AMSAL 1:22 - WUKE SUSI WATTI'U AL᷊AL᷊USASSA

²² “Ei manga taumata longonna! Maddatingngu tingngera apulun kamiu sidutu aroddi? Tingngerate a'omanna tempone i yamiu umaddo mangngaddio'a wuṛṛu manol᷊a'u al᷊aṛṛa'a?

AMSAL 1:22 Iomraidhean Croise

AYUB 34:7

I yamiu buatte naasilo taumata ere i Ayub indi? I tou masokka-sokka mallobbossa Ruata.

DARALO 1:1

Lal᷊umanna'a su taumata apan tawe maddringikka al᷊aṛa'u taumata lal᷊eo, tawe mattanno taumata marosa wuṛṛu tawe maggawe ringannu taumata apan mangal᷊uandaga Ruata,

DARALO 94:8

Ei walahangku, ariewe mattingka woddo ereudde, paapiate mappaattu ṛingirannu!

SASABANGNGA 10:3

Ana see i Musa wuṛṛu i Harun inaite sinumaruanna ratu wuṛṛu nabbisara si tou, “Mawu, Ruatan balahannu Ibrani, nabbisara, ‘Sara tingngera i'o tawe massuṛṛubawa si Ya'u? Wala'awe al᷊aṛṛana'U inai, tadea'u i mangitou wotongnge mattaṛṛamawu si Ya'u.

SASABANGNGA 16:28

Ana see Mawu nabbisara si Musa, “Ma'oman sara tingngera i yamiu tawe tumuṛutta manga parenta-U?

AMSAL 1:21

I tou mangngintul᷊i su manga ngaran soa wuṛṛu su manga tampa marame:

AMSAL 1:29

I yamiu naal᷊ihidda taumata apan maddiri maasomba asingkatta, wuṛṛu maddiri tumuṛṛutta Mawu.

AMSAL 1:32

Taumata apan tawe asingkatta su ola'u pabbiaṛṛanna sarun mate ana waugu tawe mangarega'u, wuṛṛu taumata longonna sarun maṛṛimunsa'a ana waugu tawe maddaringikka si ya'u.

AMSAL 1:4

Taumata apan tawe addapanne su ola'u pabbiaṛṛanna niaṛṛaanne na'oman sara uatahuanna ṛingiranna apan maṛṛoro, wuṛṛu taumata saṛṛen tumuwo niaṛṛaanne mabbal᷊i taumata apan pande wuṛṛu wotongnge maṛṛingidda ere taumata matinggakke.

AMSAL 1:7

Tadea'u maasomba asingkatta tutune, paarorone ṛinone taumata uatahuanna aaddatta wuṛṛu matta'uttu Mawu. Taumata longonna tawe mangaregan apande wuṛṛu maddiri aṛṛaanna.

AMSAL 14:6

Taumata mawunga sarun tawe maola'a pande, arawe taumata pande mal᷊uassa massi'ol᷊a.

AMSAL 15:12

Taumata apan apulune mangngal᷊uandaga maddiri tagguanna; i tou maddiri maddorongnga tatantiron taumata pande.

AMSAL 19:29

Taumata woddo apan naungnge matanggakka i tou sarun puul᷊anna.

AMSAL 21:11

Ṛuumanna su taṛṛa lobbossa maola'a al᷊aṛṛa'a su taumata apan tawe pangalamanne. Amungkangngu taumata mapia taguanna, i tou sarun aatambanna pande.

AMSAL 21:24

Taumata mawunga wuṛṛu naungnga matanggakka apulune mappasal᷊a wuṛṛu tawe atoranne.

AMSAL 22:3

Taumata pande mallinda'a napawe maasilo asasilaka; taumata woddo sidutu u'amatta ana see niaṛṛiaannu asasilaka.

AMSAL 3:34

Mawu maddantinnu taumata matanggakka naungnge, arawe mangngal᷊amatta taumata naungnge mawawo.

AMSAL 5:12

Wua'udde i'o sarun mabbisara, “Ah, anio ia'i maddantinnu tatantiro? Anio i ya'u maddiri tagguanna?

