou udde. Wuṛṛu wageangnge udde iwabal᷊elongngu manga taumata apan waggan apa-apa wuṛṛu apan lome pangangimanne. Olangnge udde tawe maatiangnga, ana waugu manga wageangnge waine wuassu Wuke Susi a'olaanni mangitou aroddi lai. Apa apan a'olaanni mangitou udde tumba'u manongkaki mangitou sassane.