AMOS 9:9 - WUKE SUSI WATTI'U AL᷊AL᷊USASSA

⁹ I Ya'u sarun mangonggollu parenta wuṛṛu mattappa walahannu Israel ere taumata mattappa gandumma sulal᷊ummu niṛṛu. Su ipanahangginna sarangkanambone apan tawe gunane suwallatti yamiu, i Ya'u sarun malluakki mangitou suwallattu manga walahanna.

AMOS 9:9 Iomraidhean Croise

YESAYA 27:12

Sutempo udde Mawu sarun mangammullu pabbawala-Ge passambau wuassu Sal᷊ukku Efrat maddatingngu passarannu Mesir. I Tou sarun makkaen mangitou naal᷊ihidda taumata makkaen watun gandumma wuassu wal᷊a'ane.

YESAYA 28:28

Sutempo makkinda gandumma, i tou tawe uata'a mammuulla sara maṛṛimunsa'a. Tawe! I tou masingkattu dal᷊anne makkinda suṛṛinone ringannu uasa'e roda su wowone ringannu tawe makkimunsa'a manga watun gandumma udde.

YESAYA 30:28

I Tou nandolokku anginna niapal᷊iuṛṛoro wuassi Tou naal᷊ihidda manawangnga atanggakke sara ullekka apan nangelekku al᷊awo'a. I Tou nakkadda'a manga walahanna, wuṛṛu namal᷊aatta manga ṛiinni mangitou apan dal᷊eo.

YEREMIA 31:36

Mawu naddiandi, “Tantal᷊anna titan dunia tawe mawal᷊u Israel lai sidutu maola'a sambau walahanna.

YEREMIA 46:28

Nariaddi ariete mata'utta, ei uma-U, i Ya'u sarun dumanta manal᷊amatta si yamiu. Manga walahanna, su tampa i yamiu Ta'u nisal᷊iawukka, sarangkanambone Ta'u pateanna, arawe i yamiu tawe Ta'u olaanna aroddi. Atonna i yamiu tawe mal᷊iu wuassu ṛuumanna arawe ṛuumang-Ku si yamiu udde matul᷊idda uasul᷊ungngu atoranna. I Ya'u, Mawu, buatte nabbisara.”

YEREMIA 49:36

I Ya'u sarun mapatiuppu anginna su Elam wuassu al᷊awo'u tampa, wuṛṛu manal᷊iawukku tumanangnge su anambon tampa na'oman sara tawe saran sambau wanua apan tawe niarantannu tumatal᷊angnga wuassu Elam udde.

YEHEZKIEL 20:38

Manga lumal᷊awangnga wuṛṛu mandal᷊al᷊eo sarun Ta'u iramme wuassu wallatti yamiu. I mangitou sarun Ta'u iapidda sumabbangnga wuassu manga wanua tampa atatanaanni mangitou orassa indi wuṛṛu tawe Ta'u iwala mabbelengnga su leta'u Israel. Ne i yamiu naasingkatte manungku i Ya'u Mawu.”

YEHEZKIEL 36:19

I mangitou Ta'u niṛṛuumanna uasul᷊ungngu ringannu ola'u pabbiaṛṛanna wuṛṛu ala'uanni mangitou, ana see i mangitou Ta'u nisal᷊iawukka watukku manga wanua waine.

YEHEZKIEL 39:28

Ne uma-U masingkatte manungku ete i Ya'u Mawu Ruata mangitou. Ana waugu ete i Ya'u apan nandolokki mangitou watukku pamamuanganna wuṛṛu i Ya'u lai apan nangapiddi mangitou napul᷊e watukku wanua mangitou sassane, ringannu tawe nanantangngu saran sangkatou wuassi mangitou poiaroddi.

YEHEZKIEL 5:10

Timmadde sarun uminassa anangnge sassane wuṛṛu ana'a sarun uminassa hagurangnge. Etearoddi i mangitou sarun Ta'u iṛṛuumanna, wuṛṛu iapa ta'e wiakka Ta'u isal᷊iawukka su al᷊awo'u tampa.

YEHEZKIEL 5:12

Sepertatallu wuassu lal᷊oṛṛon soanu sarun mate ana waugu ṛiwutta see al᷊aṛṛutumma apan maṛṛia'a su soa. Sepertatallu sarun pototannu hal᷊ele su liuddu soa, wuṛṛu sepertatallu lai sarun Ta'u ital᷊eṛṛonga su al᷊awo'u tampa wuṛṛu sarun Ta'u enggenannu hal᷊ele.

IMAMATTA 26:33

I Ya'u sarun mandantan papangalo su wanuanu wuṛṛu manal᷊iawukki yamiu su manga wanua waine. Manga wawail᷊annu tate lu'aranna, wuṛṛu manga soanu niwalate naola'a tuidda.

LUKAS 22:31

“Simon, Simon, paddaringikka! Setanna suete niwala mamono'a si yamiu; ere gandumma iṛṛae wuassu wal᷊a'ane na'oman sara apan mappianne iṛṛae wuassu apan dal᷊eo.

TAHIUL᷊E 28:64

Mawu sarun manal᷊iawukki yamiu suwallatu manga walahanna su ahewallu runia. Poiaroddi yamiu sarun massubba manga Mawu apan niola'a wuassu alu wuṛṛu watu, manga Mawu apan awagananni yamiu wuṛṛu awaganannu iupungngu al᷊amonanu.