AMSAL 6:9

Maddatingngu tingngera i wolo'a udde mattiilla? Tingngerate i tou mappulu mabbangunna?

AMSAL 7:7

Ana see i ya'u naasilo manambo umbasanna apan ta'e dario'a; arawe pia sangkatou apan tatutuṛṛangku woddo suwallatti mangitou.

AMSAL 8:5

I yamiu apan taambe natimu asingkatta su pabbiaṛṛanna, pangurumpe tadea'u ṛingirannu maṛṛoro; i yamiu apan longonna, pangurumpe tadea'u maola'a maasunna.

YEREMIA 13:27

I Ya'u buatte naasilo si yamiu ma'ola'a manga apa apan iaaranting-Ku. I Ya'u naasilote si yamiu mangngenggenna manga nawu waine su wuidda wuṛṛu su wawail᷊anna, ere sangkatou esakka mabbewan awingngu taumata waine ara'e ere awal᷊o esakka mabbewan awal᷊o wawine. Tumana'u Yerusalem, nasilakate i yamiu! Tingngera i yamiu mapallossa wuassu al᷊al᷊eo?”

YEREMIA 4:14

Yerusalem, rammea'e al᷊al᷊eonu wuassu naungngu tadea'u i'o masal᷊amatta. Ma'oman sara tingngera manga ṛingiranna lal᷊eo udde sahipunanna sulal᷊ummu naungngu?

REENGANNA 14:27

“Sara tingngera manga taumata lal᷊eo udde sussamboṛṛe si Ya'u? Anambon sasal᷊iomanni mangitou i Ya'u na'aringikke.

MATIUS 17:17

Mawu Yesus sinumimbakka, “Wal᷊ine hampa i yamiu indi! I yamiu atonna tonna taumata apan wengkolla wuṛṛu tawe mangngimanna. Ma'oman sara tingngera i Ya'u ṛinone uatana'a ringanni yamiu wuṛṛu manabare su al᷊al᷊eong kamiu? Apira'e ana'a udde inawarea!”

MATIUS 23:37

“Yerusalem, Yerusalem! Manga nabi suete nipatenu. Manga ralol᷊oṛṛannu Ruata suete tinuntungannu watu na'oman sara nate. Paapirate i Ya'u maapulu mangammullu tumana'u soa naal᷊ihidda ere inangngu manu'a mangooppa al᷊aṛṛanangnge sulal᷊ummu papaidde, arawe i yamiu madiri!

MATIUS 9:13

Ṛingiṛṛa'o apa atappasannu wageangngu Wuke Susi indi: ‘I Ya'u mappandumma darangngu, wal᷊ine sasamba wuassu winatangnga’. Ana waugu i Ya'u nirumanta wal᷊ine mamaggo taumata apan massunna ririne mapiate, ewe'e taumata apan sassunanna maṛṛusal᷊a.”

LUKAS 19:42

Wisara-Ne, “Ma'a'akkanna, apia eteapa amungkangngu allo indi i'o maasingkatta apa apan botongnge mandantam padarame! Arawe orassa indi i'o tawe maasilo.

YOHANES 3:20

Suapan taumata apan ma'ola'a al᷊al᷊eo, maddirin asasemakka; tadea'u pallal᷊agune apan dal᷊eo tawe asiloanna.

2 PETRUS 3:3

Paarorone, i yamiu ṛinone masingkatta manungku su allo-allo pangudusanne, sarun rumanta manga taumata apan pabbawiakke paparentannu apulu naungngi mangitou sassane. I mangitou sarun mangal᷊uandaga si yamiu,

SONDAPPA 22:17

Ghaṛṛahon Ruata wuṛṛu Ma'a'awingnga Wawine nabbisara, “Wette!” Suapan taumata apan naaringikka indi ṛinone lai mabbisara, “Wette!” Isai apan marou, ṛinone i tou rumanta! Wuṛṛu isai apan maapulu, ṛinone i tou manganu ua'e apan mangonggolu wiakka udde ringannu tawe bawaekke.